நாஞ்சில் எக்ஸ்பிரஸ்™

சலூன்

2012-01-27T02:04:00.000-08:00

தற்போது சலூன் கடைகள் எல்லாம் ஆண்கள் அழகு நிலையங்களாகிவிட்டன. சலூன் கடை என்பதை "மென் பியூட்டி பார்லர் (Men Beauty Parlour) எனமாற்றியது கூட உலகமயமாக்கலின் ஒரு விளைவுதான். எந்த கடையில் முடிவெட்டிக்கொண்டாலும் சிறுவயதில் முடிவெட்டிக்கொண்ட அனுபவங்கள் அவ்வப்போது கண்முன்னே வந்துவிட்டு செல்லும். பொதுவாக ஆண்களுக்கு மட்டுமே கிடைக்கும் இந்த சலூன் கடை அனுபவங்கள் கிட்டத்தட்ட அனேகம்பேரின் வாழ்க்கையிலும் மறக்க முடியாத சில விசயங்களை கொண்டிருக்கும்.

சலூன் என்றால் இப்படித்தான் இருக்கும் என சில அடையாளங்கள் உண்டு. இந்த அடையாளங்கள் பல மாநிலங்களை பணி நிமித்தமாக சுற்றியபோது நான் பார்த்த அளவில் ஒரேமாதிரியாகவே இருந்திருக்கிறது. சுழல் இருக்கைகள், சுற்றிலும் பெரிய நிலைக்கண்ணாடிகள், தண்ணீரை பீய்ச்சியடிக்கும் போத்தல், உயரமான பான்ட்ஸ் பவுடர் டின், காத்ரெஜ் ஹேர் டை, மேலும் கலர் கலராக சில அமிலங்கள் நிரம்பிய போத்தல்கள், வெட்டியெடுத்த வைரம் போன்ற பெரிய படிகாரம் என அடுக்கி வைத்திருப்பார்கள். சலூன்கடை சங்கத்தினரின் விலைப்பட்டியலை சுவரில் கட்டிதொங்கவிட்டிருப்பார்கள். ஒரே வித்தியாசம் நம்மூர் கடைகளில் ஸ்டெப் கட்டிங்கில் கமல்ஹாசனும், வட மாநிலங்களிலும் அமீர்கானும் சுவரில் முறைத்துக்கொண்டிருப்பார்கள்.

சிறுவயதில் என் தந்தை என்னையும் எனது அண்ணன்கள் இரண்டுபேரையும் வழக்கமாக ஜெமீலா சலூனுக்கு முடிவெட்ட அழைத்துச்செல்வதுண்டு. அந்த சலூன் அப்போதைய சலூன் கடைகளில் பெரியது. அந்தக்கடை வைத்திருக்கும் அண்ணாச்சி வாயில் வெற்றிலையைக் குதப்பிக்கொண்டு,முடியையும் வெட்டிக்கொண்டு அங்கு இருப்பவர்களிடம் பேசிக்கொண்டு என மூன்று வேலைகளையும் ஒரே சமயத்தில் பார்ப்பார், எந்த நேரம் குதப்பிய வெற்றிலைச்சாறு நம்மைக் குளிப்பாட்டப்போகிறது என்ற பயத்திலேயே அமர்ந்திருப்பதுண்டு.

கிழிந்த இருக்கையின் வெளியே துருத்திக்கொண்டிருக்கும் நார்பஞ்சு நிக்கரை துளைத்து உள்ளே பதம்பார்த்து நாம் நெளிந்துக்கொண்டிருக்க, "நேரா இரியாம்டே, உள்ள கிருமி கடிக்கா?" என மனசாட்சியே இல்லாமல் கேட்பார். இனி இந்தக்கடைக்கே வரக்கூடாது எனநினைத்தாலும் அதை முடிவு செய்வது என் தந்தை என்பதால் மறுபடியும் அதே கடை.

மீசையும், தாடியும் முளைக்குவயதில், சவரம் செய்தால் சீக்கிரம் முளைக்கும் என்ற அனுபவஸ்தர்களின் அறிவுரையில் சூப்பர்மேக்ஸ் ப்ளேடை வாங்கி சோப்பு நுரை பதைத்து சவரம் செய்யும்போது முகத்தில் புது ப்ளேடு ஏற்படுத்திய தழும்புகளை வீரத்தழும்பாக நினைத்து மகிழ்ந்த காலங்களும் உண்டு.

சுயமாக சவரம் செய்வர்களுக்கு ஒரு அறிவுரை, சவரம் செய்யும்போது சொந்த வயலை எப்படியும் ஊழவு செய்யலாம் என நினைத்து மேலும் கீழுமாக மழிக்கவேண்டாம். இதனால் முகத்தின் மயிர்கால்கள் உடைந்து சருமம் பாதிக்கப்படும், மேலிருந்து கீழாக மட்டும் மழிப்பதே சரியான முறை.

பொதுவாக சலூன் கடைகளில் பதின்வயது முகப்பருக்கள் நிரம்பிய இளவட்டங்களின் கூட்டம் எப்போதும் இருக்கும், திருட்டு தம், லவ்லெட்டர், மற்றும் பல உலகவிசயங்கள்(?) பறிமாறிக்கொள்ளப்படும் ஆண்களின் அந்தரங்க ஸ்தலமாகவும் இருக்கும். நிமிடத்திற்கொருமுறை கண்ணாடியைப்பார்த்து தலைவாரிக்கொண்டும், திருமுகத்தை கண்ணாடிக்குப்பக்கத்தில் கண்ணாடியே பயப்படும் வகையில் நின்று ரசிப்பதும் என சலூன் கடை கண்ணாடிகள் மட்டும் எப்போதும் ஓய்வ்வில்லாமல் வேலைசெய்துகொண்டிருக்கும். தினத்தந்தியை ஓசியில் படிக்கும் சிலரும் அவ்வப்போது வந்துப்போவார்கள்.

இந்தத்துறையில் தற்போது சிறிய நகரங்களிலும் ஆடம்பரமான ஆண்கள் அழகு நிலையங்கள் வரத்துவங்கிவிட்டன. முடிவெட்டவும், சவரம் செய்யவும் சென்றுக்கொண்டிருந்த சலூன் கடைகள், ஆண்கள் அழகுநிலையம் என்ற பெயரில் ஒரேக்கடையில் பல சேவைகளை செய்துகொடுக்கிறார்கள். ஒருமுறை சென்றுவந்தால் அங்கு கொடுக்கும் பணத்தில் சாதாரண கடைகளில் பலதடவை முடியையும் வெட்டி சவரமும் செய்துவிடலாம்.

விடுமுறையில் இதுபோன்ற ஒரு கடையில் சென்றபோது, ஒரு சலூன் கடைக்கான அடையாளங்கள் அறவே மாறியிருந்தன. ஊழியர்கள் சீருடை அணிந்திருக்கிறார்கள், கையுறை அணிகிறார்கள், கத்திரிக்கோலை "ஸ்டெர்லைஸ்" செய்கிறார்கள், பன்னாட்டு நிறுவனங்களின் அழகு சாதனைங்களை அடுக்கி வைத்திருக்கிறார்கள்.காத்திருப்போர் இருக்கைகளில் பன்னாட்டு ஃபேஷன் சம்பந்தப்பட்ட புத்தகங்கள் இறந்துகிடக்கின்றன.
"ஸ்டெப் கட்டிங்" கமல்ஹாசனுக்கு பதிலாக "ஸ்பைக்" வைத்த டாம் க்ருஸ்-ம், "டெவில்லாக்" வைத்த ஜான் ஆப்ரகஹாமும் சுவரில் முறைத்துக்கொண்டிருந்தார்கள். ஆனால் கிழியாத சுழல் இருக்கையில் சொகுசாக அமந்திருக்கும் போது வெற்றிலை குதப்பிய அண்ணாச்சியின் முகம் மட்டும் ஏனோ கண்முன் வந்து செல்வதை தவிர்க்க முடிவதில்லை.

ழ,ள,ல,ற,ண,

2012-01-24T09:00:00.000-08:00

எனக்குத்தெரிந்து தங்கள் தாய் மொழியை சரியான உச்சரிப்புடன் பேசாத மக்கள் தமிழர்களாகத்தான் இருக்க முடியும். ஆனால் இங்குதான் தமிழினத்தலைவர்களும், தமிழ்காக்கும் காவலர்களும், தமிழ் தமிழ் என்று கதறும் சினிமா நாயகர்களும் அதிகம்.

கேரளத்தில் படித்தவர்களும், படிக்காதவர்களும் அவர்கள் மொழியை உச்சரிக்கும் விதத்தை கவனியுங்கள். தமிழ் மொழியில் உள்ள ஒலிகள் அதிகம் பயன்படுத்தப்படும் மலையாளத்தை அவர்கள் தவறாக உச்சரிப்பதில்லை. பூ-வை புஷ்பம் என்றும் சொல்லலாம் புய்ப்பம் என்று சொல்லலாம் என்ற நகைச்சுவையைப்போல "வாழைப்பழம்" என்பது "வாலைப்பலம்" ஆகி தற்போது "வாயப்பயம்" என்றும் சொல்லும் என்ற அளவிற்கு நம் மக்கள் தமிழை வளர்க்கிறார்கள்.

மக்கள் தமிழை ஒரு பக்கம் வளர்த்துக்கொண்டிருக்க, சின்னத்திரை சானல்கள் தாறுமாறாக தமிழை வளர்க்கின்றன. புதிய தலைமுறை என்ற செய்தி சானலை பார்க்கும் துக்க சம்பவம் நிகழ்ந்தது. இங்கு சானலின் பெயரை குறிப்பிடுவதில் எந்த தயக்கமும் இல்லை. இப்படி ஒரு மோசமான தமிழ் உச்சரிப்பில் செய்தி வாசிக்கும் எந்த செய்தி சானலையும் இதுவரை பார்த்ததில்லை. வாசிப்பது மட்டுமின்றி திரையின் கீழே வரும் துணுக்கு செய்திகளில் சாதாரணமாக நிறைய பிழைகள். ஒரு வெகுஜன ஊடகம் தவறான உச்சரிப்பில் செய்தி வாசிப்பதும், எழுத்துப்பிழை செய்வதும் நிச்சயம் ஏற்புடையதே அல்ல.

ஒரு பற்பசை விளம்பரத்தில் பல்மருத்துவர், சிகிச்சைக்காக வரும் சிறுவனிடம் உன் பெல்லைக்காட்டு என்கிறார். பல்மருத்துவர் ஏன் பெல்லைக்காட்டச்சொல்கிறார் என மிரளவேண்டாம், அவர் பல்லைத்தான் காட்டச்சொல்கிறார். இப்படி குத்து மதிப்பாக நாம் அர்த்தங்களையும் புரிந்துக்கொள்ளும் நிலையில் இருக்கிறோம்.

நாகர்கோவிலில் இருந்து திருவனந்தபுரம் செல்லும் பேருந்தில் நமது நடத்துனர் பயணிகள் கூட்டத்தில் "வளிவிடு வளிவிடு" படு சீரியஸாக கத்திக்கொண்டிருக்க கேரள பயணிகள் விழுந்து விழுந்து சிரிப்பதை பார்க்கமுடியும். ஒரு எழுத்து மாற்றி உச்சரிப்பதால் அங்கு அர்த்தமே மாறிவிடுகிறது.

இவை வேண்டுமென்றே தவறாக உச்சரிக்கப்படுதில்லை என்றாலும் மொழியை எப்படியும் உச்சரிக்கலாம் என்ற சிந்தனை எப்படி நம் மக்களுக்குள் உருவானது எனத்தெரியவில்லை. தமிழர்கள் பிற மொழிகளில் பேசும்போது அதை தவறாக உச்சரிக்கும் பட்சத்தில் அவர்களால் திருத்தப்படுகிறோம், கிண்டலுக்குள்ளாகிறோம். ஆனால் நம் மக்கள் தமிழையே அப்படித்தான் உச்சரிக்கிறார்கள்.

பள்ளியில் கற்றுக்கொண்ட எழுத்துக்களின் ஒலி உச்சரிப்பை மறந்துப்போனவர்கள் கலைஞர் பேசிய உரையை கேட்டு உச்சரிப்பை பழகிக்கொள்ளுங்கள், அல்லது இளைராஜா பாடிய பாடல்களை கேட்டாவது தமிழின் உச்சரிப்பை கற்றுக்கொள்ளுங்கள், இல்லையெனில், ஒரே வழி தான் இருக்கிறது "வாயப்பயம்" போன்ற வார்த்தைகளை தமிழ் அகராதியில் சேர்த்து அதுதான் சரி என்று மாற்றி விடுவோம்.

மு(தொ)ல்லைப் பெரியாறு...

2012-01-22T09:47:00.000-08:00

நம்மூரில் சீசனுக்கு பழங்கள் வருவதுபோல இப்போது பிரச்சனைகளும் சீசனுக்கு சீசன் வந்து போய்க்கொண்டிருக்கிறது. படுதீவிரமாக இருந்த முல்லைப்பெரியாறு பிரச்சனை அமைதியாகிவிட்டது. புரட்சியாளர்களும், தமிழுணவாளர்களும் அடுத்த சீசன் வரட்டும் என காத்திருக்கிறார்கள்.

தொழில்நுட்பம் எக்கச்சக்கமாக வளர்ந்துள்ளதால் புதிதாக நிறைய குபீர் தமிழுணவாளர்கள் உருவாகியிருக்கிறார்கள். தெருவில் இறங்கி போராடினால் ஒரு நாள் "லாஸ் ஆஃப் பே" ஆகிவிடும் என்பதால் சிகரெட் அட்டையின் பின்புறத்தை தவிர அனைத்து சமூகவலைத்தளங்களிலும் அழுதுபுரண்டிருப்பதை படிக்கும்போது "ஏழாம் அறிவு" சினிமாவை பார்த்தபோது உண்டானதை விட நம் உடலில் தமிழ் ரத்தம் சூடாகி தாறுமாறாக ஓடுகிறது

விவசாயிகளுக்காக விவசாயிகள் மட்டுமே தெருவில் இறங்கிபோராட வேண்டும் என்பது மீண்டும் ஒருதடவை நிரூபணமாகி இருக்கிறது. வன்முறை மட்டுமே தெரிந்த சில அமைப்புகளும், சில சந்தர்ப்பவாதி கட்சிகளும் ஆட்டத்தில் நாங்களும் உண்டு என கரைவேட்டியுடன் காட்சிபிழை காண்பித்துக் கொண்டிருக்கிறார்கள்.

நமது தமிழினத்தலைவரோ அணை அமைந்திருக்கும் பீர்மேடு பகுதி தமிழ்நாட்டிற்கு சொந்தமானது என்ற கண்டுபிடிப்பை சொல்லியிருக்கிறார், இதை அவர் ஆட்சியேலேயே சொல்யிருந்தால் உடன்பிறப்புகள் அதையும் கையகப்படுத்திருப்பார்கள். அணைப்பிரச்சினைக்கு முற்றுப்புள்ளி வைத்திருக்கலாம்.

ஃபேஸபுக்கில் வாக்குப்பெட்டி வைத்து முல்லைப்பெரியாறு அணையும் உடையுமா? உடையாதா? என்ற கேள்விக்கு நான்கு பதில்களை வைத்து, உடையாது என்ற பதிலில் ஓட்டுக்குத்தி படுதீவிரமாக அணையின் ஸ்திரத்தன்மையை நிரூபிக்கிறார்கள். தவறுதலாக அந்தப்பக்கம் வரும் சில தமிழ்தெரிந்த சில மலையாளிகள் உடையும் என்பதில் குத்திவிட்டு தங்கள் தரப்பு நியாயத்தையும் சொல்லுகிறார்கள். உச்சநீதிமன்றம் அமைத்த நடுவர் குழு பேசாமல் இதைவைத்தே தங்கள் முடிவை தெரிவித்துவிடலாம்.

அரசும், ஊடகமும் இணைந்து ஒரு பிரச்சினையில் ஒரே தீர்வுக்காக இறங்கினால் விளைவு எப்படி இருக்கும் என்பதையே கேரளமாநிலத்தில் மு.பெ.பிரச்சனையில் காணமுடிந்தது. அணை உடைந்தால் இத்தனை குடும்பகள் பாதிக்கப்படும் என மலையாள மனோரமாவின் தலைப்புச்செய்தியே இருபது வருடங்களுக்கு மேலாக மக்களின் ஆதரவு இன்றி இருந்த இப்பிரச்சனைக்கு மக்களின் ஆதரவைப்பெற்றுத்தந்தது. இதன் தொடர்ச்சியாக நடந்த சில நகைச்சுவையான சம்பவங்கள் நிறைய உண்டு.

எனது அலுவலகத்தில் இருக்கும் கொச்சியை சேர்ந்த நண்பர் ஒருவர் படுசோகமாக முகத்தை வைத்துக்கொண்டு அணை உடைந்தால் என் குடும்பத்தை உடனே கோழிகோடில் உள்ள தன் உறவினர் வீட்டுக்கு போகசொல்லிருக்கிறேன் என்கிறார். இன்னொருவரோ அதான் தண்ணிர் தருகிறோம்னு சொல்றோமல்ல அப்புறம் ஏன் அணையை கட்டுவுடமாட்டீறீங்கனு உம்மன் சாண்டியின் பன்ஞ் டயலாக்கை அடிக்கடி உதிர்த்துக்கொண்ருக்கிறார்.

கொடுமையின் உச்சமாக ஒரு மலையாள பண்பலை-ல் இரண்டு ரேடியோ "ஜோக்கி"கள் பேசிக்கொண்டிருந்ததுதான். முல்லைப்பெரியாறு அணையை கட்டியபோது, அணையைப்பற்றிய ஆவணங்களும், இரு மாநிலங்களுக்கும் இடையேயான அணை ஒப்பந்தம் பற்றிய ஆவணங்களும் பிரிட்டிஷ் அரசு லண்டனிற்கு அனுப்பி வைத்துள்ளதாகவும், லண்டன் ஆவணக்கிடங்கில் அதனை ஒரு பண்பலை நேயர் சேகரித்து வருவதாகவும், அந்த ஒப்பந்ததைப்பற்றிய உண்மையான விவரங்களை அரசிடம் சமர்ப்பிப்பதாக பேசிக்கொண்டிருந்ததுதான். இவர்களை பார்க்கும்போது நமக்கு பரிதாபம்தான் வருகிறது.

இந்த முல்லைப்பெரியாறு சீசன் இன்னும் நூறுவருடங்களுக்கு அணையைப்போல ஸ்திரமாக தொடர்ந்து வந்துப்போய்கொண்டிருக்கும், ஆனால் அடுத்த தலைமுறை குபீர் தமிழுணவாளர்கள் தங்கள் நியாயத்தை எந்த தொழில்நுட்பத்தை பயன்படுத்தி எதில் பதிவு செய்வார்கள் என்பதுதான் மில்லியன் டாலர் கேள்வி.

MY NEW YEAR WISHLIST- 2012

2012-01-01T06:36:00.000-08:00

ஃபேஸ்புக்கில் இட்டதை மொழிபெயர்த்து, தட்டச்சு செய்ய நேரம் இல்லாததால் சோம்பல் கொண்டு அப்படியே காப்பி பேஸ்டுகிறேன் தமிழ் ஆர்வலர்கள் மன்னிக்கவும். :))

அனைவருக்கும் இனிய புத்தாண்டு நல்வாழ்த்துக்கள்.

MY NEW YEAR WISHLIST- 2012

1. An amicable Solution on Mullai Peryar & Koodangualm issue

2. Manmohan Opens his mouth

3. M.K.Azhagiri Speaks in Parliment.

4. Rahul Gandhi get married and concentrate on his wife instead of this Country.

5. SC announce RASA and KANIMOZHI are criminals in 2G SCAM

6. Amma stop Revenge and focusing on deve. of TN

7. Ramadas dispose PMK

8. Powerstar's "Ananda thollai" breaks ChanraMuki's Record.

9. Sam Anderson come back to Cinema.

10. Tamil Bloggers stop releasing Books

11. FB Friends stop tagging me...

12. Actor Vijay stop acting

போராளி -

2011-12-02T08:50:00.000-08:00

சமுத்திரகனி(இயக்கம்), சசிகுமார்(தயாரிப்பு) கூட்டணியில் வெளிவந்த புதிய படைப்பு. இவர்களின் பழையை படைப்புகளை வைத்து இதுவும் ஒரு வித்தியாசமான படைப்பாக இருக்கும் என்ற ஒரே நம்பிக்கையே இந்தக்கூட்டணியின் மேல் ஒரு எதிர்பார்ப்பை உருவாக்கியது.

சமுத்திரக்கனி, சசிகுமார் போன்ற சிறந்த படைப்பாளிகள் தாங்கள் எழுதிவைத்த திரைக்கதையை முழுவதும் படித்துவிட்டுதான் படமாக்குகிறார்களா என்ற தேவையற்ற சந்தேகம் படம் முடிந்தவுடன் எழுகிறது.

80,90 களில் வெளிவந்த படங்களில் நையப்புடைக்கப்பட்ட சில டெம்ப்ளேட் கதைகள் உண்டு. வெட்டித்தனமாக திரியும் கதாநாயகன் சென்னைக்கு வந்து கஷ்டப்பட்டு ஒரேபாட்டில் பணக்காரனாக மாறுவது அதில் ஒன்று, சொத்துக்காக சொந்தபந்தங்களால் சிறுவதியதிலேயே வஞ்சிக்கப்படும் கதாநாயகன் வளர்ந்து அவர்களை சதியை முறியடிக்கும் மற்றொரு கதை. இந்த இருவேறு கதைகளை கொஞ்சம் டிங்கரிங் வொர்க் செய்து படம் பார்ப்பவர்களையும் ஒரு போராளியாக்குகிறார்கள். அந்த டிங்கரிங் வேலைக்காக அவர்கள் கையில் எடுத்திருக்கும் விஷயம், சொந்தங்களால் வேண்டாம் என துரத்தியடிக்கப்படம் மனநலம் குன்றியவர்கள் பற்றியது.

முதல் காட்சியில், ஒரு அறையில் இருந்து தன்னுடன் மற்றொருவரை கூட்டிக்கொண்டு தப்பித்துப்போகிறார் சசிகுமார். டைரக்டர் என்னமோ பெருசா சொல்லப்போராரு என்ற எதிர்பார்ப்புடன் நாமும் அமைதியாக காத்திருக்கிறோம். அங்கிருந்து தப்பித்த சசிகுமாரும் அவரது நண்பரும் சென்னைக்கு வருகிறார்கள்.

சென்னையில் கஞ்சாகருப்புவின் வீட்டில் தஞ்சம் புகும் இரண்டுபேரும் அண்டை வீட்டாருக்கு உதவிசெய்து, ஒரு பெட்ரோல் பங்கில் வேலையும் செய்கிறார்கள். இடைவேளை வரை கஞ்சா கருப்பின் சலித்துப்போன காமெடி டயலாக்களுடன் படம் நகர்கிறது. அவ்வப்போது பேராசிரியர் கு.ஞானசம்பந்தன் வந்து புண்சிரிப்பை வரவழைக்கிறார். இந்நிலையில் அவர்களை தேடி ஒருகும்பல் சென்னைக்கே வருகிறது. தேடிவந்த கும்பல் அவர்கள் இருவரும் பைத்தியக்காரர்கள், மனநலகாப்பகத்திலிருந்து தப்பித்து வந்துவிட்டார்கள் எனச்சொல்லவும் இடைவேளையும் வருகிறது.

இனியாவது படத்தைப்போடுவார்கள் என காத்திருக்கிறோம், இடைவேளை முடிந்ததும் யார் பைத்தியம், யார் நார்மல், ஏன், எதற்கு என்பதை படம் பார்க்கும் நாமே யூகித்துவிடுவதால் முதல் பாதியில் இருந்த கொஞ்ச நஞ்ச சுவாரஸ்யமும் இண்டாம் பாதியில் இல்லை.

அனநாதைகளாக விடப்படும் மனநலம் குன்றியவர்கள் மேல் அக்கறைப்படும் சமுத்திரக்கனி அந்த விசயத்தை இன்னும் பலமாக திரைக்கதையில் சொல்லியிருக்கலாம். ஏழாம் அறிவில் போதிதர்மனைப்போல சரக்குக்கு ஊறுகாயாகவே இதிலும் செய்திருக்கிறார்கள்.

இவர்களின் ஆஸ்தான இசையமைப்பாளர் சுந்தர் சி. பாபு பின்னணி இசைக்காக எந்த மெனக்கெடலும் செய்யவில்லை. நாடோடிகள் படத்தில் அடித்த அதை டராக்கை அப்படியே பொருத்தியிருக்கிறார்.

படம் முடியும்வரை பார்ப்பவர்களையும் போராளியாக மாற்றும் திரைக்கதை, படம் முடிந்தவுடன் ஏமாளியாக வெளியேற வைக்கிறது.

ஏழாம் அறிவு - அபத்தத்தின் செறிவு

2011-10-27T23:41:00.000-07:00

ஏழாம் அறிவு - சிறுநீர்ப் பையில் சேமித்து வைத்திருந்த தனது அபரிமிதமான தமிழ்உணர்வை ஏழாம் அறிவு என்ற பெயரில் வெளியேற்றிருக்கிறார் ஏ.ஆர். முருகதாஸ்.

ஆரம்பத்தில் வரும் போதிதர்மன் குறித்த ஆவணப்படத்தில் போதிதர்மன் யாரென்றே தெரியாது என்கிறார்கள் நம் ஊர் மக்கள், சைனா மக்கள் எல்லாருக்கும் அவரைப்பற்றி தெரிந்திருக்கிறது. எனக்கும் இதுவரைக்கும் விக்ரம்தர்மாவைத்தான் தெரியும். போதி தர்மன் யாரென்று தெரியாது. இதில் கேவலப்படுவதற்கோ வெட்கப்படுவதற்கோ எதுவுமில்லை.

தன் வாழ்நாளில் பெரும்பகுதியை சீனாவில் கழித்துவிட்டு அவர்களுக்கு கலைகளை கற்றுக்கொடுத்துவிட்டு மறைந்த ஒருவரைப்பற்றி நம்மஊர் மக்கள் அறிந்திருக்கும் சாத்தியங்கள் எந்த அளவிற்கு இருக்கிறது.? காமராஜரையே மக்கள் மறந்துவிட்டார்கள். பரந்து விரிந்த இந்திய துணைக்கண்டத்தில் தனது திறமைகளையும் கலைகளையும் பரப்புவதை விட்டு அவர் சீனாவுக்கு செல்லக்காரணம்? பதில் கிடையாது.

தமிழ்உணர்வை தட்டி எழுப்பி காசு பார்க்க முயன்றிருப்பவருக்கு படத்தின் லாஜீக் பற்றி எந்த அக்கறையும்படவில்லை.லாஜீக் ஓட்டைகள் நிரம்பிய ரமணா, கஜீனி போன்ற மசாலா படங்களில் இருந்த அசத்தலான திரைக்கதை இதில் காணவில்லை. படத்தில் ஏதாவது ஒருவிசயத்தை அழுத்திசொல்லப்படவேண்டும். சமுக அக்கறை, சயின்ஸ், தமிழ் உணர்வு இது எல்லாவற்றையும் போட்டு குழப்பி வழக்கமான ஒரு தமிழ்சினிமாவாக ஹீரோ ஜெயிக்கிறார் வில்லன் மரணம் சுபம். இது மாதிரியான ஒரு அறிவியல் மசாலாவை நாங்க 20 வருசத்துக்கு முன்னாடி விக்ரம் படத்துலேயே பார்த்துவிட்டோம். இந்தவகையில் ஒரு முழுமையான படமாக சிலவருடங்களுக்கு முன்பு வந்த ஜனநாதனின் "ஈ" திரைப்படம் ஒரு நல்ல உதாரணம்.

ஒரு செந்தில்-கவுண்டமணி காமெடியில், செந்தில் ஊர்க்காரர்களிடம் எங்க அண்ணன் மேல கைவச்சுப்பாருங்கடா என்று சொல்லுவார், அவர்கள் கவுண்டர் மேல் சும்மா கைவைக்க, கைதான வச்சீங்க அடிச்சுப்பாருங்கடா என்பார் அவர்கள் அடிக்க தானும் ரெண்டு அடிகொடுத்துவிட்டு ஓடுவிடுவார். விஞ்ஞானிகளின் கூட்டத்தில் தமிழை கொச்சைப்படுத்தும் விஞ்ஞானிகளுக்கு சுருதி பதில் கூறும் காட்சியில் இந்த காமெடிதான் நினைவுக்கு வந்தது. அந்தக்காட்சியில் சுருதி பேசும் வசனங்கள் அபத்தத்தின் உச்சம். விஞ்ஞானிகள் கூட்டம் ஏதோ அரசியல் கட்சியின் செயற்குழு கூட்டம் போல் இருக்கிறது.

.தமிழை யாராவது கொச்சைப்படுத்தினால்தான் தமிழனுக்கு தமிழுணர்வு பொங்கிவழியும் என்னும் கருத்தில் சினிமாகாரர்கள் உறுதியாக இருக்கிறார்கள். ஆட்டோகிராஃப் படத்தில் தமிழனை நாய்கள் என கொச்சைப்படுத்தும் ஒரு மலையாளியை அடித்துபுரட்டும் சேரனும் இதில் விதிவிலக்கல்ல.

ஒருவரின் மனதை நோக்குவர்மத்தால் தன்வசப்படுத்தும் அந்த சைனாக்காரன் பாத்திரம் மிகைப்படுத்துதலின் உச்சம். ஒருவரின் மனநிலையை தன்வசப்படுத்துவது ஹீப்னாடிசம், மெஸ்மெரிஸம் வழியாக சாத்தியமே ஆனால் பார்த்தமாத்திரத்தில் வரிசையாக ஒருவரின் மனதை தன்வசப்படுத்தி அவர்களை தன் கட்டளைப்பபடி நடத்துவது சாத்தியமே இல்லாத ஒன்று. சைனாக்காரன் ஒரு கோட்சூட் போட்ட மந்திரவாதி என்று காண்பித்திருந்தால் இன்னும் பொருத்தமாக இருந்திருக்கும்.

ஹீப்னாடிசம், மெஸ்மெரிஸம் போன்ற விசயங்களை விக்கிபீடியாவிலும், கூகுள் உதவியுடன் அரைகுறையாக படித்ததால் வந்தவினை இது. சைனாக்காரன் காவல்நிலையத்திற்கே சென்று போலீசாரை கொன்றுகுவித்துவிட்டு சர்வசாதாரணமாக ஊருக்குள் நடமாடிக்கொண்டிருக்கிறார். தமிழ்நாட்டு போலீசை இப்படி கேலப்படுத்தியிருக்கவேண்டாம். இத்தனைக்கும் சிசிடிவி கேமராவிலெல்லாம் பதிவுசெய்கிறார்கள்.

தைரியமிருந்தால் இந்திய ஆர்மியின் முன்பு வந்து நில்லுங்கள் என்று பேசும் சுருதிக்கு சீனாவின் ராணுவபலம் பற்றியோ சீனாவின் குண்டை தன் துப்பாக்கியில் செலுத்தி பாகிஸ்தானும் நம்மைதாக்கும் என்ற ராணுவ அரசியலைப் பற்றியோ தெரிந்திருக்க வாயப்பில்லை.

மிககொடுமையான நோய்பரப்பும் கிருமிகொண்ட மருந்துகளை சீனாவிலிருந்து "ஜஸ்ட் லைக் தட்" என தன்னுடன் லக்கேஜ்-ல் கொண்டுவந்து நேரடியாக அதை பரப்புவது எத்தகையான அபத்தம் என்பது முருகதாஸ்க்கு தெரியாமல் போனது ஆச்சர்யம். பயோவார் உண்மையில் எப்படி செயல்படுத்தப்படுகிறது என்பதை பற்றி இன்னும் தெளிவாக தெரிந்துவிட்டு சொல்லிருக்கலாம்.

கேள்வி கேட்காமல் நீங்கள் காண்பிக்கும் அத்தனை அபத்தங்களையும் பார்த்துவிட்டு சும்மா இருக்க இது விட்டலாச்சார்யா காலமல்ல முருகதாஸ் அண்ணே.

" ராணா" கைவிடப்பட்டதால் வரும் நன்மைகள்

2011-10-03T10:28:00.000-07:00

ரஜீனியின் "ராணா" திரைப்படம் கைவிடப்பட்டதால் வரும் நன்மைகள்

1. பட ரிலீஸ் அன்று ஆம்புலன்ஸ்க்கு கூட இடம் கொடுக்காத விசிலடிச்சான் குஞ்சுககளின் தொல்லை இருக்காது :)

2. படம் தடைப்பட்டதால் ரிலீஸ் அன்று விசிலடிச்சான் குஞ்சுகள் வேலைக்கு போகாமால் லீவு எடுக்கமாட்டார்கள். இதனால் நாட்டின் உற்பத்தி அதிகரிக்கும் :)

3. தமிழ்திரையுலகில் ராணா ஒரு ஒலகப்படம் என்ற அலப்பறை பதிவுகள் இருக்காது:)

4. 60 வயது தாத்தாவின் ரொமான்ஸை கண்டு இளம் காதலர்கள் தற்கொலை செய்ய மாட்டார்கள்:)

5. சன் டிவி இதை விலைக்கு வாங்கி கேமராவுக்கு பின்னால, கேமராவுக்கு முன்னால,கே.மேல,கே.கீழ, இந்த ஒலகப்படத்தை தயாரிச்சது எப்படி போன்ற கருமாந்திர நிகழ்ச்சிகள் இருக்காது.

6. விசிலடிச்சான் குஞ்சுகள் பதிவிடும் தொடர் பாராட்டு விமர்னங்களால் கூகுள் சர்வர் டவுன் ஆகாமால் தப்பித்தது.

7. பல ரங்கமணிகளின் பர்ஸ் தப்பித்தது.

8. ராணா படத்தை பார்க்கலைன்னா உயிர் வாழவே லாயக்கு இல்லை என்ற விசிலடிச்சான் குஞ்சுகளின் கேவலமான அட்வைசிலிருந்து தப்பிக்கலாம்.

9. ஆஸ்கர் பரிந்துரைக்கு சென்று ஆஸ்கர் விருது மீண்டும் டேமேஜ் ஆகாமல் தப்பித்தது. (எந்திரனால் ஆஸ்கர் ஆல்ரெடி டேமேஜ் ஆயிடுச்சு).

10. சிறிய பட்ஜெட் பட தயாரிப்பாளர்களின் தலை தப்பித்தது.

11. மக்கள் தொலைக்காட்சியை தவிர உலகத்தின் அத்தனை சேனல்களிலும் ராணா பட விளம்பரங்கள் வந்து பொறுமையை சோதிக்காது.

12. எப்படியும் ஏதாச்சும் ஒரு ஆங்கில, கொரிய படத்தை சுட்டுத்தான் எடுக்கப்போறானுங்க. ஒரு உலகப்படம் தப்பித்தது.

======================

இனி இருந்தாலும் தெரிவிக்கவும்.

ஒரு படம் ட்ராப் ஆச்சுன்னா சமுதாயத்துக்கு இத்தனை நன்மைகள். இதை பிரிண்ட் அடித்து ஆட்டோவின் பின்னாலும், பிட் நோட்டிஸ் அடித்து விநியோகித்தும் நம் சமுகத்துக்கு விழிப்புணர்வு உண்டாக்குவோம் :)))

கழுத்தறுத்த அனுராக் மற்றும் பெனகல்

2011-09-27T11:59:00.000-07:00

இது சினிமா விமர்சனம் அல்ல அதை இயக்கிய இயக்குனர்களை விமர்சிக்கும் பதிவு.

இந்தி திரைஉலகில் ஸ்டார் வேல்யு, மாஸ் ஓப்பனிங், கலைக்ஷன் இவற்றைப்பற்றி கவலைப்படாமல் வித்தியாசமான படங்களை தந்துக்கொண்டிருக்கும் இயக்குனர்களில் என்னை மிகவும் கவர்ந்தவர்கள் அனுராக் காஷ்யப் மற்றும் ஷ்யாம் பெனகல்.

வெல்கம் டு சஜ்ஜன்பூ(Wellcome to Sajjanpur) என்ற கவிதையை உருவாக்கி விட்டு வெல்டன் அப்பா(Well Done Abba) என்ற மெகா இழுவையை உருவாக்கிய பின் போன பெனகலை இன்னும் காணவில்லை.

அனுராகின் (ஷூல்), தேவ்டி, குலால், Black Friday படங்களால் கவரப்பட்டு கடைசியாக மும்பாய் கட்டிங் படத்தில் இயக்கிய ப்ரமோத் பாய் 23 வரைக்கும் மனுசன் நல்லாத்தான் இருந்தாரு. யார் கண்ணு பட்டுச்சோ சமீபத்தில் வெளிவந்த THAT GIRL IN YELLOW BOOTS இப்படி புலம்ப வைத்துவிட்டது.

எல்லா இயக்குனர்களும் எப்போதும் நல்லப்படங்களை கொடுக்க முடியாதுதான். ஆனால் நம்மை கவர்ந்த இயக்குனர்கள் சில திராபைகளை உருவாக்கும்போது அதை விமர்சிக்கும் கடமை ரசிர்களுக்கு கண்டிப்பாக உண்டு. கரண்ஜோகரையோ, சஞ்சய் லீலா பன்சாலியையோ விமர்சிக்கும் கடமையோ, உரிமையோ அனுராக், பெனகலின் ரசிகளுக்கு இல்லை. அது அவர்களின் படஙகளில் வரும் பாத்திரங்களைப்போல மேட்டுக்குடி ரசிகர்களுக்கே மட்டுமே உரியது. இதனால் அவர்கள படங்களை பார்க்கும் வழக்கமும் இல்லை.

சினிமா விஞ்ஞானிகள் குறுந்தாடி வச்சிருக்கனும்,பெல்ட் போடாமல் பேன்ட் போட்டிருக்கனும் என்ற வித்தியாசமான டெம்ப்ளேட் காட்சிகளை கொஞ்சம் வித்தியாசமாக தானும் பின்பற்றுவேன் என அனுராக் இந்தப்படத்தில் தன்மனைவியை நடிக்க வைத்து நிருபித்திருக்கிறார். உலகதிரைப்பட விழாக்களில் பங்குபெறும் சினிமாக்களை இயக்குவதால் அவரும் இந்த டெம்ப்ளேட்டுக்களில் அகப்பட்டுவிட்டார் என தோன்றுகிறது. அதற்காக இப்படியா?

மும்பய் மேரி ஜான், ஸ்லம் டாக் போன்ற படங்களில் பார்த்த வன்முறை,அடித்தட்டு மக்களின் வாழ்க்கை போன்றவை ஏற்படுத்திய பாதிப்பு இந்தப்படத்தில் வரவில்லை. ஒருவகையான அருவருப்பே வந்தது. படத்தையும் ஒடவிட்டு ஆ.விகனில் இந்தவாரம் வந்த பட்டுக்கோட்டை எழுதிய சிறுகதையையும், வட்டியும் முதலும் கட்டுரையையும் சேரத்து மொத்த ஆ.வியையும் படித்துவிட்டேன். படத்தின் சுவாரஸ்யம் அப்படி.:!!

அனுராக் சார் தாங்களின் அடுத்த Gangs of Wasseypur படத்திற்காக வழக்கம்போல உங்கள் ரசிகனாக காத்திருக்கிறேன்.

மங்காத்தா......

2011-08-31T06:43:00.000-07:00

தல-க்காக முதல்நாள் முதல் ஷோ. தியேட்டரில் ரஜீனி் படத்துக்கு இருக்கும் ரெஸ்பான்ஸ் இருந்தது.

மங்காத்தாவை பார்க்கும்முன் The Italian Job(2003) என்ற ஆங்கிலப்படத்தின் அவுட்லைனை பார்த்துவிடுவோம்(ஆரம்பிச்சுட்டாங்கடா). ஒரு கொள்ளைக்கும்பல், பிளான் பண்ணி வங்கியிலிருந்து தங்ககட்டிகளை கொள்ளையடிக்கிறது. கும்பலில் ஒருத்தன் மற்ற உறுப்பினர்களுக்கு நாமம்போட்டு தங்ககட்டிகளுடன் எஸ்ஸாகிறான். ஏமாற்றப்பட்டவர்கள் அந்த அப்பாடக்கரிடமிருந்து மீண்டும் தங்ககட்டிகளை எப்படி கைகப்பற்றுகிறார்கள் என்பதே அதன் அவுட்லைன்.

தங்ககட்டிகளுக்கு பதிலாக பெட்டிங் செய்வதற்காக பிரியும் பணத்தை போட்டு கொஞ்சம் டிங்கரிங் வொர்க் செய்து வெளியிட்டால் அதுவே மங்காத்தா. செட்டியாரிடமிருக்கும் பெட்டிங் பணம் 500 கோடியை கொள்ளையடிக்க, பல தில்லாலங்கடி வேலைசெய்து செட்டியாரை நெருங்கி ஸ்கெட்ச் போட்டு பணத்தை ஐந்துபேருடன் சேர்ந்து கொள்ளையடிக்கிறார் போலீஸ் என்ற பொறுக்கியான அஜீத்.

ஐந்துபேரில் இரண்டுபேர் பணத்துடன் எஸ்ஸாகிறார்கள். ஒரு பக்கம் செட்டியாரும், ஒரு பக்கம் அஜீத்தும் பண்த்தை துரத்துகிறார்கள். கடைசியில் பணம் யாருக்கு கிடைத்தது? அஜீத்துக்குத்தான்னு படத்தை பார்க்காமலயே எல்லாருக்கும் தெரியும். ஆனால் எப்படி என்பதில்தான் ஒரு ட்விஸ்ட் வைத்திருக்கிறார் வெங்கட் பிரபு.

மும்பை சிட்டியிலுள்ள டிராஃபிக் சிக்னலை "ஹேக்" செய்து தங்கள் முழுகட்டுப்பாட்டில் கொண்டு வந்து வண்டியில் இருக்கும் பணத்தை ஆட்டையப்போடுதை அப்படியே The Italian Job படத்திலிருந்து சுட்டு மொக்கையாக காட்சிப்படுத்தியிருக்கிறார்கள். அதைபார்க்கும்போது பழைய எம்ஜீஆர் படமான அவசரபோலீஸ் 100-ல் வரும் போலீஸ் கட்டுப்பாட்டு அறை( Control Room) தான் ஞாபகத்துக்கு வருகிறது.

எல்லாப்படங்களிலும் "ஹேக்" செய்ய ஐஐடி ட்ராப் அவுட், ஐஐடி கோல்ட் மெடலிஸ்ட்டை கூப்பிடுவதை பார்த்தால் ஐஐடி-யில் "ஹேக்" செய்வது எப்படி என்பதற்கு தனியாக க்ளாஸ் வைத்து சொல்லிக்கொடுக்கிறார்களா என சந்தேகமாக இருக்கிறது. ஐ.டி.ஐ க்கு கூட போகாத நம்ம கேப்டனை இந்த டெக்னாலஜீ விசயத்துல அடிச்சுக் முடியாது. பவர்பாயிண்ட் பிரசன்டேஷனை வைத்து வாசிம்கானின் இருப்பிடத்தையும், நெட்வொர்க்கையும் கண்டுபிடிக்கும் அளவுக்கு தமிழ்சினிமாவில் யாருக்கும் டெக்னாலஜீ பத்தி தெரியவில்லை.

காவல்துறையிலிருந்தும், ராணுவத்திலிருந்தும் ஓய்வூதியம் கிடைக்கவேண்டிய அளவுக்கு தேசபத்தியுள்ள ஆபிசராக நடிக்கும் அர்ஜுனுக்கு இந்தப்படத்தில் நடித்ததால் இனி அந்த வாய்ப்பில்லை. அதற்கான காரணத்தை அறிய படத்தைபார்க்கவும்.

சிக்ஸ் பேக் வைத்தும், வழுக்கை தலைக்கு விக் வைத்தும் நடிக்கும் மாஸ்ஹீரோக்கள் மத்தில் தொப்பையுடனும், நரைத்த தலையுடன் படம் முழுக்க ஆக்ஷன் மற்றும் காமெடி அராஜகம் நடத்தும் தல-க்காக படத்தை ஒருமுறை பார்க்கலாம்.

மங்காத்தா - The Game of THALA

காங்கிரசை ஏன் ஒழிக்கவேண்டும்?

2011-08-22T07:36:00.000-07:00

இந்தியாவிற்கு சுதந்திரம் வாங்கித்தந்த காங்கிரஸ் இயக்கத்திடமிருந்து, ஊழலிருந்து சுதந்திரம் வேண்டி போராட்டம் நடக்கிறது. இந்த கொடுமையெல்லாம் காண நல்லவேளை அண்ணல் காந்தி உயிருடன் இல்லை. திமுக வரலாறும் காங்கிரஸ் வரலாறும் கிட்டத்தட்ட ஒரே போல. அண்ணா உருவாக்கிய திராவிட முன்னேற்ற கழகம் கலைஞர் கையில் கொடுக்கப்பட்டு அது குடும்ப கழகமாக்கப்பட்டு பின் திருடர் முன்னேற்ற கழகமாக பெயர் மாற்றம் பெற்றது. நேருவின் கையில் கொடுக்கப்பட் காங்கிரசும் அதே நிலைமையில்தான் இருக்கிறது. கிட்டத்தட்ட 30 வருடங்கள் பிரதானமான எதிர்கட்சி இல்லாமல் தனிராஜ்யம் நடத்திய காங்கிரசின் ஊழல் வரலாறு சாதராணமானதல்ல. இவர்களின் நிர்வாகத் திறமையின்மைக்கு இந்த ஊழலே சாட்சி.

சுதந்திரம் அடைந்தபிறகு இந்தியா என்ற ஜனநாயக நாடு வெள்ளையர்களாலும், இரண்டாம் உலகப்போரினாலும் பிணந்தின்னிகழுகளால் குதறப்பட்ட எஞ்சிய எலும்புகூடாகவே காணப்பட்டது. 46 கோடி மக்களுக்கு போதுமான உணவு இல்லாமல் இருந்தபோது நேருவின் தலைமையில் அமைந்த புதிய அமைச்சரவை முதல் ஐந்தாண்டு திட்டத்தில் உணவு உற்பத்தியில் தன்னிறைவு அடைய விவசாயத்திற்கு முக்கியத்துவம் கொடுக்காமல் மாறாக இரும்பு எஃகு உற்பத்திக்காக முக்கியத்துவம் கொடுக்கப்பட்டது. மக்கள் பசித்தால் இரும்பையும் எஃகையும் உண்ணுவார்கள் என்று நினைத்துவிட்டார் நேரு.

13 ஐந்தாண்டு திட்டங்கள் செயல்படுததி காங்கிரஸாரின் குடும்பம் வளர்ந்ததே தவிர நாட்டின் எந்த வளர்ச்சியும் காணவில்லை. காங்கிரஸ் தலைவி மருத்துவத்திற்காக அமெரிக்கா செல்கிறார். சாதாரண குடும்பபத்தலைவிகள் எங்கே செல்வார்கள்.?

சீக்கியர்களை கொன்று குவித்துவிட்டு அவர்களின் ஓட்டுக்காக ஒரு சீக்கியரை அமைச்சராக்கி பிரதமராகவும் ஆக்கியது இந்த கிழட்டு காங்கிரஸ். பதவிக்காக வரலாற்றையும் மறந்தவர் நம் மாண்புமிகு பிரதமர் மன்மோகன் சிங்..

காந்தி செய்த மிகப்பெரிய தவறு சுதந்திரத்திற்கு பின் காங்கிரசை கலைக்காமல் விட்டது. நேருவின் கையில் காங்கிரஸ் கிடைத்த கதைக்கும், வடிவேலு கையில் பேக்கரி கிடைத்த கதைக்கும் பெரிய வித்தியாசமொன்றுமில்லை. காங்கிரசின் தலைமை பொறுப்பை காந்திதனக்குப்பின் யாருக்கு கொடுக்கலாம் என்ற நிலை வந்தபோது, காங்கிரசின் முத்த உறுப்பினர்கள் முலம் வாக்கெடுப்பு நடைபெற்றது. தலைவர் போட்டிக்கு முன்னிறுத்தப்பட்டவர்கள் நேருவும், சர்தார் வல்லபாய் பட்டேலும். 15 பேர் வாக்களித்ததில் 14 ஓட்டுகள் பட்டேலுக்கும், வெறும் ஒரு ஓட்டு நேருவுக்கும் கிடைத்தது.

தான் பிரதமராக முடியாது என்று பயந்த நேரு காந்தியிடம் சென்று காங்கிரசை உடைத்து தனிக்கட்சியை உருவாக்குவேன் என்றதும், எப்போதும் நாட்டையும் மக்களையும் நினைத்து கவலைப்படும் காந்தி பட்டேலை சமாதானப்படுத்தி தலைவர் பதவி நேருக்கு அளிக்கப்பட்டது. இதுவே நேரு தலைமையில் முதல் அமைச்சரவை அமைந்த வரலாறு.

காங்கிரசில் இருந்தவர்களே நேருவை விரும்பவில்லை என்பதுதான் உண்மை. காரணம் நேருவின் தனிமனித ஒழுக்கமின்மை. மவுண்ட்பேட்டன் பிரபு தனது மனைவியை நேருவிடமிருந்து காத்துகொள்ளவே இந்தியாவிற்கு சுதந்திரம் கொடுத்தவிட்டு மனைவியுடன் எஸ்ஸானார் என சரோஜாதேவிக்கு சளைக்காத பல கதைகளும் காங்கிரசின் வரலாற்றில் உண்டு.

இதோ வந்துவிட்டார் அடுதத் வாரிசு. 42 வயது இளைஞராம். (அப்போ நாங்கலாம் யாரு.?)அமெரிக்காவுடனான அணுசக்தி ஒப்பந்தத்தை விட, நதி நீர் இணைப்பு நாட்டுக்கு ஆபத்தாக முடியும் என்று சொன்ன மிகப்பெரிய புத்திசாலி. இரட்டை குடியுரிமை கொண்ட பாக்கியசாலி. இவர்கையில் நாடு இனி செல்லப்போகிறது. இவர் நாட்டுக்கு நல்லது செய்யவேண்டுமென நினைத்தால் முதலில் தந்தை ராஜீவ் காந்தி போபர்ஸ் பீரங்கி பேரத்திற்காக ரஷ்யாவிடமிருந்து கோடிக்கணக்கான டாலர்களில் வாங்கப்பட்ட கமிஷன் பணம் இத்தாலியிலும், சுவிஸ்-ம் முதலீடு செய்யப்பட்டடிருக்கிறது அதை முதலில் இந்தியாவின் நாட்டுமையாக்கட்டும். பாபாராம்தேவ் மேல் கொலைவெறி தாக்குதல் நடத்தியதற்கு இதுமட்டுமே காரணம்.

இனி தமிழ்நாடு காங்கிரஸ். எனக்கு புரியாத புதிர் இந்த காங் தொண்டர்கள். தமிழ்நாட்டில் உள்ள காங்கிரஸ் தொண்டரிடம், சட்டப்பேரவை தேர்தலில் தனியாக நின்றால் எந்த சாதனையைச் சொல்லி மக்களிடம் வாக்கு கேட்பீர்கள் என்று கேட்டால், "காங்கிரஸ் சுதந்திரம் வாங்கித்தந்த கட்சி என்பார்கள்" அது ஆயிடுச்சு 65 வருசம் வேற என்ன சாதனை பண்ணீங்கன்னு கேட்டால். "முப்பனார் ஹைவேஸ்ல மரம் நட்டார் வாழப்பாடியார் அதற்கு தண்ணீர் ஊற்றினார்" என்பார்கள், அது ஆச்சுய்யா 30 வருசம் அதுக்கப்புறம் என்ன பண்ணீங்கன்னு கேட்டால் பதிலே இருக்காது... இவர்களின் உண்மையான சாதனை ஊழல் மட்டுமே. அதற்கு இந்த புகைப்படமே சான்று.

கடைசியாக ஒன்று தன் தந்தை சாவுக்கு பழிவாங்க ஒட்டுமொத்த தமிழ் இனத்தையே ரத்தமும் சதையுமாக கூண்டோடு ஒழித்துக்கடடிய காங்கிரசின் வாரிசு நாளை நாட்டை ஆளுவதற்கு தயாராக காத்து நிற்கிறார். மனிதாபிமானம் உள்ள எவரும் இந்த மனித்தன்மையற்ற காங்கிரசையும், அதன் வாரிசையும் ஆதரிக்காதீர்கள். வரலாறு மன்னிக்காது.

தெய்வத்திருமகள் & I AM KALAM

2011-08-13T07:32:00.000-07:00

தெய்வதிருமகள் வெளியானதிலிருந்து தமிழக ஜவுளிக்கடைகளில் கர்சீப் அமோக விற்பனையானதாக கேள்விப்பட்டேன். நம்ம மக்கள் சீரியலை புறக்கணிச்சுட்டு தியேட்டருக்கு போய் மூக்கு சிந்துறாங்கன்னா படத்துல ஏதோ இருக்குன்னு நானும் ஒரு கர்சீப் எக்ஸ்ட்ராவா பாக்கெட்டுல வச்சுட்டு தியேட்டருக்குப்போனப்புறம்தான் தெரிஞ்சுது... ரெண்டு கர்சீப்புக்கு பதிலா இன்னும் பத்துகர்சீப் எக்ஸ்ட்ராவா கொண்டு போயிருக்கலாம்னு, ஏன்னா எல்லாத்தையும் ஒண்ணாக் கழுத்துலக்கட்டி தொங்கறதுக்கு வசதியா இருந்திருக்கும்.

ஆங்கிலப்படத்திலிருந்து காப்பி அடிச்சப்படம்னு 52021 தடவையா இவனும் ஒரு பதிவு போட்டு கொல்றான்டான்னு நினைக்கவேண்டாம். படத்தைப்ப்பற்றி எழுத படத்தில் பெரிய சுவாரஸ்யம் ஒன்றும் இல்லை. பொதுவாக இந்த மாதிரி படங்களை கமல்தான் புதுசா பண்றேன்னு(!?) தமிழுக்கு கொண்டுவருவார். ஒருவேளை பதினாறுவயதினிலே, சிப்பிக்குள்முத்து, குணா போன்ற "கோளாறு" உள்ள பாத்திரத்தில் நடித்து அவருக்கு போரடித்திருக்கலாம், அல்லது அதன் பாதிப்பு வந்திரக்கூடாதுன்னு தவிர்த்திருக்கலாம் அல்லது நிலா என்ற பெண்ணுக்கு அப்பாவா நடிச்சா மக்கள் ஏத்துக்கமாட்டாங்கன்னு தவிர்த்திருக்கலாம், ஆனா ஒண்ணு மட்டும் புரியுது இயக்குனர் விஜய் இதை தமிழில் எடுக்கமுக்கிய காரணம் விக்ரம் மட்டுமே.

கமல், விக்ரமை தவிர வேற யாரு இந்த கிருஷ்ணா பாத்திரத்தை நல்லா செய்திருப்பாங்கன்னு ஒரு லிஸ்ட் எடுத்தா யாருமே தேறவில்லை. ஒருவேளை இளைய தளபதியை வச்சு எடுத்திருக்கலாமோ...? அட அவரு சாதாரணமா நடிச்சாலே அப்படித்தானே இருக்கு...:)

============

I AM KALAM (Hindi)

தலைவலிக்கு அமிர்தாஞ்சன் மாதிரி சில நல்லப்படங்களையும் பார்த்து பேலன்ஸ் செய்யவேண்டிய கட்டாயாத்திற்கு ஆளாகிவிடுகிறோம். அந்த வகையில் பேலன்ஸ் செய்ய உதவிய படம் I AM KALAM.

அப்துல் கலாமின் பேச்சை தொலைக்காட்சியில் கேட்டு கனவு காணும் ஒரு ஏழைசிறுவனின் கதையே

I AM KALAM. ராஜஸ்தான் மாநிலத்தின் ஒரு குக்கிராமத்தில் வறுமையின காரணம் ஒரு தாபாவில் வேலைக்கு சேருகிறான் சிறுவன். படிப்பில் மிகுந்த ஆர்வம் உள்ள சிறுவன் அப்துல்கலாம் பேசுவதை தொலைக்காட்சியில் பார்த்து தன்னையும் கலாம் என்று பெயர் மாற்றிகொள்கிறான். எப்படியாவது பள்ளிக்கு சென்று படிக்கவேண்டும் என அவன் காணும் கனவுகள், அவன் சந்திக்கும் நபர்களால் நிஜமானதா, பள்ளிக்கு சென்றானா என்பதே படம்.

தாபாவிற்கு வரும் வெளிநாட்டு பயணிகளிடம் ஆங்கிலத்தில் பேசுவதும், தன்னை கலாமாக நினைத்து அப்துல் கலாம் போன்று தலைமுடியை வாரிக்கொள்வதும் என சிறுவனின் நடிப்பு சிறந்த குழந்தை நட்சத்திரம் என்ற தேசியவிருதை பெற்றுதந்திருக்கிறது.

படத்தில் நிறைய க்ளிஷேக்கள் நிறைந்திருந்தாலும் சிறுவனின் நடிப்பும், கதைக்களனும் ஒரு நல்லப்படத்தை பார்த்த திருப்தியை தருகிறது.

===================

நொறுக்ஸ் 29/07/2011

2011-07-28T11:24:00.000-07:00

ஹாய்..ஹாய்...ரொம்ப நாளைக்குப்புறம் உள்ளாற வந்து பார்த்தா விட்ஜெட், பேனர்னு டெம்ப்ளேட் முழுக்க ஒரே ஒட்டடை புடிச்சுகிடக்கு. பழைய பொட்டி புஸ்ஸாயிடுச்சு வேற பொட்டி வாங்குனப்புறமும் எழுதமுடில. இந்த கம்பெனிக்கு நீதான் பில்லர்னு உசுப்பேத்தி உசுப்பேத்தியே வேலை வாங்குறாய்ஙக. எத்தனை நாளுதான் பில்லராவே இருக்கறது, பவுண்டேஷன் எப்போ ஆகறது...?

=======================

அமீரகத்துல ஒரு தமிழ் "புண்"பலை (எழுத்துப்பிழை அல்ல) அரம்பித்திருக்கிறார்கள். இதற்கு முன்பு இருந்த ஒரு தமிழ் பண்பலையை இழுத்துமுடிவிட்டார்கள். இதில் வரும் நிகழ்ச்சிகளைப்போல ஒரு மொக்கை பண்பலை நிகழ்ச்சிகளை நான் கேட்டதே இல்லை. எனக்கு பிடிச்ச ஒரே விசயம் அதல் வரும் செய்திகள், நல்ல தமிழ் உச்சரிப்புடன் ஒரு அம்மணி செய்தி வாசிக்கிறார். நல்ல நிகழ்ச்சிகளுக்கு நடுவே திருஷ்டிப்பொட்டுனு சொல்லி லாஸ்ட் பெஞ்சு என்ற ஒரு நிகழ்ச்சி இரவு வருகிறது. அதுலபேசுற அந்த 3 பேரு மட்டும் என்கைல சிக்குனாய்ஙக.....!!!!!!! மற்றப்படி மல்லு பண்பலைகளில் ஒருமணிநேரத்திற்கு நடுவே வரும் ஒரு தமிழ்பாட்டுக்காக பழைய துர்தர்ஷன் ரங்கோலி நிகழ்ச்சியை வாய்பிளந்து பார்ததமாதிரி இனி காத்திருக்கவேண்டாம்.

=======================

லீவுல ஊருக்கு போயிருந்தபோது ஒருத்தர் கேட்டாரு "மக்கா துபாய்ல ரோட்டுல குப்பை கொட்டுனா ஃபைனு அடிப்பாங்களாம்டே.. உண்மையா"னனு கேட்டாரு. குப்பையை நம்ம ஊரு ரோட்டுல கொட்டுனாலும் தப்புதான், அதென்ன துபாய்ல மட்டும். வெளிநாடுகளில் கடைபிடிக்கற சட்டத்தை நம்ம மக்கள் ஊர்ல பண்றதில்லை. அதேமாதிரி பாக்கு கறை பொழியாத, சிஐடியு கண்டன ஆர்ப்பாட்டம் போஸ்டர் இல்லாமல், ஆடிமாசம் அம்மனுக்கு கூழ் ஊத்தறவிழா போஸ்டர்

இல்லாமல், தலைவனுக்கு நன்றி சொல்லும் போஸ்டர் இல்லாமல் ஒரு பேருந்து நிறுத்தம் நம்ம ஊர்ல இருந்தா காட்டித்தாங்க...

=======================

கடந்த 17ம்தேதி ஒரு தமிழ்சினிமாவின் அத்தியாயத்தில் வரலாற்றில் இடம்பெறப்போகும் ஒரு படத்தின் இசை வெளியீட்டு விழா நடந்து முடிந்திருக்கிறது. இந்தப்படத்துல ஒரு சீனில் நடித்த ஒலக நாயகன்,தமிழ்சினிமாவின் வருங்கால விடிவெள்ளி ஒருத்தர் நடிச்சிருக்காரு. வேற யாரு நான்தான். நடிச்ச சினிமான்னும் சொல்லலாம், நடந்த சினிமான்னும் சொல்லலாம். படம் பாதிலயே புட்டுகிசிச்சுனு சொன்னாங்க. ஆனா இசைவெளியிட்டு விழா செய்தி எனக்கு நம்பிக்கை தருகிறது. ஒரு பெரிய்யய ரவுண்டு வருவேன். ரசிகர் மன்ற விண்ணப்பங்கள் வரவேற்க்ப்படுகிறது.

நான் நடிச்ச சினிமா (வரலாறு தெரியாதவர்களுக்கு மட்டும்)

=======================

மற்றவர்களின் ஆங்கில அறிவை நான் கிண்டல் செய்வதே இல்லை. ஏன்னா நானும் ஆங்கிலத்தில் ஒரு முழுமையற்ற தற்குறிதான். ஆனால் நம்ம ஜனகராஜ் மாதிரி நேசமணிபொன்னையா தெருவை நாசமாபோனியாதெருன்னு வாசிச்சா சிரிப்பு வரத்தான் செய்யும். எனக்கு ஒருத்தர் ஒரு பதிவில் ஆங்கிலத்தில் கமண்ட் போட்டிருந்தார். அந்த பதிவுக்கும் கமண்ட்டுக்கும் சம்பந்தம் இல்லை. ஆனால் அந்த கமணட்டில் அவர் என்ன சொல்லவருகிறார் என்பதை குப்புறப்படுத்து, தலைகீழாநின்னு, மொட்டைமாடில நின்னுலாம் எழுதிவச்சுப்படிச்சுப்பார்த்தேன். ம்ஹும் சுத்தமா புரியல...ஒருவேளை எனக்குத்தான் அந்த ஆங்கிலத்தை புரியற அளவுக்கு அறிவு பத்ததலையோ என்னவோ.? யாருக்காச்சும் புரிஞ்சா தயவு செய்து சொல்லவும்...

"WHY PEOPLE DOING CHEETING ,,RESON IS GOVT ALSO ,TRAIN RUNNING TIME WHY NEVER DOOR CLOSING,RAILWAY STATON ONLY DOOR OPENING CAN "

ஸ்ஸஸஸபா....

நொறுக்ஸ் - 13/06/2011

2011-06-13T10:58:00.000-07:00

ஹாய் ஹாய் ஹாய்... மக்காஸ் எல்லாரும் சோமாறிக்கியளா? நான் பதிவு போடலேன்னா எல்லாரும் நல்லாத்தான் இருப்போம்னு அரதபழசான டயலாக்லாம் அடிக்கப்படாது. டமால்னு ஒரு மாசம் ஊருக்கு போய்ட்டு வந்துட்டம்லா... என்ன விசேஷம்னுலாம் கேட்டு

வவுற்றெரிச்சலை கெளப்பக்கூடாது. இந்த வாட்டியும் ஊரு செம ஹாட்...

அக்னி நட்சத்திரம் முடிஞ்ச நாள்ளேருந்து காலநிலை படு சூப்பர். அங்கேயே இருந்தரலாம்னு பார்த்தா கடமை என்னை அழைக்கிறது. ஒரு கம்பெனியை இழுத்து முடிட கூடாதுன்ற அக்கறைல திரும்ப வந்துட்டம்லா.

=====

பதிவர்கள் சிலரை சந்திக்கவேண்டிய சூழ்நிலையில் தவிர்க்க முடியாத காரணத்தால் முடியவில்லை. நெல்லையில் 20ந் தேதி பதிவர் சந்திப்பு நடத்துகிறார்கள். ஒரு வாரம் முன்னாடி வச்சிருந்தா நெல்லை அண்ணாச்சிகளுடன் நாஞ்சில் அண்ணாச்சியும் கலந்துகிட்டிருப்பாரு... அவங்க கொடுத்து வச்சது அவ்ளோதான்.

=====

ஆச்சர்யம் திருவனந்தபுரம் புதிய விமான நிலையம் பளபளப்பாக இருக்கிறது. முன்னாடி இருந்த ரேஷன் கடைக்கு இது எவ்வளவோ பரவாயில்லை. அப்படியே தமிழ்நாடு பார்டர் வரைக்கும் உள்ள இட்லிதட்டு ரோட்டையும் சரிபண்ணி கொஞ்சம் அகலப்படுத்துனா இன்னும் நல்லாருக்கும், உம்மன் சாண்டி சாரே முல்லைபெரியாறு அணையை அப்புறம் கட்டலாம் முதல்ல ரோட்ட போடுங்க சாரே.

=====

ஊருல ஏதாச்சும் இடம் வாங்கிப்போடலாம்னா இடமே இல்லை. ஒரு அமீரகப்பதிவர் நாகர்கோவிலில் பல இடங்களை வாங்கிப்போட்டிருப்பதாக தகவல். பெரிய இடத்து சமாச்சாரமாதலால் அந்த தகவலை ரகசியமாக வைக்கப்படுகிறது.

=====

21 ஆண்டுகளுக்குப் பிறகு நாகர்கோவில் சட்டமன்ற தொகுதியில் அ.தி.மு.க அபார வெற்றி. பா.ஜ.க. அல்லது திமுக வெற்றிபெறும் என அதிகம் எதிர்பார்க்கப்பட்டது. இதிலிருந்தே மக்களின் வெறுப்பை உணரமுடிகிறது. காங்கிரஸ் வெற்றி பெற்ற மொத்தம் 5 தொகுதிகளில் 3 தொகுதிகள் இருப்பது குமரி மாவட்டத்தில். அடுத்த தேர்தலுக்கு சீமானை எங்க ஊருக்கும் வரச்சொல்லனும்.

=====

நம்முருக்கு வந்துப்போய் வந்துப்போய் இந்தியன் ஏர்லைன்ஸ் விமானங்களைப்போல எமிரேட்ஸ் விமானங்களும் அதன் பழக்கத்துக்கு வந்துவிட்டது. 4:30 கிளம்பவேண்டிய விமானம் 5:45 த்தான் கிளம்பியது. உட்கார்ந்த உடனேயே கேப்டன் அண்ணாச்சி ஏதோ ஒரு எந்திரம் பழுதாயிடுச்சுனு சொன்னதும் நாலாவதா ஒரு எல்ஐசி பாலிசி போட்டுட்டு வந்திருக்கலமோன்னு லைட்டா கிலியடிச்சது... வந்து சேர்ந்துட்டோம்ல...

=====

தலைவா.............

2011-05-25T23:45:00.000-07:00

ஓடும் ரயிலை விட
வேகமாக ஓடும் தலைவா

பூமிபந்தை புரட்டிப்போடும்
ஆற்றல் பெற்ற என் தலைவா

சுனாமியில் ஸ்விம்மிங் அடிக்கும்
எங்கள் தலைவா

மெக்கின்டோஷ ஆப்பிளையே
கடித்து மிச்சம் வைத்த எங்கள் தலைவா

கிரகாம்பெல்லுக்கே மிஸ்டு கால் கொடுத்த
எங்கள் தலைவா

உனது நுரையீரலும்
என்னைப்போலத்தானா?
உனக்கும் தேவைப்படுமா
மருத்துவ சிகிச்சை?

நொறுக்ஸ் - 31/03/2011

2011-03-31T13:09:00.000-07:00

இந்தியா- பாக் கிரிக்கெட். வழக்கம்போல இந்தியா ஜெயித்தது. துபாயில் பல கம்பெனிகளுக்கு அரைநாள்விடுமுறை.மாலை நெரிசல் இல்லாத சாலைகள், வெறிச்சோடிய கிரிக்கெட் ஒளிபரப்பாத ஓட்டல்கள் என இந்த ஆட்டம் ஏற்படுத்திய திடீர் மாற்றங்களை பார்க்க முடிந்தது. வெற்றியில் துபாய் நகரமே அல்லோகலப்பட்டது. அதிலும் பாகிஸ்தானியர்களின் முன்னால் நம்மக்கள் செய்த அலப்பறை ரசிக்கும்படியே இருந்தது. :))

நான் டென்ட் போட்டிருக்கும் மினாபஜார் ஏரியா சும்மா அதிர்ந்தது... அந்தப்பகுதியின் ஒரு சாம்பிள்

==============

ஹார்லிக்ஸ் வாங்குனா காலாணாவுக்கு பொறாத பிளாஸ்டிக் கரண்டி இலவசம்னு சொன்ன காலத்துலேருந்தே நாம இலவசத்துக்கு அடிமையாயிட்டோம். அதை அரசியல்வாதிங்க ஓட்டுக்காக சரியா பயன்படுத்துகிறார்கள். அரிசி, டிவியில் ஆரம்பித்தது இப்போ ஆடு மாடு வரைக்கும் வந்துடுச்சு. என்னைக்கேட்டா நாட்டில் குற்றங்கள், ரவுடிசம் குறையவும், வீட்டு பிரச்சினைகள் தீரவும் வீட்டுக்கொரு பொம்மிஸ் நைட்டி இலவசமா குடுக்கலாம்... பொம்மிஸ் நைட்டியின் வரலாறு, அருமை பெருமை தெரியாதவர்களுக்காக இந்த வீடியோ, விளம்பரத்திற்காக அல்ல, வரலாறு முக்கியம். :)

==============

வடிவேலு, குஷ்பு போன்ற போன்ற அரசியல் பற்றி எதுவுமே தெரியாத தற்குறிகள் பிரச்சாரத்திற்கு கிளம்பி உள்ளனர். தமிழ்நாட்டில் மொத்தம் எத்தனை சட்டமன்ற தொகுதிகள் இருக்கிறது என்றுகேட்டால் சொல்லத்தெரியுமா?. இவர்கள் பிரச்சாரம் செய்வதால் கூட்டம் கூடும், ஆனால் ஏட்டுசுரக்காய் கறிக்கு உதவாது. குஷ்பு பிரச்சாரம் செய்யும் இடங்களில் கூட்டம் கூடுவது குஷ்புவின் "டமில் சொற்பொலிவை" கேட்குறதுக்குன்னா நினைக்கிறீங்க? கோயில் கட்டிய பக்தர்கள், சாமி ப்ரீயாதரிசனம் கொடுத்தா விடுவானுங்களா? :)

========

மதுப்பழக்கம் எத்தனை கொடியது என்று சொல்லும் ஒரு திருக்குறள்

உட்கப் படாஅர் ஒளியிழப்பர் எஞ்ஞான்றும்

கட்காதல் கொண்டொழுகு வார்.

(பொருட்பால்: அதிகாரம் கள்ளுண்ணாமை:குறள் 921)

உரை : போதைப் பொருள் மீது எப்போதும் பெருவிருப்பம் கொண்டு இருப்பவரைக் கண்டு எவரும் பயப்படமாட்டார். வாழும் காலத்து மரியாதையும் இழந்து போவார்கள்.

இதுல பெரிய காமெடி என்னன்னா இந்த உரை கலைஞரால் எழுதப்பட்டது.
அட சிரிக்காதீங்கப்பா..... தலீவரு ஊருக்குத்தான் உபதேசம் பண்ணுவாருன்னு தெரிஞ்சதுதானே.

திருக்குறளுக்கெல்லாம் "உரை" போட்டுருக்காய்ங்க...........(நன்றி விவேக்) ஒருவேளை குடும்ப அரசியல்ங்கற கெட்டப்பெயரை தவிர்த்திருந்திருக்கலாமோ. but it's toooooo late. :)

===============

நடக்கவே நடக்காதுன்னு நினைக்கிற விசயங்கள் திடீர்னு நடந்தா எப்படி இருக்கும். அதுவும் இந்த ஜென்மத்துல நடக்காதுன்னு நினைச்ச விசயங்கள் நடந்தால்... அது வேற ஒண்ணும் இல்ல கம்பெனில எனக்கு பிரமோஷன் குடுத்துருக்கானுங்க... இன்னுமா நம்மளை நம்புறாய்ங்க......

இன்னும் நான் சுயநினைவுக்கே வரல ......பரம்பொருளே இவர்கள் அறியாமல் செய்யும் தவறை மன்னித்துவிடு :)

இரு மலையாள சினிமாக்கள் - எச்சரிக்கையும் பரிந்துரையும்

2011-03-13T11:06:00.000-07:00

சமீபத்தில் பார்த்த இருவேறு மலையாள சினிமாக்களின் விமர்சனம் இது. ஒரு படத்தைப்பற்றி எச்சரிக்கவும், மற்றொன்றை பரிந்துரைக்கவுமே இந்த விமர்சனங்கள்.

எச்சரிக்கை : காக்டெயில் (Cocktail -2010)

டிஸ்கி: பிறமொழி படங்களை உருவி அதற்கு கிரடிட் கொடுக்காமல் அதனை மொக்கைப்படுத்த முயற்சிக்கும், காசு சம்பாதிக்க முனையும் நம்முர் இயக்குனர்களுக்கும், நடிகர்களுக்கும் எதிராக குரல் கொடுக்கும் வலையுலக நண்பர்களுடன் இனி என்குரலும் சேர்ந்து ஒலிக்கும் என்பதை இத்துடன் தெரிவித்துக்கொள்கிறேன். ஒலகநாயனும் இதில் அடக்கம். ஒலகநாயகனுக்கு ஆதவராக குரல் எழுப்பியிருந்தாலும் எனது மைன்ட் வாய்ஸ் இது தவறு என்பது உறுத்தியதுண்டு. இந்த காக்டெயில் படமும் இதில் அடக்கம். இனி இதுபோன்றபடங்களை கிழித்து காயப்போடுவதே என் கடமை.:)

இப்போ மலையாள சினிமாவிலும் அன்னிய மொழியான ஆங்கிலத்தில் டைட்டில் வைக்கும் மோகம் தொடங்கிவிட்டது. ஆனால் அதில் நிறைய படங்கள் உள்ளுர் தரத்தையும் தாண்டாமல் இருப்பதுதான் வேதனை. அதில் ஒன்றே இந்த காக்டெயில். சேட்டன்களின் பரிந்துரைப்படி இது நவீனத்துவப்படம், மலையாள சினிமாவில் முதன்முறையாக ஒரு வித்தியாசமான படம் (அடிங்க...) என்ற பல பாராட்டுக்களே இந்த படத்தை பார்ப்பதற்கான உந்துதல்.

பிறர்மனை நோக்குதல் பாவம் என்று வள்ளுவர் சொன்ன குறளின் ஒருவரியே படத்தின் கதைக்கரு. அடுத்தவன் மனைவிக்கு ஆசைப்படுவனை அவனது மனைவியுடன் துணையுடன் அலைக்கழித்து அவன் செய்த தவறை எப்படி அவனக்கு உணரவைக்கிறார்கள் என்பதே படத்தின் கதை.

படம் தொடங்கியதும் ஏதோ ஸ்டேஜ் ட்ராமா லெவலில் ஆரம்பிக்க, போக போகத்தான் புரிந்தது. இது பிராஸ்னன், ஜெரார்ட் பட்லர் நடித்து வெளிவந்த Butterfly on a Wheel (2007) படத்தின் அப்பட்டமான உருவல். ஏதோ தோல் பாவைகளை வைத்து மகாபாரதம் காட்டியது போல உயிரற்ற ஒரு திரைக்கதை வடிவம், பொருத்தமில்லாத நடிகர்கள் என படத்தை நாறடித்து வைத்திருக்கிறார்கள்.

ஆங்கிலப்படத்தில் பிராஸ்னன் திரையில் நுழைந்ததுமே படம் நகரும் வேகம், காரின் பின்சீட்டில் இருந்து பிராஸ்னன் பேசும் அந்த ஸ்டைலான வசனங்களும், அவரின் பார்வையுமே நம்மை இருக்கை நுனியில் கொண்டுவரும். அதில் ஒரு சதவீதமாக கொண்டுவர முயற்சித்திருக்கலாம். எதற்காக இந்த வீண்முயற்சி செய்கிறார்கள் என்ற தெரியவில்லை. படத்துக்கு டைட்டிலைத்தான் ஆங்கிலத்துல வைக்கீறீங்க, படத்தையாவது சொந்தமா யோசிச்சு எடுங்கடா வெண்ணைங்களா.

================

பரிந்துரை : பிரான்ஜியேட்டன் & The Saint (2010)

2010-ல் வெளிவந்த கிளாசிக் சினிமாக்களின் வரிசையில் சேர்க்கவேண்டிய படைப்பு. கையொப்பு, பாலேறி மாணிக்கம், போன்ற அற்புதமான படைப்புகளை தந்த இயக்குனர் ரன்ஜித்தின் மற்றொரு அற்புதமான படைப்பு பிரான்ஜியேட்டன் & The Saint

எல்லா வசதிகளும் இருந்தும், ஏதாவது ஒரு மனக்குறையில் இருக்கும் ஊர்பெரிய மனிதர்களை நாம் பாத்திருப்போம். அப்படிப்பட்ட ஒரு ஊர்பெரியமனிதனின் கதையே இது. தனது தந்தையின் சிறிய அரிசிகடையை தந்தைக்கு பிறகு பெரிய அளவில் உயர்த்தி மேலும் பல தொழில்களை நடத்தும் ஊரில் கோடீஸ்வரனாகிய பிரான்சிஸ் (மும்முட்டி). அரிசிக்கடை வைத்திருந்ததால் அரிப்பிரான்ஜி (அரி=அரிசி, பிரான்ஜி=பிரான்சிஸ்) என்ற அடைமொழியுடன் ஊரில் அழைக்கப்படுகிறார்.

இந்த அடைமொழி சமுதாயத்தில் தனக்கு கவுரகுறைவு ஏற்படுத்துவதாக கருதும் பிரான்சிஸ் அந்தப்பெயரை மாற்றுவதற்கு தனது எடுபிடிகளுடன் எடுக்கும் வேடிக்கையான நடவடிக்கைகளே படம்.

ரன்ஜித்தின் கைதேர்ந்த திரைக்கதையில் நகைச்சுவையாகவும், மனிதநேயத்துடனும் சொல்லப்பட்ட விதம் படத்தை தவறவிடகூடாத ஒரு சினிமாவாக மாற்றியிருக்கிறது.

தனது மனக்குறையை புனித பிரான்சிசுடன் சொல்லுவதாக ஆரம்பிக்கிறது படம், புனித பிரான்சிஸையும் ஒரு கதாபாத்திரமாக கொண்டுவந்திருப்பது ரன்ஜித்தால் மட்டுமே யோசிக்கமுடிந்த விசயம். நம் கண்முன்னே நடக்கும் யதார்த்த காட்சிகளாகபடம் செல்கிறது.

அடைமொழியை மாற்றும் முயற்சியின் உச்சகட்டமாக PADHMASHREE விருதைக்கூட விலைக்கு வாங்க முயற்சிக்கும் காட்சியும், அதன் அறிவிப்பை டிவியில் காண காத்திருக்கும் காட்சிகளும் சிந்திக்கவைத்து சிரிக்க வைப்பவை. படத்தில் இரண்டாம் பாதியை முதல் பாதியின் பாதிப்பில் இருந்து பிரித்து கடைசியில் ஆரம்பித்த இடத்திற்கே சென்று முடிவை சொல்லுவது என முழுமையான படைப்பாக அமைந்திருக்கிறது.

மொழிவித்தியாசமின்றி நல்லப்படங்கள் மட்டும் பார்க்க விரும்பும் சினிமா ரசிகர்களுக்கு நான் பரிந்துரைக்கும் படங்களில் ஒன்று

பிரான்ஜியேட்டன் & THE SAINT

பல்பு வாங்கலையோ பல்பு...

2011-02-26T01:53:00.000-08:00

வரலாற்று நாயகர்களின் வரலாற்று குறிப்புகள் மண்ணோடு மண்ணாக புதைந்து விடக்கூடாதே என்பதற்காக நான் பல்பு வாங்கிய சரித்திர நிகழ்வுகளை இங்கு பதிவு செய்ய விழைகிறேன்.

===================

மும்பைக்கு முதல்தடவையாக வேலைக்கு சென்றிருந்த நேரம். இந்தி அவ்வளவா...மனனிக்கவும் சுத்தமாவே மாலும் நஹீ. டில்லி தூர்தர்ஷனின் உபயத்தில் தெரிந்தது மொத்தமே ஒன்றிரண்டு வார்த்தைகள்.

வேலையில் சேர்ந்து ரெண்டு நாள் இருக்கும், அலுவலகத்தில் இருந்து ஒருவர் என்னைக்கூப்பிட்டு ஷாதி ஹோகயா கையா? ன்னு கேட்டாரு.. வழக்கம்போல பெப்பே ன்னு நான் பார்க்க, "மேரேஜ் மேரேஜ்"னு தாலி கட்டுற சைகையோட காண்பிச்சாரு (மொழி தெரியாதவனை ஏதோ காதுகேட்காதவன் மாதிரியே டீல் பண்றாயங்க.) ஓகோ, கண்ணாலம் ஆயிடுச்சான்னு கேட்கறாருனுட்டு... நஹீ அப்படினேன். அப்பாடா இந்தில பதில் சொல்லிட்டேன் இதோட எஸ்கேப்புடான்னு நவுரபார்ததா டமால்னு அடுத்தகேள்வியை கேட்டாரு.

உமர் கித்னா? அப்படின்னாரு, என்னடா இது... அமிதாப் பச்சன் வுடமாட்டான் போலருக்கே, பயில்வான் கிட்ட மாட்டுன சார்லிசாப்ளின் மாதிரி ஆயிடுச்சே என்நிலைமை. ஆனா நாம யாரு? இதுக்கும் இந்திலேயே பதில்சொல்லுவோம்னு அவர் கொஸ்டினை அப்படியே ஸ்டடி பண்ணேன். கித்னா அப்படின்னா எத்தனைன்னு தெரியும். ஆனா உமர் அப்படின்னா என்னன்னு யாருக்கு தெரியும்? எங்கூருல இருக்கற உமர் E.N.T., ஆஸ்பத்திரியைத்தான் தெரியும். முதல் கேள்வி கல்யாணம் ஆயிடுச்சான்னு கேட்டாரு. அப்போ இந்த கேள்வி குழந்தைங்க எத்தனைன்னு கேக்குறாரு போல... வந்துச்சுப்பாருங்க கோபம் "அடிங்... கல்யாணம் ஆகாத ஒரு பச்சபன்னுகிட்டப்போய் சாரி பசசமண்ணுகிட்டப்போய் குழந்தைங்க எத்தனைனு கேக்கறியே உனக்கு அறிவில்லை?". அப்படின்னு கேக்கலாம்னா அதை இந்தில எப்படி கேக்கறதுன்னு தெரியாது. கோபத்தை அடக்கிட்டு

உமர் நஹீ அப்படினனேன் டபுள் ஸ்டராங்கா. யார்கிட்ட?

ஆனா சொல்லி முடிக்கிறதுதுக்குள்ள அமிதாப் பச்சன் சிரிக்க ஆரம்பிச்சுட்டாரு. இதுல சும்மா இருந்தவங்களையும் கூப்பிட்டு,கூப்பிட்டு விசயத்தை சொல்லி கூட்டமா சிரிக்க ஆரம்பிச்சுட்டானுங்க... அப்படி என்னய்யா தப்பா சொல்லிட்டேன்னு என் முகம் இருந்த கன்டிஷனை பார்த்து அவரே சொன்னாரு. நான் கேட்டது How old are you? ன்னாரு. அய்யா தெய்வமே இதை ஒழுங்கா முதல்லயே இங்கிலிபிசுல கேட்கவேண்டியதானே... அதுசரி... எங்கிட்ட இந்தில கேள்வி கேட்டதே, இவனுக்கு இந்தி தெரியாதுங்கறதுக்காத்தானே.

=============

மேல அமிதாப் பச்சன்கிட்ட வாங்குனது ஜீரோ வோட் குண்டு பல்புனா கீழே வாங்குனது ஆயிரம் வோட் நியான் பல்பு.

சொந்தத்துல ஒரு அக்கா வீட்டுக்கு போயிருந்தேன். அக்காவோட தம்மாத்துண்டு புத்திரி ஏதோ அகில உலக பள்ளில அதான் இன்டர்நேஷனல் இஸ்கூல்ல எல்.கேஏஏஏஏஏஏஏஏ.ஜீ படிக்குதாமாம்(ஏதோ பெரிய படிப்பா இருக்கும்போல!!) நான் போயிருந்தபோது கைல புக்கை வச்சுட்டு A FOR APPLE வாசிண்டுருந்துச்சு. அந்த புக்கை வச்சு அவளுக்கு கொஞ்சம் சொல்லிக்கொடுன்னு அக்கா என்கிட்ட சொன்னாள். அது எனக்கு வைக்கப்பட்ட சூனியம்னு அப்போ எனக்கு தெரில.

நம்ம ரேன்ஜ் என்ன? ஒரு நர்சரி புள்ளைக்கு பாடம் எடுக்கவச்சுட்டியேன்னு புலம்பிகிட்டு நானும் புக்கை வாங்கி A FOR APPLE-னு ஆரம்பிச்சேன்...

E வரைக்கும் நல்லாத்தான் போயிட்டுருந்துச்சு. அடுத்தது F FOR ஃபளவர் அப்படின்னதும், திரும்ப சொல்லாம பேசாம இருந்தாள், சொல்லும்மா F FOR ஃபளவர்-னு நான் திரும்பவும் சொன்னதும் நக்கலா ஒரு சிரிப்பு சிரிச்சுட்டு, "அம்மா இந்த அங்கிளுக்கு ஒண்ணுமே தெரில A FOR ஃபளவர் னு சொல்றாங்க ...அது F FOR ஃபளார் தானம்மா..."? ஆகா...நான் படிச்ச கார்ப்பரேஷேன் ஸ்கூல் வாத்தியாரு F FOR ஃபளவர்- னு தான சொல்லிக்கொடுத்தாரு.

பல்பை வாங்கி உள்ளபோட்டுகிட்டு சரி...சரி...அப்படியும் சொல்லாம், நீ சொல்றமாதிரியும சொல்லலாம்னு செந்தில் மாதிரி சமாளிச்சுட்டு திரும்புவம் புக்கை பார்த்தா இன்னும் 20 எழுத்து மிச்சம் இருக்கு... இனி எத்தனை பல்பு வாங்கனுமோ...?! "அங்கிளுக்கு போன் வருதும்மா நீ படின்னு புக்கை கொடுத்துட்டு அழைப்பே வராத மொபலை எடுத்துட்டு ஒரு ஓரமா எஸ்கேப்பு.....

எனக்கு இங்கிலிபிசு கத்துக்கொடுத்த அந்த ரிட்டையர்டு ஆன வாத்தியாரை ரொம்ப நாளா தேடிகிட்டு இருக்கேன்....

நொறுக்ஸ் - 20/02/2011

2011-02-20T02:06:00.000-08:00

ஊழல். ஒருவேளை சோற்றுக்கே சிங்கியடிக்கும் குடும்பங்கள் வாழும் நம் திருநாட்டில் தான், எத்தனை பூஜ்யம் என்றுகூட தெரியாத பெரும்பணத்தைசுருட்டுகிறார்கள். உலகச்சந்தையில் பெரும் மதிப்பு கொண்ட அலைக்கற்றைகளை அடிமாட்டு விலைக்கு வாங்கி வெளிநாடுகளுக்கு ஜெர்சி பசு விலைக்கு கைமாற்றுகிறார்கள். பலமில்லாத எதிர்கட்சிகள், ஒன்றுக்கும் உதவாத அரசியல் அமைப்புசட்டம், சிநதித்து ஓட்டுப்போட தெரியாத மகாபொதுஜனம் இருக்கும் வரை அசைக்கமுடியாது. ஃபோபர்ஸ் பீரங்கி பேர ஊழல்னு ஒண்ணு நடந்துச்சே...யாருக்காச்சும் ஞாபகமாவது இருக்கா? வாழ்க ஜனநாயகம்.

============

துனிஷீயா, எகிப்தை தொடர்ந்து ஜனநாயக உரிமைகளுக்காக நடக்கும் புரட்சி பஹ்ரைன், லிபியா, ஏமன் நாடுகளிலும் பரவி உள்ளது. உலக அரசியலே ஆட்டம் கண்டுவருகிறது. எஙகெல்லாம் அதிகார வர்க்கம் அடக்குமுறைசெய்கிறதோ, மக்கள் பணம் சுரண்டப்படுகிறதோ, முதலாளித்துவம் தலையெடுக்கிறதோ அங்கு புரட்சி அவசியம் என்கிறது கம்யூனிசம். அப்படிப்பார்த்தா இந்தியாவில் குறைந்த பட்சம் தமிழ்நாட்டுலயாவது என்னிக்கோ புரட்சி வெடிச்சிருக்கனும். எங்க? நம்மூர்ல வெடிக்கிறது ரெண்டே விசயம்தான்.ஒண்ணு குண்டு வெடிப்பு இன்னொண்ணு மக்கள் தொகை வெடிப்பு...மீண்டும் வாழ்க ஜனநாயகம்.

============

நான்வழக்கமாக சாப்பிடும் ஓட்டலுக்கு அதன் உரிமையாளர்கள் ஒருவருரின் மகன் வந்திருந்தார். அந்த ஓட்டலில் வேலையே செய்யாத சூப்பர்வைசரையே தான் சாப்பிட்ட தட்டை எடுக்கவைத்தார். ஊழியர்களிடம் உத்தரவு பிறப்பித்துக்கொண்டிருந்தார். அவரின் வயது என்ன தெரியுமா? 5-6 வயசு சிறுவன். பையனின் குறும்புத்தனம் ரசிக்கும்படி இருந்தாலும். அவன் முதலாளியாக வளர்வது அல்லது வளர்க்கப்படுவது பார்ப்பதற்கு கடுப்பாகத்தான் இருந்தது. நல்லவேளை கார்ல் மார்க்ஸ் மர்கயா.

============

சோம்பேறியா இருந்தநான் இப்போ ரொம்ப சுறுசுறுப்பா ஆயிட்டேன்...அதுக்கு காரணம் குளுக்கோன்-டி இல்லை, அப்போ பூஸ்டா? நெவர்... அதுக்கு காரணம் நம்ம வள்ளுவர் பெருந்தகை. அந்த திருக்குறளை படிச்சதிலிருந்து ரொம்ப மாறிட்டேன். எனக்காகவே எழுதிவச்சாமாதிரி இருந்தது. இந்த பயலுக இப்படித்தான் இருப்பானுகன்னு அவருக்கு ரெண்டாயிரம் வருசத்துக்கு முன்னாடியே தெரிஞ்சிருக்கு/

குறள். நெடுநீர் மறவி மடிதுயில் நான்கும்

கெடுநீரார் காமக் கலன். (பொருட்பால் குறள்:605)

உரை: காலம் தாழ்த்தி செய்வது, மறதி, சோம்பல், ஓயாத் தூக்கம் இவை நான்கும் அழிவை நாடுவார் விரும்பி ஏறும் சிறு படகாகும்.

நான் திருந்திட்டேன்... அப்போ நீங்க..:)))

============

பார்போற்றும் ஒரு உலகத்தர எழுத்தாளனின் ஆக்கத்தை சுடுவது என்பது ரயில்வே தண்டவாளத்தில் உள்ள இரும்பை திருடி விக்கிறது மாதிரி, எங்கிருந்து சுட்டதுன்னு எளிதில் தெரிந்துவிடும். அப்படி ஒரு எழுத்தாளன் ஆக்கத்தை வெறும் தலைப்பை மட்டும் மாற்றி ஒரு வலைப்பூவில்

கட்& பேஸ்டிருந்தார்கள்... அந்த பதிவரின் சேவை பதிவுலக்கு தேவை. அந்த பார்போற்றும் உலகத்தர எழுத்தாளன் யாரு? ஹீஹீஹீ...கூல்

நோ பேட் வேர்ட்ஸ்...:)))))

சின்னஞ்சிறு கதைகள் - சுஜாதா

2011-02-06T10:17:00.000-08:00

சுஜாதாவின் சின்னஞ்சிறு கதைகளை எழுதுவது எப்படி மற்றும் அவரின் சின்னஞ்சிறு கதைகளை நிறைய படித்து நாமும் அதுபோல் முயற்சித்தால் என்ன என்று பலமுறை நினைத்ததுன்டு. படிப்பவர்களின் உடல்நிலையை மனதிற்கொண்டு எழுதுவதில்லை.

நகைச்சுவை நடிகர்களுக்கு எப்படி சந்திரபாபு, நாகேஷ் இவர்களின் பாதிப்பு இல்லாமல் நடிக்க முடியாதோ அதுபோல் சுஜாதாவின் கதைகளை படித்து கதை எழுத ஆரம்பித்தவர்களுக்கு அவரின் பாதிப்பு இல்லாமல் எழுதுவே முடியாது.

அவர் சொல்வது, சின்னஞ்சிறுகதைகள் கதையின் சுருக்கமாக இருக்ககூடாது. சடன் பிக்ஷன் (Sudden Fiction) கதையில் கண்டிப்பாக இருக்கவேண்டும். அவர்எழுதிய பல கதைகளை படிக்கும்போது அவருக்கு எப்படி இது தோணியிருக்க முடியும் என்று வியந்ததுண்டு. எப்போதோ வாசித்த சடன் பிக்ஷன் வைத்து அவர் எழுதிய ஒரு திருமணம் என்ற சிறுகதை என்னை ரொம்பவே கவர்ந்தது. இன்னும் அந்த ஞாபகம் இருக்கிறது. சாதாரண கதையாக இருந்திருந்தால் எப்போதோ மறந்து போயிருக்கும். எழுத்துலகின் பல ஜாம்பவான்களும் என்னைப்போன்ற கத்துக்குட்டிகளுக்கும் எல்லாம் ஆசான் அவர்தான்.

நான் முயற்சித்த குட்டி Sudden Fiction (மொக்கை) கதைகள் கீழே. நல்லாருக்கு, அருமை, சூப்பர்னு டெம்ப்ளேட் கமண்ட் மட்டும் போட்ராதீங்க...அப்புறம் இது மாதிரி நிறைய வந்துட்டே இருக்கும்...:)))))

======

ஒரு சயின்ஸ் பிக்ஷன்...(மாதிரி)

"இவ்ளோ வேகமா நாம எங்க போய்கிட்டு இருக்கோம் ஜேஜே"

"நாம இப்போ மணிக்கு 2000 கிமீ ஒளிவேகத்துல செவ்வாய் நோக்கி போய்கிட்ருக்கோம் கேகே"

"ஒருவேளை நமக்கு முன்னாடி செவ்வாய்க்கு பூமி மனிதர்கள் வந்துட்டா நமக்கு தேவையானது கிடைக்காமலேயே போய்விடுமா ஜேஜே?"

"கவலைபடாதே கேகே எவ்வளவு விலைகொடுத்தாவது செவ்வாய்க்கு வரும் பூமி மனிதர்களை விலைக்கு வாங்கிடுவோம். தண்ணீர் நமக்கு மட்டும்தான்".

====

ஒரு திகில் (மாதிரி)

‘சார் இந்த அட்ரஸ் எங்க இருக்குன்னு சொல்றீங்களா?"

"இப்படி ஒரு இடமே இப்போ இல்லையே சார்? இந்த இடத்துல இப்போ பிளாட் கட்டிட்டாங்க. உங்களுக்கு தெரியாதா? "

"தெரியாது சார், கொஞ்ச வருசம் வெளியுர்ல இருந்தேன். இங்க இருந்த புளியமரத்தைக்கூட வெட்டிட்டாங்களா சார்?"

"அட என்ன சார் நீங்க? இங்க இருந்த புளிய மரம் வேப்ப மரம், பக்கத்துல இருந்த சுடுகாடு எல்லாத்தையும் எடுத்துமாத்திட்டுதான் இப்போ இவ்ளோ பெரிய குடியிருப்பு வந்துருக்கு..."

மனுசங்க மட்டும்தான் இந்த உலகத்துல வாழ முடியுமா? என்று புலம்பிக்கொண்டே வேறு புளியமரம் தேடி பயணித்துக்கொண்டிருந்தான்.

=====

DHOBI GHAT (Mumbai Diaries)-- 2011 - இந்தி

2011-02-03T09:14:00.000-08:00

லகான், தாரே ஜமீன் பர், jane tu jane na , பீப்லி (லைவ்) வரிசையில் ஆமீர்கானின் மற்றொரு தயாரிப்பு. மேற்சொன்ன வெற்றிப்படங்களில் வரிசையில் இதையும் சேர்த்துக்கொள்ள முடியுமா? கடைசியில்...

ஒரு சினிமாவுக்கு உரிய எந்த அடையாளங்களும் இல்லாமல் ஆரம்பிக்கிறது படம். கடைசி வரை அப்படியே. கோடிக்கனக்கான மக்கள் வசிக்கும் மும்பையில் சிறுபுள்ளிகளாக இருக்கும் நான்கு வெவ்வேறு வாழ்க்கைத்தரத்தில் வாழும் நாலு விதமான மனிதர்களின் எதிர்பார்ப்புகளும், ஆசைகளும், விரக்திகளும், அனுபவங்களும் சொல்லப்பட்டிருக்கிறது.

விவாகரத்தான ஓவியர் ஆமிர்கானுக்கு ஒரு ஓவியக்கண்காட்சியில் அறிமுகமாகிறார் நிறைய பணங்களை வைத்து செலவழிக்க தெரியாமல் போட்டோ எடுக்கிறேன், டாக்குமெண்ட்ரி எடுக்கிறேன் என மும்பைக்கு வரும் அமெரிக்காவில் வேலைபார்க்கும் மேட்டுக்குடி வீட்டு பெண் ஷய். .இவரகள் இருவருக்கும் அறிமுகமாகிறார் அவர்களின் உடைகளை சலவை செய்து கொடுக்கும் தொழிலாளியாக ஷோயிப்.

ஷய்-உடன் ஏற்பட்ட ஒரு ஊடலில் தன்வீட்டை மாற்றும் ஆமிருக்கு அந்த வீட்டில் ஏற்கனவே வசித்து சென்றவர்கள் விட்டுச்சென்ற 3 வீடியோ டேப்களில் பதிவான வீடியோ மூலம் அறிமுகமாகிறார் யாஸ்மின்.

சலவைத்தொழிலாளியாக ஷோயிப். நடிகனாக வேண்டும் என கனவுடன் வாழும் ஒரு பாவம் இளைஞன். மிகச்சிறந்த நடிப்பை இந்த பையனிடம் பார்க்க முடிந்தது. தனக்கு உதவிபுரிந்து தன்னிடம் டாக்குமென்ட்ரிக்காக உதவிகேட்டு தன்னுடன் சுற்றும் ஷய்யை விரும்புகிறார். கடைசியில் தான் செய்வது தவறு என உணர்ந்து அமீரின் முகவரியை கொடுத்த திருப்தியுடன் சிரிப்பது என்ற ஒரு காட்சி போதும்.

தனித்து வாழும் இந்த நான்கு பேரின் மனநிலைகளை திரைப்படமாக ஓடவிட்டிருக்கிறார்கள். நான்கு பாத்திரங்களுடன் ஊடே நாமும் பயணப்படுகிறோம். இதில் யாஸ்மின் என்ற பாத்திரம் கதையில் உருவாக்கும் பாதிப்புதான் அதிகமாக இருக்கிறது. உ.பியின் ஒரு கிராமத்தில் இருந்து கல்யாணம் என்ற பெயரில் மும்பைக்கு கூட்டிவந்து கூண்டுக்குள் அடைக்கப்படும் யாஸ்மின் தனிமையில் தனது சகோதரனுடன் பேசுவதை வீடியோவாக 3 டேப்களில் பதிவு செய்கிறாள். அதனை ஒவ்வொன்றாக நேரம் கிடைக்கும்போது பார்க்கிறார் அமீர்.

யாஸ்மீனின் கடைசி வீடியோவில் இருந்தது என்ன? ஷய்யை விரும்பும் ஷோயிப் என்னவானான்? அமீரை விரும்பும் ஷய் என்னவானாள்? ஆமிரின் முடிவென்ன? எல்லவாற்றுக்கு ஒரு முடிவு கொடுக்காமல் முடிவிலும ஒரு புதிய ஆரம்பம் கொடுக்கப்பட்டிருக்கிறது.

இந்தப்படத்தில் எனக்குப்பிடித்த விசயங்களே அடித்தட்டு மக்கள், நடுத்தர மக்கள், மற்றும் மேல்தட்டு மக்களின் வாழ்க்கையை மட்டுமல்லாமல் அவர்களின் மனநிலையை அப்படியே எந்த மிகைப்படுத்துதலும் இல்லாமல் காண்பித்ததுதான்.

சலவை தொழிலாளி ஷோய்புக்கு ஷய் வீட்டில் வைத்து பணிப்பெண் காப்பி கொடுக்கும் காட்சி, மேல்தட்டு பெண்களின் சுயநலங்கள் இப்படி பல நிகழ்வுகளை குறியீடுகள் மூலம் காண்பித்திருப்பது புதிது.

முதல் பத்தியில் கேட்ட கேள்விக்கு பதில்? அமீர் தயாரித்த வெற்றிப்படங்களின் வரிசையில் இதை சேர்க்கலாமா? எனது பதில் அமீரின் தயாரிப்பு என்று மட்டுமல்லாமல் அவர் நடித்த படம் என்ற எதிர்பார்ப்பின் அடிப்படையில் எனக்கு சிறு ஏமாற்றத்தையே தந்தது, ஆனால் சிறந்த மாற்று சினிமாக்களின் வரிசையில் DHOBI GHAT நிச்சயம் இடம் பெறும்.

நொறுக்ஸ் - 27/01/2011

2011-01-26T09:25:00.000-08:00

சுவிஸ் வங்கியில் கறுப்புபணம் வைத்திருப்பவர்களின் பட்டியலை வெளியிட சட்ட ரீதியாக பிரச்சனைகள் இருக்கிறது என்று மாண்புமிகு மந்திரி பிரணாப் கொடுத்த அறிக்கை சிரிப்பை வரவழைக்கிறது. தன்னையும், சகபாடிகளையும்,தலைமையையும், படியளக்கும் பணமுதலைகளையும் காப்பாற்ற கொடுத்த காசுக்கு மேலேயே கூவுறாருப்பா....சட்டம் என்ன சித்திரகுப்தன் எழுதி வானத்துலேருந்து தூக்கிப்போட்டதா? போங்கய்யா நீங்களும் உங்க அரசியலமைப்பும்... சட்டம் ஒரு இருட்டறைன்னு அன்னிக்கே எஸ்.ஏ. சந்திரேசேகர் சொன்னாரு அது இப்பத்தான் புரியுது...

===

ஒரு மளிகை கடையில் நின்றிருத்தபோது இரு பெண்கள் சந்தித்துக்கொண்டார்கள்.

" ஹாய் அவ் ஆர் யு? ஹவ் இஸ் யுவர் ஹஸ்பண்ட்?"

"ஐ எம் ஃபைன்? அவ் ஆர் யு? ஹவ் இஸ் யுவர் ஹஸ்பண்ட்? "

இப்படி ஆரம்பித்து ரொம்ப நேரம் பீட்டர் விட்டுக்கொண்டிருந்தார்கள். எனக்கு திடீர்னு தோனுச்சு இரண்டு ஆண்கள் சந்தித்துக்கொண்டால் பரஸ்பரம் மனைவிகளின் நலம் பற்றி விசாரிப்பார்களா?

எனக்கென்னவோ அப்படி தோணலை(இதுவும் ஆணாதிக்கமோ?) பீட்டர் முடிந்து அவர்கள் கிளம்பும்போது அதில் ஒரு பெண் "ஒருநாள் வீட்டுக்கு வாங்க" என்றார் அழகிய தமிழில். டமால்...பாவம் அவங்களுக்கு தமிழ்ல தெரிஞ்சது அந்த ரெண்டே வார்த்தைதான் போலருக்கு.... வாள்க டமில்.

====

ஒரு வாரம் முன்பு முதன்முறையாக அபுதாபி போயிருந்தேன்.. அபுதாபில இறங்குனதும். அபுதாபி மண்ணெடுத்து நெத்தில பூசிகிட்டேன். பிரபல பதிவர்கள் வசிக்கும் புண்ணிய பூமியாயிற்றே... கொஞ்சம் மண்ணையும் டப்பாவுல எடுத்துட்டு வந்திருக்கேன். நமக்கு வரலாறு முக்கியம்ல...))))

====

தமிழில் பிறமொழி கலப்புகளை களையவேண்டும். உலக மொழிகளுக்கே முன்னோடி நமது தமிழில் இல்லாத வார்த்தைகளா? அடிபொலி என்ற மலையாள வார்த்தை இப்போது சென்னைதமிழ் வரை புழங்கிவருகிறது. இதற்கு பொருத்தமான தமிழ்வார்த்தை என்னவென்று சரியாக சொல்பவர்களுக்கு மருத்தவர் அய்யா வர்ற தேர்தல்ல ஒரு சீட்டு தரப்போறாராம்... அவருக்கு கொடுக்கப்போவதே ஒரு சீட்டுதான்றீங்களா-??? நோ கமெண்ட்ஸ்...

====

மருத்துவர் அய்யான்னதும் அவர் சமீபத்தில் விட்ட அறிக்கை ஞாபகம் வருது. நடிகர்கள், திரையுலகினர் அரசியலுக்கு வர்றதை தடுக்கவேண்டுமாம். நடிப்புத்தொழில் என்பது அவ்வளவு கேவலமான தொழிலா என்ன? எல்லாரும் இவரைமாதிரி டாக்குடராவும், வக்கீலாவும் இருந்தாத்தான் அரசியலுக்கு வரனும்னு எதிர்பார்க்கறது வடிகட்டிய கையாலாகாத்தனம். இப்படின்னு முன்னாடியே தெரிஞ்சிருந்தா ஒருவேளை அன்புமணியை அன்புகாந்த் னு மாத்தியிருந்துருப்பாரோ? அவரையெல்லாம் மதிச்சு....அப்படின்றீங்களா....அதுவும் சர்தான்...

=====

வருகிற சட்டமன்ற தேர்தலின்போது நான் ஊர்ல இருப்பேன்னதும்...நண்பன் கேட்டான்

"யாருக்குடா ஓட்டுப்போடுவே?"

"எனக்கு யார்போடுறாங்களோ அவங்களுக்கு.".... பிளாக்கோஃபோபியா....:)))

நீங்கள் கால்பந்து ரசிகரா?

2011-01-17T10:46:00.000-08:00

தோகாவில் ஆசியக்கோப்பை கால்பந்து போட்டி நடைப்பெற்றுவருகிறது, இன்னும் கொஞ்சம் நாள் உறக்கம் போகும். ஆஸ்திரேலியா, பக்ரைனுடன் போட்டியிட்டு நமது இந்தியா மிகவலுவான நிலையில் இருக்கிறது அப்படின்னு சொல்ல ஆயைாத்தான் இருக்கிறது. ஆனால் ஆஸ்திரேலியாவுடன் நான்கிற்கு பூஜ்யம் (அடேங்கப்பா) என்ற படுதோல்வியும், பக்ரைனுடன் ஐந்துக்கு- இரண்டு என்ற கணக்கில் மீசையில் மண் ஒட்டாமலும் தோற்றிருக்கிறது இந்தியா.

TEAM WORK என்ற வார்த்தைக்கு பொருத்தமான பல விளையாட்டுக்களில் காற்பந்து போட்டிக்கு சிறப்பான இடம் உண்டு. உலக அளவில் காற்பந்து விளையாட்டுக்குத்தான் ரசிகர்கள் அதிகம். கிரிக்கெட் என்றாலே சச்சினை உலக அளவில் பலர் புகழ்ந்து தள்ளுவதற்கு காரணம், அவரது மொத்த ஸ்கோர்களும், சாதனைகளும் மட்டும் அல்ல. இப்போதும் சதங்களை அடித்து இளம் வீரர்களுக்கு சரிசமகாக தன்னை தக்கவைத்துக்கொள்வதற்கு காரணம் கிரிக்கெட் பற்றி அவர் தெரிந்துவைத்திருக்கும் நுட்பமான அறிவு.

Pele

எந்ததுறையாக இருந்தாலும் அத்துறையைப்பற்றி நுட்பமான அறிவு இருந்தால் கண்டிப்பாக வெற்றித்தான். காற்பந்து போட்டியிலும் இதுபோன்ற பல நுட்பமான விசயங்களை தெரிந்து கொண்ட பலவீரர்கள் உள்ளனர். காற்பந்து போட்டி என்றாலே ஞாபகத்திற்கு வரும் நாடு பிரேசில். பல தில்லாலங்கடிகள் இருந்த, இருக்கும் அணி. கடந்த உலககோப்பையில் பிரேசில் அணி தோற்றது என்பது ஒரு ஆச்சர்யமான அபத்தம்.

பிரேசில் அணி என்றாலே உடன் ஞாபகத்துக்கு வரும் வீரர் பீலே. காற்பந்து போட்டியின் நூற்றாண்டு நாயகனாக அறிவிக்கப்பட்டவர். அவரைப்போலவே காற்பந்தின் பல நுணுக்கங்களை தெரிந்த வீரர் யாரனெ்று கேட்டால் நிச்சயமாக அவர் பிரேசிலின் ராபர்ட் கார்லோஸ். வேகம் மட்டும் அல்ல விவேகம் உள்ள வீரர்.

Carlos

கீழே உள்ள இந்த காணொளியை பார்க்கவும். கோல் விழுவதற்கான நிகழ்தகவு 179 டிகிரியில் கோல் அடிக்கும் தொலைவிலிருந்து கோல் போஸ்ட் இருக்க அதை 0.82 டிகிரியில் கோல் அடிக்கும் நிகழ்தகவாக மாற்றுவது என்பது சாதாரண விசயமல்ல.

கிரிக்கெட்டில் பந்தை ஸ்விங்(Swing) செய்வது என்ற முறை ஒன்று உண்டு. விவரமாக அறிய இந்தப்பதிவை படிக்கலாம், அதில் Air Swing என்ற முறை மிகவும் கடினமானது. அதாவது பந்தை எறியும்போது பந்து தரையில் விழும்முன்பே திசைதிரும்புவது. பேட்ஸ்மேன் எதிர்பாராத திசையில் பந்து வந்து விக்கெட்டுகளை பதம் பார்த்திருக்கும், அல்லது எக்குத்தப்பாக மட்டையில் பட்டு எவர் கையிலாவது வந்து உக்காரும். பாகிஸ்தானின் வாக்கர் யூனிஸ், வாசிம் அக்ரம் இதில் புலிகள்.
காற்றின் திசையையும், பந்தின் வேகத்தை கணிப்பது இதில் மிகமுக்கியம்.

பந்தை கையிலிருந்து ஸ்விங்க் ஆக்குவதே கடினமான செயல். அதை காலால் செய்யமுடியுமா? முடியும் கீழே உள்ள காணொளியைப்பாருங்கள். வேகமாக விடுபடும் பந்து வெளியேத்தான் போகிறது என்று வாய்பிளந்த அனைவருக்கும் அல்வா கொடுத்து அனாயசமாக கோல்போஸ்ட்டின் உள்ளே விழுவதே கவனியுங்கள். பந்தை உதைக்கும் வேகம்,கோல் போஸ்டின் தூரம், காற்றின் திசை இவை மூன்றையும் துல்லியமாக கணித்தால் மட்டுமே இது சாத்தியம்.

மீண்டும் சில கால்பந்து சுவாரஸ்யங்களுடன் வருகிறேன்...

புத்தாண்டு கவுஜை - ஸ்ஸஸஸஸஸபா.......

2011-01-01T02:14:00.000-08:00

கவுஜையை படிக்காம பின்னுட்டத்துல வாழ்த்து மட்டும் சொல்லிட்டு அப்படிக்காவே போய்ட்டா உங்களுக்கு நல்லது...
எதுலயும் ஒரு நேர்மை வேணும்.

கடந்த ஆண்டில்
என்ன செய்தோம்
எனப் பார்க்காமல்
இந்த வருடம்
என்ன செய்யப்போகிறோம்
என்ன எண்ணுங்கள்
ஆனால் செய்யாதீர்கள்
அடுத்த வருடமும்
இதேபோல்
எண்ண வேண்டும்

கடந்த வருட
தோல்விகளை நினைத்து
வருந்தாமல்
புதுவருட வெற்றிகளுக்கு
வழி செய்வோம்-அதற்கு
பரங்கிமலை ஜோசியரை
பார்க்க தவறாதீர்கள்

புதுவருட குருப்பெயர்ச்சி
ஏற்படுத்தாது மறுமலர்ச்சி
உனக்குள் வேண்டும் வளர்ச்சி
அதற்கு நீ சாப்பிடு இறைச்சி
இது ஒரு புத்தாண்டு புரட்சி

ஒரு தாயின் சபதம்
மங்கம்மா சபதம்
நீங்களும் செய்யுங்கள்
ஒரு புத்தாண்டு சபதம்

ஸ்ஸஸஸஸஸப்பா எல்லாருக்கும் புத்தாண்டு வாழ்த்துக்கள்பா....
வருச ஆரம்பமே இப்படியா தொடங்கனும்......வௌங்கிரும்

நொறுக்ஸ் - 25/12/2010

2010-12-25T04:27:00.000-08:00

khஆண்டு இறுதியில் சந்தோஷத்தில் ஆழ்த்திய செய்தி நமது அன்பிற்குறிய அண்ணாச்சி, (ஆசிப் அண்ணாச்சி இல்லப்பா) மண்வாசனை எழுத்தாளன் பாசமிகு கும்பமுனி நாஞ்சில் நாடனுக்கு இந்த ஆண்டிற்கான சாகித்ய அகாடமி விருது அறிவிக்கப்பட்டுள்ளது. விருது என்பது பொருத்தமானவர்களுக்கு சேரும்போதுதான் விருது கொடுக்கும் வைபவங்களின் மேல நம்பிக்கை வருகிறது.

அண்ணாச்சி செளக்கியமாருக்கியளா...ரொம்ப சந்தோசம்...:))

====

பெண்ணியவாதிகளுக்கு ஒரு நல்ல செய்தி, நம்பமுடியாத செய்தி ஆனால் உண்மை. மத்திய கிழக்கு நாடுகளின் புகழ்பெற்ற டிராவல்ஸ் நிறுவனமான

கானு டிராவல்ஸ் (Kanoo Travels) சவுதியில் வாடிக்கையாளர் சேவை தொடங்கியுள்ளது. இதிலென்ன ஆச்சர்யம்னா கேக்கறீங்க... இந்த வாடிக்கையாளர் சேவையில் பணியில் அமர்த்தப்படுபவர்கள் அனைவரும் பெண்கள். அட.... இது எப்போ????? ஒருவேளை சவுதி அரசாங்க அதிகாரிகளும் போனவாரம் விஜய் டிவியில் வந்த நீயா நானாவை பார்த்து மனசு மாறியிருப்பார்களோ...? என்ன எழவோ பெண்கள் முன்னேறுனா சர்தான்...

====

காங்கிரஸ் கட்சியைசேர்ந்த கேரள முன்னாள் முதல்வர் கே.கருணாகரன் மறைந்தார். தன்னோட வாரிசுகளை பிரதமராகவே ஆக்கிய காங்கிரஸ் கட்சியில் இருந்துக்கொண்டு தன்னோட மகன் முரளிதரனை ஒரு வார்டு கவுன்சிலரா கூட ஆக்காம போய் சேர்ந்துட்டாரே....காங்கிரஸ் கட்சில இப்படி ஒரு தலைவரா? இதுக்குத்தான் எங்க தமிழினத்தலைவர்கிட் அப்போவே ஐடியா கேட்டிருந்துருக்கனும்....டூ லேட்...

(முரளிதரன் எம்.பி.பதவிக்கு போட்டியிட்டு மண்ணைக்கவ்வியது வேறுவிசயம்)

====

நாத்திகர்னா என்னா அர்த்தம்? கடவுள் நம்பிக்கை இலலாதவர்கள்னுதானே அர்த்தம். அப்போ ஏன் கலைஞர் கிருஷ்ண ஜெயந்திக்கு மட்டும் வாழ்த்துச்சொல்லாம கிறிஸ்துமஸ்கும், பெருநாளுக்கும் வாழ்த்து சொல்றாரு... அப்போ ஏசுநாதரும், நபிகள் நாயகமும் இறைதூதர்கள் இல்லையா?

அப்படின்னு நான் கேட்கலை...என் நண்பன் ஒருத்தன் கேட்டான்... நான்சொன்னேன் "போங்கடா நீங்களும் ஒங்க ஜாதியும், மதமும்"

ஆனா கேள்வி லாஜீக்கலா நல்லாருந்துச்சேன்னு போட்டுட்டேன்...

====

போனவார காமெடி பீஸ் விருது நமது அண்ணன் ராகுல் காந்திக்கு செல்கிறது. அப்போ அதுக்கு முந்துன வாரம் யாருக்குப் போச்சுன்னாலும் கேட்கப்படாது. இப்போதைக்கு இவர்தான். திராவிட கட்சிகளின் மேல் தாவி தாவி சவாரி செய்யும் ஒரு கட்சி காங்கிரஸ், இளைஞர் காங்கிரஸ்-ல் இருந்து ஒருவர் தமிழகத்தின் முதல்வர் ஆவார்னு சொன்னதும் மகராசன் படத்தில் கமல்-செந்தில் பேசும் வசனம்தான் ஞாபகம் வந்தது. "என்ன அவ்ளோ ஈஸீயா ஏமாத்த முடியாது".... "அப்போ கொஞ்சம் கஷ்டப்பட்டா ஏமாத்திடலாங்கறியா?" :)) பீஹார்ல வாங்குன அடி அதுக்குள்ள மறந்துபோச்சுன்னா இவருதான்டா அடுத்த இரும்பு மனிதரு...அங்...

====

காமெடி பீஸ் ராகுல்னா..அப்போ ஹீரோ யாரு? சாட்சாத்தான் நம்ம சுப்பிரமணியசுவாமிதான்... ...

அண்ணா நீங்க போட்டுத்தாக்குங்கோ அவாளை.... ...:))

யதா யதா ஹிதர்மஸ்ய க்லாநிர்பவதி பாரத......:))))))

====

விருதகிரி - கொலைவெறி

2010-12-17T11:57:00.000-08:00

கேப்டனோட அரசாங்கம் படத்தை பார்த்து விமர்சனம் எழுதுனதுக்கு. ஒரு கேப்டனின் ரத்தத்தின் ரத்தம் பின்னூட்டம் போட்டிருந்தார், "உன்னையெல்லாம் யாருடா தமிழ்ப்படம் பார்க்கச்சொன்னது, நாகர்கோவிலை இன்னும் தமிழ்நாட்டுலயே சேர்க்கலைடா அந்தப்படத்துக்கு என்னடா குறைச்சல்" இதுதான் அந்தக்கமண்ட். இப்படி சம்பந்தமே இல்லாம பின்னுட்டம் போடறவங்களும் இருக்கிறார்கள்.

ஒரு படத்தைப்பார்த்து அதுல என்ன இருக்கோ அதைத்தானே எழுதமுடியும். இப்பல்லாம் ஊருக்கு வரனும்னு நினைக்கும்போது திருவனந்தபுரம் ஏர்ப்போட் வெளியே பொருளோட சிலபேரு வெயிட் பண்றமாதிரியே கனவுல்லாம் வேற வருது. உடம்புல வேற தெம்பு இல்லை. இருந்தாலும் நமக்கு கடமைன்னு ஒண்ணு இருக்கே. வரலாறுல இடம் புடிக்கனும்னா கடமையைச்செய் பலனை எதிர்பார்க்காதேன்னு கீதைல கிருஷ்ணர் சொல்லிருக்காரு....

விருதகிரி.

ரொம்ப நாளா ஒரு நல்ல காமெடிப்படம் பார்க்கனும்னு ஆசை...நன்றி கேப்டன். கேப்டனின் வசனங்களும், நடிப்பும் இனியும் இவரு நடிக்கிறாரேன்னு அவர்மேல் பரிதாபம் வரவழைக்கிறது,

கறுப்பு எம்ஜீஆர்(அப்படின்னு அவர்தான் சொல்லிகிறாரு) கேப்டன் இயக்கி நடித்தப்(?) படம். புரட்சித்தலைவரின் நாடோடி மன்னன் படத்துக்கும் விருதகிரி படத்துக்கும் ஒரு ஒற்றுமை இருக்கிறது. எம்ஜீஆர் இயக்கி நடித்த முதல்படம் நாடோடி மன்னன். நம்ம கேப்டனும் இயக்கிய நடித்த முதல்படம் இது, கிட்டத்தட்ட புரட்சித்தலைவர் பாணியிலேயே வர்றாருபோல. விருதாச்சலம் தொகுதியின் சென்ட்டிமென்டாக விருதகிரி.

ஆனால் புரட்சித்தலைவர் இயக்கிய எல்லாப்படங்களுமே வெற்றிப்படங்கள் (நா. மன்னன், அடிமைப்பெண், உலகம் சுற்றும் வாலிபன், ம,மீ,சுந்தர பாண்டியன்) . கேப்டனும் இப்படி தொடர்ந்து இயக்கி நடிப்பாரோ என பயமா வேற இருக்கு,

கலைஞருக்காக புளியந்தோப்பு பழனி பாடிய கானா பாடல்கள் கேட்டமாதிரி சாமி=பூமி, முன்னாடி=பின்னாடி, இப்படி பல அடுக்குமொழிகளோட ஒரு தன்புகழ் பாடும் டைட்டில் சாங். என்ன இப்பவே கண்ணைக்கட்டுதா? இனிதான் ஆரம்பிக்குது காமெடி.

கேப்டன் என்ட்ரியானதும் "சரியான நேரத்துல வந்தீங்க ஆபிசர்" என்று சொல்லும் ஸ்காட்லாந்து போலீஸ் ஆபிசரிடம் "நான் வந்தா நல்லதே நடக்கும்" இப்படி ஆரம்பிக்கும் அரசியல் பஞ்ச் டயலாக்குகள் படம் முழுவதும் விரவிக்கிடக்கிறது...ஸ்ஸஸஸஸஸப்பா....

போலீஸ் ஆபிசராக கேப்டன் நடிக்கிறாருன்னு சொல்லி ஒரு பத்தாங்கிளாஸ் பையன்கிட்ட கேப்டன் படத்துக்கு திரைக்கதை எழுதிக்கொடுடான்னு கேட்டா பக்காவா எழுதிக்கொடுப்பான். அப்படி ஒன்றுதான் இதுவும். பல காட்சிகள் அமெச்சூர் தனமாக இருக்கிறது. கேப்டன் பேசும் பல டயலாக்குகள் மக்கள் தளபதி சாம்ஆன்டர்சனை ஞாபகத்துக்கு கொண்டுவந்து தொலைக்கிறது,

இந்தவாட்டி தீவிரவாதி வாசிம்கானை புடிக்க பார்டருக்கு போகாம கடத்தல்காரர்களை புடிக்க தலைவர் ஆஸ்திரேலியா போறாரு. கடத்தப்படும் தன் மருமகளை கடத்தல்காரர்களிடம் மீட்கிறார் இதுவே கதை. லியம் நீசன் நடிச்ச டேக்கன்(Taken) படம் வேற இடைல ஞாபகத்துக்கு வந்து தொலைச்சா அதுக்கு கேப்டன் பொறுப்பல்ல.

போலீஸ் உடையில் கேப்டனைப்பார்க்கும்போது ராணுவத்தில் இருந்து ரிட்டையர்டாகி செக்யுரிட்டியாக வேலைப்பார்ப்பவர்கள் ஞாபகத்துக்கு வந்தால் அதுக்கு கேப்டனே பொறுப்பு. கேப்டனின் கழுத்து முதல் கால்வரை ஒரேமாதிரியாக இருக்கிறது. கழுத்தில் மட்டுமே பத்துக்கிலோ சதை தொங்குகிறது. கேப்டன் பிரபாகரன் படத்தை கடைசியா ஒருதடவை கேப்டன் பார்த்திருந்தார்னா இப்படி ஒரு ரிஸ்க் எடுத்துருக்க மாட்டாரு. புலன்விசாரணை படத்துல போட்டிருந்த கோட்டை மறக்காம இன்னும் வச்சுருக்காரு.

படத்தின் ஒரே ஆறுதல் கேப்டனுக்கு நாயகி இல்லாதது. இருந்திருந்தா கேப்டனின் ரொமான்ஸ் கொடுமையை வேற பார்த்திருந்திருக்கனும். அரசாங்கம் படம் பார்க்கும்போது கேப்டன் ரொமான்ஸ் செய்வதை பார்த்து பக்கத்தில் இருந்த காலேஜ் பையன்கள் அடிச்ச கமண்ட் இப்ப நினைச்சாலும் சிரிப்பு வருது...

பகுதி நேர அரசியல்வாதி என்று எதிர்கட்சிக்காரர்கள் கிண்டல் அடிப்பதை நிறுத்தவும் தமிழ்சினிமாவின் எதிர்காலம் நல்லா இருக்கவும் கேப்டன் இனி சினிமாவில் நடிக்காமல் இருப்பதே நல்லது.

அடுத்த டி,ஆர்,படம் எப்போ வருதுன்னு யாராச்சும் கேட்டுச்சொல்லுங்கப்பா.....வரலாறுல இடம்புடிக்காம போறதா இல்லை....

பாரதியின் வெண்பா

2010-12-08T10:14:00.000-08:00

பொன்னையே நிகர்த்த மேனி
மின்னையே நிகர்த்த சாயல்
பின்னையே நித்ய கன்னியே
கண்ணம்மா
மாரனம்புகள் என் மீது வாரி வாரி வீசநீ
கண் பாராயோ வந்து சேராயோ
கண்ணம்மா கண்ணம்மா கண்ணம்மா

கண்ட நாள் முதல்....

2010-12-03T09:43:00.000-08:00

சிலநேரம்
கரண்ட்டில் அடிப்பட்ட
காகம் போல
விறைத்துக்கொள்கிறது
என் இதயம்

சிலநேரம்
பொறியில் அகப்பட்ட
எலியைப்போலவும்
துள்ளி குதிக்கிறது

சிலநேரம்
பறவை காய்ச்சல்
வந்த கோழியைப்போல
முடங்கிப்போகிறது

சிலநேரம்
திருவிழாவில் வெட்டப்படும்
குறும்பாட்டைப்போல
முரண்டுபிடிக்கிறது

சிலநேரம்
சிலந்திவலையில்
ஒட்டிக்கொண்ட
கொசுவைப்போல
பறக்க முயன்று
தோற்றுப்போகிறது

சிலநேரம்
தேன் குடித்த
தேனீபோல
உண்டமயக்கத்தில்
உறங்கிவிடுகிறது.

மனித இதயமாக
லப்டப் லப்டப்
எனதுடிக்க மறந்து
நாட்கள் பல
ஆகிறது

இதயத்தையும்
வீட்டுக்காவலில்
வைக்கும் வித்தையை
எங்கிருந்து
கற்றுக்கொண்டாய்

முதன்முறை சந்தோஷங்கள்

2010-11-30T10:28:00.000-08:00

முதன்முறை காதல் வந்தபோது வராத
சந்தோஷம்

முதன்முறை சைக்கிள் கற்றுக்கொண்டபோது
வராத சந்தோஷம்

முதன்முறை லுங்கி அணிந்தபோது வராத
சந்தோஷம்

முதன்முறை மீசை முளைத்தபோது வராத
சந்தோஷம்

முதன்முறை கல்லூரி சென்றபோது வராத
சந்தோஷம்

முதன்முறை வேலை கிடைத்தபோது வராத
சந்தோஷம்

முதன்முறை சம்பளம் கிடைத்தபோது வராத
சந்தோஷம்

முதன்முறை வாகனம் வாங்கியபோது வராத
சந்தோஷம்

முதன்முறை கலர்மொபைல் வாங்கியபோது வராத
சந்தோஷம்

முதன்முறை நட்சத்திர ஓட்டல் சென்றபோது வராத
சந்தோஷம்

முன்முறை ரீபோக் ஷு அணிந்தபோது வராத
சந்தோஷம்

முதன்முறை அருவியில் குளித்தபோது வராத
சந்தோஷம்

முதன்முறை கணினிமுன் அமர்ந்தபோது வராத
சந்தோஷம்

முதன்முறை தமிழில் தட்டச்சுசெய்த போது வராத
சந்தோஷம்

முதன்முறை பென்ஸ் காரில் அமந்தபோது வராத
சந்தோஷம்

முதன்முறை திருப்பதி சென்றபோது வராத
சந்தோஷம்

முதன்முறை விமானத்தில் பயணித்தபோது வராத
சந்தோஷம்

முதன்முறை தாஜ்மகால் சென்றபோது வராத
சந்தோஷம்

முதன்முறை குழந்தையை கையில் வாங்கியபோது வராத
சந்தோஷம்

பல முதன்முறை சந்தோஷங்களை
முறியடிக்கும் ஏதாவது
ஒரு சந்தோஷத்தை
எதிர்பார்த்து வாழ்க்கையை
சந்தோஷமாகக் கழித்துக்
கொண்டிருக்கிறேன்....

நம்ம கேப்டன் என்ன சொல்றாரு?

2010-11-29T09:55:00.000-08:00

படத்துல நம்ம கேப்டன் லேப்டாப்பை பார்த்து ஏதோ சொல்றாரு... இதுக்கு பொருத்தமான கமண்டை போட கற்பனை குதிரையை தட்டி எழுப்புங்கள்.

இதோ என்னுடைய கமண்ட்டுகள்

1. இதுல மொத்தம் 85 கீ இருக்கு. அதுல இங்கிலிஸ்ல 26 கீ, நம்பருல 10 கீ, புரியாத எழுத்துல 15 கீ, பெரிய கீ ஒண்ணு, சின்ன கீ 4...என் காரு கீ ஒண்ணு... அங்...

2. Press Any Key to Continue னு போட்டு Any கீயை வைக்காம வுட்டானுங்க...யாரை ஏமாத்தப்பாக்குறானுங்க...அங்....

3. தொண்டர் 1 : கேப்டன் ஏன் டென்ஷன்ல இருக்காரு?

தொண்டர் 2 : CTRL, ALT கீயை மத்த கீயோட பயன்படுத்தாம "தனியாத்தான்" பயன்படுத்துவேன்னு அடம்பிடிக்கிறாரு சார்...

பேசுவது எப்படி ? - வால்மீகி

2010-11-27T08:48:00.000-08:00

பேசுவது என்பது சாதாரண விசயம்தான் சிலபேர் பேசும்போது எப்படா கிளம்புவாருன்னு தோணும், சிலபேரு பேசும்போது கேட்டுக்கிட்டே இருக்கத்தோணும். சிறப்பாக பேசுவது (Effective Communication) என்பது ஒரு கலை. அது எல்லாராலும் முடிவதில்லை.

மேலாண்மை படிக்கும் மாணவர்களுக்கு (Business Communication) என்ற பாடப்பிரிவு உண்டு, பல தனியார்களும் இதற்கான வகுப்புகளை

(Business Communication Course-BCC ) நடத்துகிறார்கள். பக்கம் பக்கமாக இருக்கும் புத்தகங்களில் வெள்ளைக்காரனுங்க சொன்ன விசயங்களை பிரின்ட் அடித்து வச்சுருப்பார்கள்.

அந்த புத்தங்களில் இருப்பதை வெறும் ஏழே ஸ்லோகங்களில் எப்படி பேசுவது என்பதை பத்தாயிரம் ஆண்டுகளுக்கு முன்பே வால்மீகி தான் எழுதிய ராமாயணத்தில் சொல்லியிருப்பார்.

(எல்லாரும் கொஞ்சம் மோட்டுவளையைப்பாருங்க...ரொம்ப பின்னாடி போகப்போறோம்)

ராமாயணத்தில் ராமர் வனவாசத்தில் இருக்கும்போது, அனுமன் முதன்முறையாக ராமரை சந்திக்க வருகிறார் . தன்னைப்பற்றியும் தான் வந்த காரணங்களைப்பற்றியும் ராமருக்கு எடுத்துரைக்கிறார். அனுமனின் பேச்சைக்கேட்டு வியப்படைந்த ராமர், அனுமன் தன்னிடம் பேசியவிதத்தை தம்பி லட்சுமணனுக்கு சொல்லுவதாக எழுதுகிறார் வால்மீகி.

சமஸ்கிருதத்தில் ஏழு விதமாக அதைப்பிரித்து அனுமன் பேசிய விதத்தை விவரிக்கிறார் வால்மீகி. சமஸ்கிருதம் நமக்கு வேண்டாம். அதை அழகு தமிழிலேயே பார்க்கலாம்.

1.அனுமன் தான் சொல்லவந்ததை முழுமையாக கூறினார். பேச்சின் நேரம் அதிகம் இல்லாமலும், மிகச்சுருக்கமாக இல்லாமலும் அவர் பேச்சு முழுமையாக இருந்தது.

2.பேச்சு தெளிவாகவும், எந்தவித சந்தேகமும் இல்லாமல் இருந்தது.

3. இலக்கணப்பிழை இல்லாமல் இருந்தது.

4.பேசும்போது பொருத்தமான வார்த்தைகளை மட்டுமே பயன்படுத்தினார். அந்த வார்த்தைகளுக்குப் பதிலாக பிற வார்த்தைகளை பயன்படுத்தமுடியாது.

5. பேசும்போது எதிரில் இருப்பவருக்கு கேட்கும்படியான சத்தத்தில் மட்டுமே பேசினார். அதிக சத்தமாகவோ, மிகக்குறைவான சத்தமாகவோ பேசவில்லை.

6. வார்த்தைகளை தெள்ளத்தெளிவாக உச்சரித்தார். அவரது உச்சரிப்பு ஒரு இனிமையான இசையை கேட்பதுபோல் இருந்தது.

7. அனுமனின் பேச்சுகள் ஆழ்மனதிற்குள் நேராக இறங்கியது. கேட்பவரின் சிந்தனையை திசைதிருப்பவில்லை.

அனுமனின் பேச்சில் இருந்த சிறப்பியல்புகள், நாமும் கற்றுக்கொள்ளவேண்டியவை. ஜெய் ஸ்ரீராம்...

(இது ’பாஸ்டன்" ஸ்ரீராம் இல்லை :)

நேரிசை வெண்பா

2010-11-20T09:49:00.000-08:00

நேர்நேர் = தேமா

மான் விழி இரண்டை
நான் கண்டு மிரள
வான் வழி பறந்த-கொக்கு
மீன் என இடற
உன் போல் அழகு
இன்னுலகில் இல்லை
என்போல் பேறுபெறுவார் யாரோ?

மைனா - திரைக்கதையின் வெற்றி

2010-11-17T10:04:00.000-08:00

பிரபு சாலமனின் கொக்கி, லீ எனக்கு மிகவும் பிடித்த படங்கள். படங்கள் வியாபார ரீதியாக சரியாக போகவில்லையென்றாலும் நல்லப்படங்களாகவே தோன்றியது. காரணம் வித்தியாசமான கதைக்களங்கள் மற்றும் திரைக்கதை அமைத்தவிதம். நாமதான் கருத்தம்மா படத்தையே குப்பை என்றவர்களாயிற்றே. மற்றொரு வித்தியாசமான களத்துடன் இறங்கியிருக்கும் சாலமனின் உழைப்புக்கு கொடுத்த வெற்றியே இந்த மைனா.

நான் படித்த எந்த மைனா படத்தின் விமர்சனத்திலும் ஏதும் ஒரு காட்சியை செக்கோலோஸ்வியா மொழி படத்துலேருந்து உருவிய காட்சி,உர்பெகிஸ்தான் படத்துலேருந்து உருவிய காட்சி போன்ற அதிமேதாவி விமர்சனங்களை பார்க்காதது ஆறுதல், காரணம் படத்தின் இரண்டாம் பாகத்தில் கொடுக்கப்பட்டிருக்கும் படக்குழுவினரின் உழைப்பு.

படம் ஓடத்தொடங்கியதும் நாயகன், நாயகியின் குழந்தை பருவ காட்சிகள், நக்கல், கிண்டல்கள் பருத்திவீரன், வெயில் படங்களின் பாதிப்பாக இருந்ததை உணர முடிந்தாலும் படம் போக போக இப்படி ஒரு விஸ்வரூபம் எடுக்கும் என எதிர்பார்க்கவில்லை.

பலபடங்களில் ஒரு சாதாரண விஷயமாக, பத்தோடு பதிணொண்றாக சொல்லப்பட்ட நல்லநாள்,பண்டிகை, விடுமுறை இல்லாத போலீசாரின் வேலையையும், காதலையும் மையமாக வைத்து பின்னப்பட்ட கதை.

இரண்டாம் பாதியில் திரைக்கதையின் வேகம், சற்றும் எதிர்பார்க்காத ஒரு க்ளைமாக்ஸ் என வெள்ளித்திரையில் பார்க்க முடியாமல் தவறவிட்டோமே என ஃபீல் பண்ணவைத்த மற்றொருப்படம்.

மைனா - கவர்ச்சி கன்னிகளின் மாமிசத்தை நம்பாமல்
மாஸ் ஹீரோக்களின் சாகசங்களை நம்பாமல் சிறந்த திரைக்கதையை நம்பி உருவான மற்றொரு வெற்றிப்படம்.

ராசா V/s தருமி - புனைவு

2010-11-15T09:35:00.000-08:00

தருமி: பிரிக்க முடியாதது என்னவோ?
ராசா: ஊழலும், காங்சிரசும்

தருமி: பிரிய கூடாதது?
ராசா: அன்னையும், தாத்தாவும்

தருமி: சேரக்கூடாதது?
ராசா: அன்னையும், அம்மாவும்

தருமி: சேர்ந்தே இருப்பது
ராசா: பணமும், அரசியல்வாதியும்

தருமி: சேராமல் இருப்பது
ராசா: காங்கிரசும், காந்தியமும்

தருமி: பார்க்கக்கூடாதது?
ராசா: தணிக்கைகுழு முடிவு

தருமி: பார்த்து ரசிப்பது
ராசா : மக்களின் வயிற்றெரிச்சல்

தருமி: சொல்லக்கூடாதது
ராசா : பத்திரிக்கையிடம் ரகசியம்

தருமி: சொல்லக்கூடியது
ராசா : மக்களிடம் பொய்

தருமி: பதவியில் சிறந்தது
ராசா : மத்திய அமைச்சர்

தருமி: அமைச்சருக்கு அழகு
ராசா: ஊழல் செய்வது

தருமி: ஊழல் என்பது
ராசா: அரசியலுக்கு மறுபெயர்

தருமி: அரசியலென்பது
ராசா : ஏமாற்றுவது

தருமி: ஏமாற்றுவதற்கு
ராசா: நான்

தருமி: ஏமாறுவதற்கு
ராசா: நீ

============================

டைமிங்காக ஒரு அருமையான காணொளி. காணத்தவறாதீர்கள்)

(Tu chalo toh hindustan chale....நமது புதிய தேசிய கீதம்)

ரெண்டு பதிவுகளுக்கு லீட் தந்த அண்ணன் ராசா வாழ்க...

ராசா...ராசா...ராஜினாமா கொடுப்பது லேசா....

2010-11-14T12:16:00.000-08:00

மத்திய அமைச்சர் ராசா மந்திரி பதவியை ராஜினாமா செய்தார்..
ஸ்வீட் எடு கொண்டாடு....

ஹைக்கூ...

2010-11-08T10:22:00.000-08:00

கடல் விடு தூது
அலைகள்

அப்பா கையில்
எப்போதும் அலைபேசி
ஏக்கத்தில் குழந்தை

பருவ மழை
தேவையில்லை
வயல்வெளியில்
வீடுகள்

ஊனம் ஒரு தடையல்ல
ஊனம் என்ற
வார்த்தைதான் தடை

எப்போதும் கருப்புச்சட்டை
குடையும் பகுத்தறிவு
பேசுகிறது

தரையில் குழந்தை
மடியில் கணிணி

ஃபேஸ் புக்கால்
என் ஃபேஸ் மறந்தது
மழிக்காத தாடி

மழையின்றி முளைத்த
திடீர் காளான்கள்
முகப்பருக்கள்

கண்ணாடியில் ஸ்டிக்கர் பொட்டு
கண்ணாடியும் பெண்தான்

திருடிய வடை
கூடி உண்ணும் காகங்கள்
திருடாத வடை
தனித்து உண்ணும் மனிதன்

காதல் கவுஜைகள் - 5

2010-11-05T11:04:00.000-07:00

உனது திருமண பத்திரிக்கை
கண்டு கண்ணீர் பெருகுதுடி
அன்று விடுமுறை இல்லை
கல்யாண சாப்பாடு நஷ்டமடி

==

பேருந்தில் உனக்கும் சேர்த்து
இரண்டு வருடமாக
டிக்கெட் எடுக்கிறேன்
ஐ லவ் யு சொல்லிவிடு
இல்லை கணக்கு பார்த்து
பைசல் பண்ணிவிடு

==

எனது காதல் கடிதத்தில்
இலக்கணப்பிழை என்று நீ
எழுதிய கடிதத்தில் ஆயிரம்
எழுத்துப்பிழைகள்

==

பரிட்சைக்கு
பிட்டு அடிக்க "சிட்டி"ரஜினி
மாதிரி உதவ
சொல்கிறாயே
நீ என்ன ஐஸ்வர்யா ராயா?

==

இனி மிஸ்டு கால்
கொடுப்பதை நீ
நிறுத்திவிடு
ஏர்டெல் கம்பெனி
உன்னிடம் நஷ்டஈடு
கேட்டு வழக்கு
தொடரலாம்

==

காதல் வந்தால்
சொல்லி அனுப்பு
என் எதிரியின்
முகவரி
தருகிறேன்

==

டீவாளி வாழ்த்துக்கள்

2010-11-04T21:56:00.000-07:00

"ஏப்பி டீவாளி" என
அன்னிய மொழியில்
வாழ்த்துசொல்லுவதுடன்
ஆரம்பிக்கிறது தீபாவளி

நரகாசுரனை கொன்ற நாள்
நமீதா பேட்டியுடன்
கொண்டாடப்படுகிறது

சொந்தங்களை கண்டு
வாழ்த்து சொல்லிய
தீபாவளி நாட்கள்
இன்று டீவி பொட்டியுடன்
அடங்கிவிடுகிறது

தங்கை கொடுத்த மிட்டாயையும்
தாய் கொடுத்த பலகாரத்தையும்
துக்கி எறிகிறான்
தலைவர் படம் ரிலிஸாகாத
கோபத்தில்

சிறப்பு நிகழ்ச்சிகளும்
உலகவரலாற்றில்
முதன்முறையான
படங்களும்தான்
தீபாவளி என்பதை
நினைவூட்டுகிறது

பட்டாசுக்கொளுத்தவும்
பலகாரம் திங்கவும்
புத்தாடை அணியவும்
காத்திருந்த தீபாவளி
எங்கேப்போனது?

அனைவருக்கும் இனிய தீபாவளி திருநாள் வாழ்த்துக்கள்.

ஆண்கள் அழகு நிலையம் - கொசுவத்தி

2010-10-30T03:09:00.000-07:00

திருமணங்களில் ஆயிரத்தெட்டு சம்பிரதாயங்கள் இருந்தும் சமீபகாலங்களில் சொல்லாமல் கொள்ளாமல் ஒரு சம்பிரதாயமும் வந்து ஒட்டிக்கொண்டிருக்கிறது. அது மணமகன் திருமணத்துக்கு முன்தினம் அழகு நிலையத்துக்கு சென்று முகத்துக்கு ஜீகுனா எஃபக்ட் கொடுப்பது. புரியும்படி சொன்னா ப்ளீச்சிங், ஃபேஷீய்ல பண்ணுவது. மூண்று வருடம் முன்பு எனது மூத்த அண்ணனுக்கு திருமணம் நடநதபோது, திருமணத்திற்கு முன்தினம் அவனையும் இந்த கொடுமைக்கு ஆளாக்கினார்கள்.

பொதுவா ஆண்கள் இயற்கையிலேயே அழகு. அப்படின்னு நான் சொல்லை. சயின்ஸ் சொல்லுது . (இதுக்கெல்லாம் விக்கிபீடியா லின்க் கேட்டா தரமுடியாதுப்பா). ஆனா பாருங்க சங்ககாலத்துலேருந்து தாடி வச்ச கவிஞர்கள் நிறையபேரு காசுக்காக பெண்களின் அழகையே வர்ணிச்சு வர்ணிச்சு, ஆண்களுக்கு எதிராக பெரிய துரோகத்தை செய்திருக்கிறார்கள்.

மேட்டருக்கே வர்றேன். அண்ணனை வற்புறுத்தி போகச்சொன்னதும், அவன் சமீபத்தில் திருமணமான தன் நண்பனுக்கு போனைப்போட்டு கேட்க, அவர் ஒரு ஆண்கள் அழகு நிலையத்தை பரிந்துரைக்க, என்னையும் துணைக்கு கூட்டிகிட்டு இருவரும் அங்குப்போனோம்.

வெளியே சாதாரணமாக இருந்த பியுட்டி பார்லரின் உள்ளே நுழைந்ததும், டி.ஆர். படத்தோட ஷுட்டிங்க் ஸ்பாட்டுக்கு வந்தமாதிரி ஒரு ஃபீலிங்க், பயங்கரமா செட் போட்டிருந்தார்கள். கரண் ஜோஹர் படங்களில் வருவதுபோல ஹைகிளாஸ் வீடுகள்மாதிரி பளிச்சென்று இருந்தது. நம்மூர்ல இப்படி ஒரு பியுட்டி பார்லரா? உள்ளே போனதும் வரவேற்புலாம் நல்லாத்தான் இருந்துச்சு. மெனுவைக்கொடுத்தார்கள். சாயத்தைப்பூசி ஏமாத்த போறீங்க... இதுக்கு மெனுகார்ட் வேறயா? உள்ளுக்குள்ளே புலம்பிட்டு மெனுவைப்பார்த்தா பல மாதிரியான ஃபேஷீயல் முறைகள் கொடுக்கப்பட்டிருந்தது இருப்பதுலேயே விலை கூடுன ஒரு வழிமுறையை உடன் பிறப்பு சொல்ல, அழைத்துச்சென்றார்கள்.

அவனுக்கு ஃபேஷீயல் செய்வதை வேடிக்கை பார்த்துக்கொண்டிருந்த என்னிடம் நீயும் பண்ணுடான்னு சொன்னபோது, "எனக்கு இதுக்கு மேலயுமா அழகுவேணும்னு" வடிவேல் ரேன்சுக்கு நான் கேட்க, அங்க நின்னுட்டு இருந்த பியுட்டிஷீயன் என்னை கேவலமா ஒரு லுக்கு விட்டாரு. ஆனா என் அண்ணன் ஒரு விசயம் சொன்னா பாருங்க... "டேய் கல்யாண வீடுன்னா நாலு ஃபிகருங்க வந்துப்போற இடம்டே, உங்க அண்ணிகூட படிச்ச புள்ளைங்கல்லாம் வரும்டே, நீயும் பண்ணு" ன்னதும் எனக்கு கண்ணீரே வந்துடுச்சு அண்ணனுக்கு எம்மேல என்னா அக்கறை...நன்றி சொல்லவே உனக்கு... ஓடிப்போய் சேர்ல நானும் உக்ககாந்துட்டேன். ஆனா அது அக்கறை இல்லை எனக்கு வச்ச ஆப்புன்னு கடைசிலத்தான் தெரிஞ்சுகிட்டேன்.

எனக்கும் ஆரம்பிச்சானுங்க... கண்களுக்கு கவசம் வச்சு, முகத்துல என்னல்லாமோ எடுத்து பூசுனானுங்க...பூசுனதையே கழுவுனானுங்க...அப்புறம் வேற எதையே பூசுனானுங்க திரும்பும் அதை கழுவுனானுங்க, அப்புறம் ரொம்ப நேரம் சொறிஞ்சுவிட்டானுங்க...திரும்ப எதையோ பூசுனானுங்க. சும்மாவே அட்டு ஃபிகருங்ககூட திரும்பி பார்த்ததில்லை, இதுல இருக்கறதையும் நாசம் பண்ணி விட்டருவானுங்களோன்னு பயம் வந்துடுச்சு. இதுல ஏதோ அமிதாப்பச்சனுக்கு மேக் அப் போட்ட ரேன்சுக்கு எனக்கு வார்னிஷ் அடிச்சவரு கொடுத்த பில்டப் மகா எரிச்சல்.

கடைசில ஒரு வழியா எல்லாம் முடிஞ்சு கண்ணாடியைப்பார்த்தா...அதே மூஞ்சிதான் இருந்துச்சு...அப்புறம் ஃபேஷீயல் பண்ணா கமலஹாசன் மூஞ்சியா வரும். நம்ம உடன் பிறப்பு என்னப்பண்றாருன்னு திரும்பிபார்த்தா அவரு ஆளையேக் காணோம்... அவரு எப்பவோ முடிச்சுட்டு கிளம்பிட்டாராம்.

கூடப்பொறந்த பாவத்துக்கு அவனுக்கும் சேர்த்து காசை நான் அழுதுட்டு வந்தேன்...ரொம்ப இல்ல பர்ஹெட் ஜஸ்ட் 1300 ரூபாதான். அடப்பாவிகளா இதுக்கு நான் நேர்மையான ஹமாம் சோப்புல நாலுவாட்டி முகத்தை கழுவிருந்தா இன்னும் பளிச்சுன்னு இருந்திருப்பேன்...பத்துரூவால முடிய வேண்டிய சமாச்சாரத்துக்கு 2600 ரூபாய் மொய் வச்சேன்.

திரும்ப வீடடுக்கு வந்து நாலுவார்த்தை நல்லா கேட்கலாம்னு அந்த பாசமுள்ள உடன்பிறப்பை எங்கேன்னு தேடுனா...உடன்பிறப்பு ஒண்ணுமே நடக்காத மாதிரி கூலா வருங்கால மனைவிகூட பல உலகப்பிரச்சினைகளை எப்படி தீர்க்கறதுன்னு ஃபோன்ல சிரிச்சு சிரிச்சு ஆலோசனை பண்ணிட்டிருந்தாரு... கொடுமைடா சாமி.....

நொறுக்ஸ் 25/10/2010

2010-10-24T11:28:00.000-07:00

எல்லாரும் ஜவுளிக்கடைக்கு போக ரெடியா...? அப்படின்னு ஒரு ஜவுளிக்கடை விளம்பரம் முன்பு சிலோன் ரேடியோல வரும். தீபாவளி சீசன்ல நொடிக்கு நொடி வரும் அந்த விளம்பரம். தீபாவளி வரும்போதெல்லாம் சின்ன வயசு தீபாவளி ஞாபகத்துக்கு வரும். அதுல, ஒரு தீபாவளிக்கு எடுத்த அந்த ராமராஜன் சட்டையை மறக்கவே முடியாது. அந்த சட்டையின் அருமை பெருமைகளை இங்கே அறிந்து கொள்ளவும்.

=========

பத்து பதினைஞ்சு மிரட்டல் கடிதங்கள் வந்த பிறகும் அம்மாவின் அதிரடி மதுரை கூட்டம் மிரளவைக்கிறது. அடேங்கப்பா என்னாக்கூட்டம். என்ன ஒரு பிரச்சனைன்னா கூட்டத்துக்கு வர்ற எல்லா மக்களும் ஓட்டுப்போடுவங்கன்னு இன்னும் அரசியல்வாதிங்க நம்ம மக்களை நம்புறாங்க. நம்ம மக்கள் ஆளைப்பாத்து ஓட்டுப்போட்டது
எம்.ஜீ.ஆரோ டப்போச்சு... இப்ப ஆளைப்பார்த்து இல்லை தாளைப்பார்த்துதான் ஓட்டு ( ப்ச் ரைமிங்ல பின்றடா பிரதாப்பு). ஆனாலும் அஞ்சாநெஞ்சனின் கோட்டையிலே இத்தனை கூட்டத்தைகூட்டிய அம்மா ஒரு தைரியலட்சுயேதான். அம்மான்னா சும்மா இல்லடா...
(கூகுள்ல அம்மான்னு போட்டா நம்ம அம்மாவை தராம ஒரு கேரள சாமியாரினி அம்மாவைக்கொடுக்கிறது. இது கண்டிப்பா திமுக=வின் சதியாத்தான் இருக்கும். இதுக்காகவே அடுத்த ஆர்ப்பாட்டம் அமெரிக்காவுல கூகுள் கம்பெனி வாசல்லதான்டா...அங் )

=========

அடுத்த மாசம் அவசரமா ஒரு மும்பை ட்ரிப் போகலாம்னு இருந்தேன், இப்போ கேன்சல் பண்ணிட்டேன். நான் வழக்கமா தங்குற தாஜ்ஓட்டல்ல இந்தியாவுக்கு விசிட் வரும் ஓபாமா தங்கப்போறாராம்ல. ஒபாமா வந்தா ஒனக்கு என்ன? நீ ஒரு மூலைல ரூம் எடுத்து தங்கவேண்டியதுதானேனு கேட்டா, ஓட்டு மொத்த ஓட்டலையும் புக் பண்ணி வச்சுருக்கானுங்க அதுவும் ரெண்டு நாளைக்கு. அட போங்கடான்னு ட்ரிப்பையே நான் கேன்சல் பண்ணிட்டேன்.... நம்மள மதிக்காவனுங்களை நாம ஏன் சார் மதிக்கனும்...மதியாதார் வாசல் மிதியாதே.
ஆங் சொல்ல மறந்துட்டேன் எங்க ஊரு கணபதி லாட்ஜ்குள்ளேயே நான் போனதில்லைங்க....எனக்கு தெரிஞ்ச ஒரே தாஜ் நம்ம டி.ஆர் அறிமுகப்படுத்துன நம்ம மும்தாஜ்தான். மலை மலை மலை மருதமலை...

=========

கட்டத்துரைக்கு சட்டம் தெரில இந்த கைப்புள்ளையோட மோதுறதே வேலையாப்போச்சு. காஷ்மீர் மாநிலம் இல்லாமல் இந்திய வரைபடம் வெளிவந்தது நினைவிருக்கலாம். அது நம்ம பங்காளி பாகிஸ்தானின் சதி வேலை, இப்போ பாகிஸ்தானின் பாடிகார்ட் சைனா தனது வரைப்படத்தில் அருணாச்சல பிரதேசத்தையும் சேர்த்து வெளியிட்டிருக்கிறது. சப்பை மூக்கனுங்களுக்கு என்னாவில்லத்தனம். தமிழ்நாடு இல்லாத இந்திய வரைப்படத்தையும் யாராவது வெளியிடுங்கப்பா சீக்கிரம். அதுவும் நடக்கலாம், தமிழ்நாடு இல்லாத இந்தியவரைப்படத்தை ஆளும் மத்திய அரசு கொண்டுவந்தாலும் ஆச்சர்யப்படறதுகில்லை.

=========

யானையை மத்திய அரசு தேசிய பாரம்பரிய விலங்காக அறிவித்திருக்கிறது. பார்யா... இந்த விசயம் மட்டும் யானைக்கு தெரிஞ்சுது கூட்டம் கூட்டமா தூக்கு போட்டு செத்துரும். யானை முகத்தை வச்சு பிள்ளையாருக்கு படையல் போடுவானுங்க. காடுகளில் கிடைக்காத தண்ணீருக்காகவும், சாப்பாட்டுக்காவும் உண்மையான யானை ஊருக்கு வந்தா கரண்ட் ஷாக் கொடுத்து விரட்டுவானுங்க, தெரு தெருவா பிச்சை எடுக்க வப்பானுங்க, அரைகிலோ உருண்டை சோத்துக்கு ஆயிரம் டன் மரத்தை தூக்கசொல்லுவானுங்க...போங்கய்யா நீங்களும் உங்க பாரம்பரியமும். என்னைக்கு புலியை தேசிய விலங்காக அறிவிச்சுாங்களோ அதுக்கப்புறம்தான் புலிகளின் எண்ணிக்கை குறையவே ஆரம்பிச்சுருக்கு....நல்லாருங்கடே
(நான் நாத்திகனும் அல்ல புர்ச்சியாளனும் அல்ல என்பதை இங்கு எடுத்து இயம்ப கடமைப்பட்டிருக்கிறேன்,)

=========

மலையாள சினிமாவுடன்...

2010-10-22T13:30:00.000-07:00

தமிழ்சினிமாக்களை எப்போது பார்க்க ஆரம்பித்தேன் என்ற ஞாபகம் இல்லையோ அதுபோல் மலையாள சினிமாக்களும். கேரளத்தில் உறவினர்கள் இருந்ததால் அடிக்கடி செல்வதுண்டு, அப்போது இருந்த ஒரே பொழுதுபோக்கு சினிமா. உறவினர் வீட்டின் அருகே இருந்த இரண்டு தியேட்டர்கள் தான் மலையாள சினிமாக்களை அறிமுகப்படுத்தி வைத்தன.

இயக்குனர் பரதன்

தமிழில் சகலகலா வல்லவன்களும், முரட்டுக்காளைகளும் சக்கைபோடு போட்டுக்கொண்டிருக்க தனக்கே உரித்தான திதைக்கதை அமைப்பை எந்தவித சமாதானமும் செய்துக் கொள்ளாமல் பரதனின் தாழ்வாரம், ஃபாசிலின் மஞ்ஞில் விரிஞ்ஞ பூக்கள், வேணுநாகவள்ளியின் கிழக்குனுரும் பக்ஷீ போன்ற அற்புதமான படங்களின் ஆக்கிரமிப்புகள் நிலவி வந்தது. வி.டி. வாசுதேவன் நாயர்,புத்தூர் உன்னிகிருஷ்ணன் போன்ற திரைக்கதையாசிரியர்கள் இருந்தநேரம் மலையாள சினிமாவின் பொற்காலம்.

ஒரு திரைப்படம் சிறந்த திரைப்படம் என்பது எந்த விதிமுறைகளைக்கொண்டு அளவிடப்படுகிறது என்பது எனக்கு இன்னும் புரியவில்லை. ஒரு படம் 100 நாட்கள் ஓடி விழா கண்டால் மட்டும்தான் சிறந்த திரைப்படமா? ஜனரஞ்சகமாக இருந்தால் மட்டும்தான் சிறந்தபடமா? வாழ்வின் சாராம்சத்தை உணர்த்தும், மனித உணர்வுகளை படமாக எடுத்தால் அது கலைப்படமாக முத்திரைக்குத்தப்படுவது ஏன்?

ஒரு திரைப்படத்திற்கு கலைப்படம் என்ற முத்திரை குத்தப்படுவது

அடூர் கோபாலகிருஷ்ணன்

சினிமாவுக்கு ஆரோக்கியமான விசயம் அல்ல சினிமாமேதை அடூர் கோபாலகிருஷ்ணன் கூறியதுண்டு. அடூரின் எலிபத்தாயம் என்ற ஒரு படம், இதை ஒரு கலைப்படமாக அறிவித்து தூர்தர்ஷனில் வந்ததுண்டு. ஒரு குடும்பத்தில் நிலவும் பிரச்சினையையும் எலிப்பொறியில் சிக்கி இறக்கும் எலியையும் இணைத்து பின்னப்பட்ட கதை. இதுபோன்ற படங்களை பார்ப்பதில் கிடைக்கும் திருப்தி, வாழ்க்கைப்பற்றிய உணர்தல் வணிக ரீதியாக எடுக்கும் படங்களைப் பார்க்கும்போது கிடைப்பதில்லை.

தமிழ் சினிமாவின் மொத்த பரிமாணத்தையும் மாற்றிய மகேந்திரனின் உதிரிப்பூக்கள், நடுத்தர வர்க்கத்திரின் கனவான ஒரு சொந்தவீட்டுக்காக படும் கஷ்டத்தை காண்பித்த பாலுமகேந்திராவின் வீடு, மனித உணர்ச்சிகளை பற்றிய சொல்லிய ஞானசேகரனின் மோகமுள் போன்ற படங்களின் எண்ணிக்கைகளை விரல் விட்டு எண்ணிவிடும் நிலையில் அறியலாம் சினிமா ஒரு கலை என்பதையும் தாண்டி வியாபாரத்தின் காலடியில் நசுக்கப்படுவது.

இந்தியின் கான்களும், கபூர்களும், பச்சனும் சேர்ந்து திகட்ட திகட்டக்கொடுத்த கொடுத்த மசாலாக்களை ருசித்த ரசிகர்ளின் நாக்கு ருசி இன்னும் அடங்கவில்லை. மசாலாக்களுக்கு இடையில் டெரரிஸ்ட், பிளாக் போன்ற படங்கள் வர வந்து 30 வருடங்கள் எடுத்திருக்கிறது. இருப்பின் ஒரு ஆறுதல்.

கடைசியாக நாஞ்சில் நாடன் தனது தீதும் நன்றும் புத்தகத்தில் சினிமா பற்றி சொன்ன வரிகள்.

நாம் இன்னும் காதலித்தும் பழிவாங்கியும் தீரவில்லை. இருட்டில் சொந்த மனைவியை வன்புணர்ச்சி செய்பவன் போல, தன்னையே மறுபடியும் மறுபடியும் நகல் செய்தவாறு உள்ளோம். இந்தக் கொள்ளையில் காவல் துறையையும் அரசியல்காரர்களையும் நாம் செய்யும் கடுமையான விமர்சனங்கள் நேர்மையானவைதானா?

மூன்று குளம் வெட்டினோம், இரண்டு குளம் பாழ், ஒன்றில் தண்ணீரே இல்லை என்று ஓடுகிறது நமது கதை. என்றாலும் நான் நம்பிக்கைவாதி. கீழ் வானம் வெளுத்துத் தெரிகிறது நமது இளைய இயக்குநர்களால். அவர்களுக்கு எமது சென்னித் திருக்காப்பு...

நாஞ்சில் நாடன் சொல்லிய இன்றைய நம்பிக்கைகுரிய இயக்குனர்களாக மலையாளத்தில் நான் காண்பது பிளஸ்ஸீ, கமல், வினயன், சத்யன் அந்திகாடு அன்வர் மற்றும் ரன்ஜீத். தமிழில் நல்ல சினிமாக்களுக்காக நான் இன்னும் நம்பிக்கொண்டிருக்கும் இயக்குனர்கள் மிஷ்கின், பாலா, வசந்தபாலன், சேரன், தங்கர் பச்சன், மற்றும் நல்லப்படங்களை தயாரிக்க துடிக்கும் பிரகாஷ் ராஜ்.

தமிழ் ரசிகர்களின் அறிவை மழுங்கடித்து ஒரு குடுவைக்குள் அடைத்துவைக்கவே முயன்றுகொண்டிருக்கும் புதிதாக வந்திருக்கும் பணம்தின்னி சினிமா தயாரிப்பு கம்பெனிகள் கோடிகளை சம்பாதிக்க இவர்களையும் விலைக்கு வாங்கும் நாட்கள் வெகுதொலைவில் இல்லை. நல்ல சினிமாவுக்களுக்காக ஒரு தமிழ் ரசிகன் பிறமொழிப்படங்களையே கடைசிவரை நம்பிகொண்டிருக்க வேண்டியதுதானோ...?

அதிகாலை சுவாரஸ்யங்கள்

2010-10-17T11:08:00.000-07:00

தினமும் அதிகாலையை பார்க்கும் அதிர்ஷ்டம் நம்மில் எத்தனை பேருக்கு கிடைக்கிறது. நம்மில் எத்தனை பேர் அதிகாலையில் கண்விழித்து ஊரைச்சுற்றி வந்திருக்கிறோம். கல்விக்காவும், தொழிலுக்காவும் அதிகாலையில் கண்விழித்துதான் பழக்கம்.

விடுமுறை நாட்களில் நமது முதல் குறிக்கோளே அதிகாலையை தாண்டி உறங்குவதுதான். "நேற்றைக்கு காலையில 10 மணிக்குத்தான் எழுந்திருச்சேன்" என்று சொல்வதைக்கூட ஒரு ஸ்டைலாக வைத்திருக்கிறார்கள்.

சென்னை போன்ற பெரிய நகரங்களில் நான் பார்த்த அதிகாலையும் எனது ஊர் போன்ற சிறிய நகரங்களில் நான் பார்த்த அதிகாலைக்கும் நிறைய வித்தியாசங்கள் உண்டு. சென்னையிலிருந்தபோது விடுமுறையில் ஊருக்கு வரும்போது, திட்டமிட்டு விடுமுறை எடுக்கும்பழக்கம் இல்லாததால் பேருந்தையே பயன்படுத்துவது வழக்கம்.

கோயம்பேடில் மாலை 3 மணிக்கு புறப்படும் சென்னை டு மார்த்தாண்டம் பேருந்தில் ஏறினால் அதிகாலை 5 மணிக்கு நாகர்கோவில் வடசேரி பேருந்து நிலையம். நடந்து வீடு செல்லும்வரை அதிகாலை சம்பவங்களை ரசித்து செல்வதுண்டு.

கணபதியே வருவாய் அருள்வாய் எங்கோ ஒரு கோவிலில் கேட்கும் ஆதி தாளத்தில் சீர்காழியின் கணீர் குரல்,

ரோட்டோரத்தில் உறங்குபவர்கள் பாதி உறக்கத்தில் எழுந்து படுக்கையில் உக்காந்திருப்பது,

ரோட்டோர டீக்கடையில் கேட்கும் சிலோன் ரேடியோ செய்திகள், தினத்தந்தியை வாசிக்கும் சிலர்,

கடை அருகே குத்த வைத்து டீ குடிக்கும் முனிசிபாலிட்டி ஊழியர்கள்,

சைக்கிளில் மணிஅடித்துச்செல்லும் பேப்பர் போடும் பையன்,

வெறிச்சொடி கிடக்கும் சினிமாதியேட்டர்கள்,

தார்பாயால் மூடிப்பொதியப்பட்ட கதவில்லா ரோட்டார கடைகள்,

கூட்டமே இல்லாத அதிகாலை டவுன் பேருந்துகள் அதில் உறங்கிவழியும் சில பயணிகள்,

வண்டிகளே ஓடாத ரோடுகள், வண்டிகள் நிறுத்தப்படாத பார்க்கிங்,

சட்டி, கடப்பாரைகளுடன் பேருந்துக்காக காத்திருக்கும் சில கட்டிட தொழிலாளர்கள்

உறங்கிகொண்டே நடந்து செல்லும் டியுஷன் மாணவர்கள்

தலையில் மப்ளருடன்,கையி்ல டார்ச் லைட்டுடனும் விடிந்ததும் டீக்குடிக்க செல்லும் செக்யுரிட்டிகள்,

எல் போர்ட்டுடன் அவ்வப்போது செல்லும் ஓட்டுனர் பயிற்சி வாகனங்கள்,

கலைந்த தலைமுடியுடன் வாசல் தெளிக்கும் பெண்கள்

ராத்திரி முழுவதும் ஊர்சுற்றி இளைப்பாறும் தெருப்பட்டிகள்

பாக்கெட் பால் வாங்கிசெல்லும் பெரியவர்கள்,

நாய் ஒற்றைக்காலை தூக்கி நிற்க கையில் சங்கிலியை பிடித்துக்கொண்டு காத்திருப்பவர்கள்...

இன்னும் பல காட்சிகள்....
கிராமபுறங்களில் அதிகாலை காட்சிகள் வித்தியாசமாகவும் இன்னும் சுவாரஸ்யமாகவும் இருக்கும். ஆனால் தற்போது கிராமங்களிலும் அதிகாலையின் அழகு குறைந்துவிட்டதாகவே நினைக்கிறேன். அதிகாலையில் கையில் தண்ணீர் வாலியுடன் திறந்தவெளி நோக்கி செல்லும் காட்சிகளை இப்போது காண்பதறிது.

பேருந்து நிலையத்திலிருந்து விட்டிற்கு சென்றவுடன் கிடைக்கும் சூடான காப்பியை வாயில் ஊற்றிவிட்டு கொஞ்சநேரம் அசந்தால் எழுந்திருக்கும்போது முதலில் கேட்பது வண்டிகளின் ஹாரன் சத்தமாகத்தான் இருக்கிறது.

வெளியே எட்டிப்பார்த்தால் மாயமாய் மறைந்திருக்கும் அந்த அதிகாலை சுவாரஸ்யங்கள். எந்திர வாகனுங்களுடன் எந்திரமாய் சுழலும் மனிதர்கள், வேற்றுகிரகத்திற்கு வந்துவிட்டோமோ என யோசிக்க வைக்கிறது. மீண்டும் அந்த அதிகாலை சுவாரஸ்யங்களை காண அடுத்து விடுமுறை வரை காத்திருக்க வேண்டியிருக்கிறது.

சேவல் கூவி
விடிந்த அதிகாலை
இப்போது
வாகனங்கள் கூவி
விடிந்துக்கொண்டிருக்கிறது

யாராவது பெரிய எழுத்தாளர்களின் நடையில் எழுதமுயற்சிக்கவேண்டும் என்பது ரொம்ப நாள் ஆசை. சாரு நடையில் எழுதலாமென்றால் பதிவில் அதிகம் கெட்டவார்த்தை சேர்க்கவேண்டியிருக்கும். எஸ்.ரா., நாஞ்சில் நாடன் நடையில் எழுத முயற்சித்து அது சூடுபோட்ட பூனை கதையாகிவிட்டது. மீண்டும் முயற்சிக்கிறேன்.

காற்று வெளியிடைக் கண்ணம்மா...

2010-10-16T09:22:00.000-07:00

இரட்டை அர்த்த காதல் பாட்டுகளை கேட்டு மரத்துப்போன செவிகொண்ட மக்களே காதல் கொஞ்சும் பாரதியின் பாட்டை கேளுங்கள்...

===

காற்று வெளியிடைக் கண்ணம்மா – நின்றன்
காதலை எண்ணிக் களிக்கின்றேன் -அமுது
ஊற்றினை ஒத்த இதழ்களும் – நிலவு
ஊறித் ததும்பும் விழிகளும் – பத்து

மாற்றுப்பொன் ஒத்தநின் மேனியும் – இந்த
வையத்தில் யானுள்ள மட்டிலும் – எனை
வேற்று நினைவின்றித் தேற்றியே – இங்கோர்
விண்ணவ னாகப் புரியுமே! இந்தக்
(காற்று)

நீயெனது இன்னுயிர் கண்ணம்மா! – எந்த
நேரமும் நின்றனைப் போற்றுவேன் – துயர்
போயின, போயின துன்பங்கள் நினைப்
பொன்எனக் கொண்ட பொழுதிலே – என்றன்

வாயினிலே அமு தூறுதே – கண்ணம்மா
என்ற பேர்சொல்லும் போழ்திலே
கண்ணம்மா ம்ம்ம்
கண்ணம்மா ம்ம்ம் – கண்ணம்மா
என்ற பேர்சொல்லும் போழ்திலே – உயிர்த்
தீயினிலே வளர் சோதியே – என்றன்
சிந்தனையே, என்றன் சித்தமே! – இந்தக்
(காற்று)

- நன்றி முண்டாசு கவிஞன்

டப்பாங்குத்து இந்திப்பாடல்கள்- இசைஞானியின் அற்புதங்கள் 2

2010-10-15T01:26:00.000-07:00

ஃபேஸ்புக்கில் நணபர் ஒரு தனக்கு பிடித்த பாட்டு என ஒரு இந்திப்பாட்டின் இணைப்புக் கொடுத்திருந்தார். எனக்கும் பிடித்த பாட்டுதான் அது. பொதுவாக இந்திப்பாடல்களில் பாட்டின் மெட்டுக்கு கொடுக்கும் முக்கியத்துவம் பாடல்களின் பின்னணி இசைக்கு கொடுப்பதில்லை. பாட்டின் மெட்டை அழகாக போட்டுவிட்டு பின்னணியில் அந்த உளுத்துப்போன டப்பாங்குத்து(ட்ரம்ஸ்) இசையும், கிட்டாரையும், தபலாவுயும் தாண்டி அவர்களால் யோசிக்கவே முடியாது என்பதை உணர முடியும்.

70, 80 களில் இந்திபட உலகில் இசையை ஆக்கிரமிருத்திருந்த ஆன்ந்த்ஜி கல்யாண்ஜி, பப்பி லஹரி போன்றவர்கள் தொடங்கி வைத்த இந்த டப்பாங்குத்து இசை 90 களில் ஆக்கிரமித்த நதீம் ஷ்ரவன்,அனு மாலிக் போன்றவர்களாலும் மாறாமல் இருந்தது. இசைப்புயல் நுழைந்தபோது டப்பாங்குத்துக்கு மாற்றாக அவர் கொடுத்த பல நுனுக்கமான வித்தியாசமான இசையே அவருக்கு இந்திபட உலகிலும் தனி இடத்தைப்பெற்றுத்தந்தது. இல்லையென்றால் தென்னிந்திய கலைஞர்களை அவர்கள் அங்கே வளரவிடுவது அபூர்வம்.

கமல் அங்கே காலூன்ற நினைத்து தோற்கடிக்கப்பட்டதுதான் நிஜம். இத்தனைக்கும் அவர் நடித்த சத்மா, சனம் தேரி கசம், ஏக் துஜே கேலியே போன்றவை பெரிய வெற்றிப்படங்கள். நடிகைகளுக்கு மட்டும் இது விதிவிலக்கு. நடிகைகளின் மார்க்கெட்டிற்க்கு ஆயுட்காலம் குறைவு என்பதால் கூட இருக்கலாம்.

இப்போது இருக்கும் ஹீமேஷ் ரேஷ்மயா, சாஜித் வாஜித்,மற்றும் ப்ரிதம் போன்றவர்கள் உலக இசையை காப்பி அடிச்சாவது அந்த ட்ரென்டை கொஞ்சம் மாற்றும் முயற்சியை செய்கிறார்கள்.

எனக்கு ஒரு ஆசை இந்த டப்பாங்குத்து இசையமைக்கும் இசையமைப்பாளர்களுக்கு இசைஞானி இசையைமத்த ஏதாவது ஒரு பாடலை போட்டு கேட்கவைக்கவேண்டும். பின்னணி இசை என்றால் என்ன என்பதை அவர்களுக்கு புரியவைக்க வேண்டும். வட இந்திய கலாச்சாராத்துக்கு இசைஞானியின் இசை பொருந்தாது என்றுகூறுவதில் எனக்கு உடன்பாடில்லை. இளையராஜா இசையமைத்த பல Super Hit இந்திப்பாடல்களே இதற்கு சாட்சி.

இளையராஜா இசைமைத்த அருமையான பின்னணி இசை அமைந்த ஆயிரக்கணக்கான பாடல்களில் எனக்கு மிகவும் பிடித்த ஒரு பாடல், வைதேகி காத்திருந்தாள் படத்தில் வரும் இன்றைக்கு ஏன் இந்த ஆனந்தமே. ஜெயசந்திரனும், வாணி ஜெயராமும் பாடியது. இந்தப்பாடலை கொஞ்சம் அனுபவித்து கேட்கும்போது பாடலின் கம்போஸ் செய்யப்பட்டு விதம் நம்மை ஆச்சர்யப்படவைக்கும்.

ஒரு சிறிய மணியோசையில் ஆரம்பிக்கும் பாடல் ஜெயசந்திரனின் குரலுடன் இணைந்து ஊடே ஒரிரண்டு நொடிகள் வரும் நுணுக்கமான புல்லாங்குழல் ஒலியும் பின் அதன் நீட்சியாக வரும் வீணையின் இன்னிசையும்....விவரிக்க வார்த்தைகளே இல்லை. வாணி ஜெயராமின் குரலும், பாடல் முழுவதும் வீணையை வைத்து திருவிழாவே நடத்தியிருக்கும் அழகு, இசைஞானியை தவிர யாராலும் யோசிக்க முடியாத நோட்ஸ் என்றே சொல்லுவேன்.

இந்தப்பாடல் என் தந்தைக்கும் மிகவும் பிடித்த ஒருபாடல். எங்களுடன் இல்லாத தந்தையை இதுபோன்ற பாடல்கள் கண்முன்னே கொண்டுவருகிறது. சில பாடல்கள் பொழுதுபோக்குக்காக என்றவிசயத்தையும் தாண்டி நமது வாழ்க்கையின் அழியாத சில நினைவுகளாகவும் மாறிவிடுகிறது. ராகதேவனுக்கு எனது நன்றிகள்.

உங்களுக்கு தெரியுமா?

2010-10-10T11:22:00.000-07:00

ஊரில் வங்கிக்கு, தபால் நிலையத்துக்கோ போனால் ஒரே மாதிரியான அனுபவங்கள் நம்மில்பலபேருக்கு நடந்திருக்கும். விண்ணப்படிவம் நிரப்பி தாருங்கள் என்று நீட்டுபவர்களை அதிகம் பார்க்கமுடியும். என்னப்பிரச்சனையென்றால் ஒருவருக்கு நிரப்பிக்கொடுப்பதை நிரப்பத்தெரியாத வேறொருவர் பார்த்தால் அவரும் வந்து நீட்டிகொண்டிருப்பார் அவருக்கு பின் மற்றொருவர். ஏதாவது காரணத்தை சொல்லி இடத்தை விட அகலவேண்டியிருக்கும்.

வயதானவர்கள் கேட்கும்போது முடிந்தவரை நான் உதவி செய்வதுண்டு. சிலபேருக்கு உதவக்கூடாது என்று உறுதிமொழியே எடுத்திருக்கிறேன். அவர்கள் இக்கால யூத்து என்று சொல்லிக்கொண்டு டிப்டாப்பாக அலைபவர்கள். சினிமாதியேட்டருக்கு செல்லும் ஆர்வம் இதுபோன்ற வங்கி,தபால் நிலையங்களுக்கு செல்வதில் இவர்களுக்கு இருப்பதில்லை.

நவீன மொபைல்களை கையாளத்தெரிந்திருக்கும் அளவுக்கு வங்கி, தபால் நிலைய விண்ணப்பபடிவங்களை பூர்த்தி செய்ய தெரிந்திருக்காது. இதுபோன்ற டம்மி யூத்துகளுக்கு எப்போதும் உதவியதில்லை. அந்த ஃபாரம்களில் ராக்கெட் எப்படி செயல்படுகிறது என்ற கேள்விக்கு விடையளிப்பது போன்று அவர்கள் பதட்டப்படுவது பார்க்க கடுப்பாக இருக்கும். விண்ணப்பம்படிவம் பூர்த்தி செய்ய தெரியாது என்பதை ஒரு ஸ்டைலாகவே வைத்திருக்கிறார்கள்.

இதில் பெரிய கொடுமை சில படிப்பறிவு இல்லாத பெற்றோர்கள் வங்கி அல்லது தபால் நிலையங்களுக்கு உதவிக்காக தங்களின் படித்த வாரிசுகளை அழைத்து வருவதுன்டு. அந்த வாரிசுகளும் வெட்கமில்லாமல் அதை மற்றவர்களிடம் கொடுத்து நிரப்பிக்கேட்பதுதான்.

வங்கி, தபால் நிலையங்களில் மேற்சொன்னவர்கள் அல்லாத மற்றொரு கோஷ்டியும் உண்டு. டிப் டாப் உடை, கையில் வாட்ச், எல்லாம் கச்சிதம் ஆனால் "சார் கொஞ்சம் பேனா கொடுக்கறீங்களா எழுதிட்டு தர்றேன் என்று கேட்கும் சில ரோமியோக்கள்" பேனா கொடுத்தால் அது திரும்ப வந்த சரித்திரமே கிடையாது.

சென்னையில் இருக்கும்போது ஒருமுறை நான் அடிக்கடி செல்லும் ஒரு வங்கிக்கு ஒருவர் தன் 10 வயது மகனை அழைத்துவந்து தன்மகனுக்கு ஒரு படிவத்தை பூர்த்தி செய்ய கத்துக்கொடுப்பதை கவனித்திருக்கிறேன். கூட்டத்தில் காத்திருக்கும்போது வங்கியின் செயல்பாடுகளை அந்த சிறுவனுக்கு சொல்லிக்கொடுத்து அந்த சிறுவனுக்கு புரிந்தவரையில் கேட்கும் பல தமாஷான சந்தேகங்களையும் பொறுமையாக சொல்லிக்கொடுத்தார். நம்மில் பலபேர் சின்னபையனை எதுக்கு பேங்குக்கு கூட்டிட்டுபோனும் என்று இதுபோன்ற நல்லகாரியங்களை செய்வதே இல்லை.

எழுதப்படிக்கத்தெரியாத மக்களின் எண்ணிக்கை தற்போது வெகுவாக குறைந்தாலும் இன்னும் இதுபோன்ற இடங்களில் பலபேர் மற்றவர்ளின் தயவை எதிர்நோக்க வேண்டியிருக்கிறது. முன்பு ரயில்நிலையங்களில் இருக்கும் முன்பதிவு விண்ணப்ப படிவம் இந்தியிலும் ஆங்கிலத்திலுமே இருந்தது. இப்போது சில லோக்கல் நிறுவனங்கள் விளம்பரத்திற்காக தமிழிலும் விண்ணப்படிவங்களை இலவசமாகவே அச்சடித்துக்கொடுக்கிறது இல்லையென்றால் அது இன்னும் ஆங்கிலத்திலும் இந்தியிலும்தான் இருந்திருக்கும்.

பாடங்களை மனப்பாடம் செய்வதை ஊக்குவிக்கும் நமது கல்விமுறையால் ஏற்படும் நடைமுறை பிரச்சினைகளில் மேற்சொன்ன விஷயமும் ஒன்று. முடிந்தவரை இதுபோன்ற நடைமுறை வாழ்க்கைக்கு அத்தியாவசியமான விசயங்களை கற்றுக்கொள்வோம், கற்றுக்கொடுப்போம்.

அப்பாடா தப்பிச்சேன்....

2010-10-06T21:16:00.000-07:00

எந்திரனை பார்த்தே ஆகனும்னு சன் குழுமம் துப்பாக்கியை வச்சு மிரட்டாததுதான் குறை. சினிமா பதிவுளே இதுவரை எழுதாத சில பெண்பதிவர்களும் எந்திரன் படம் பார்த்ததை சிலாகித்து எழுதியதை பார்த்து மெய்சிலித்து போனேன். சமுதாயத்தில் ஒரு புரட்சியை ஏற்படுத்திய சன்குழுமத்திற்கு என் நன்றிகள்.

போன பதிவுல ஒரு எந்திரன் விமர்சனத்தின் சுட்டியை கொடுத்ததற்கு இங்கு தன்னிலை விளக்கம் கூற நான் கடமைப்பட்டிருக்கிறேன்...
என்னா காரணம்னா...

பிரபல ஜோசியர் செங்கல்பட்டு செங்கல்வராயன் பெரிய குண்டைத் தூக்கிப்போடருக்காரு...அவரு சொல்றாரு...
"எலே மக்கா வலைப்பதிவு வச்சிருக்கவங்க கண்டிப்பா எந்திரன் படம் பார்த்து அதுக்கு விமர்சனம்போடுங்கடே... இல்லன்னா சாமிகுத்தம் ஆகி அப்புறம் HITS கிடைக்காம, இருக்கற ஃபாலோயர்லாம் போயி யாருமே இல்லாம டீ ஆத்த வேண்டியததாம்டேனு சொன்னதும் எனக்கு பக்குன்னு ஆகிடுச்சு..

அவருக்கு போனைப்போட்டு அய்யா அந்தப்படத்தையே பாரக்க கூடாதுன்னு நினைக்கவறங்களுக்கு ஒரு பாரிகாரமும் இல்லையான்னு கேட்டதுக்கு, "இருக்குடே...யாராச்சும் படம் பார்த்தவங்களோட விமர்சனத்துக்கு இணைப்புக்கொடுடே சாமி குத்தம் ஆகாம சரியாயிடும்னாரு"...

இப்போ புரிஞ்சுதா நான் ஏன் இந்த கட்டியை சாரி சுட்டியை இங்க கொடுத்தேன்னு...

எந்திரன் - ஒரு துன்பியல் அனுபவம்

கருப்பு பெட்டி

எந்திரன் = ஏதோ என்னால முடிஞ்சது

2010-10-06T10:57:00.000-07:00

எந்திரன் = ஒரு துன்பியல் சம்பவம்

என்னமோ தெரியல... என்ன மாயமோ தெரில...

2010-10-05T11:07:00.000-07:00

மறந்தும் மறக்காமல்
சில நினைவுகள்
மறந்தாலும் மறக்காத இயலாத
சில நினைவுகள்
மறந்தாலும் மீண்டும் துளிர்விடும்
சில நினைவுகள்

தேன் சேர்க்கும் தேனீக்கள்
போல நினைவுகளை
சேர்க்க நினைத்து இயலாமல்
சோர்வடைகிறேன்

வலைகட்டும் எட்டுக்கால் பூச்சியும்
பார்த்து சிரித்து
என்னைப்பார்த்துப்படி என்றதில்
மீண்டும் சோர்வடைகிறேன்

என்நினைவுகளை பிடுங்கிச்
சென்ற மறதி என்னும் பிசாசுக்கு
கொல்லி வைக்க என் நினைவுகளை
மீட்டெடுக்கு முயலும்போது
மீண்டும் சோர்வடைகிறேன்

காட்டாறில் குளிக்கும்
காகம்போல பயந்து பயந்து
வாழ்க்கை ஓடுகிறது
நினைவுகளை மீட்டெடுக்க
மீண்டும் முயல்கிறேன்

என் நினைவகளை திரும்ப
தந்துவிடு அல்லது
நீ திரும்ப வந்துவிடு

நாளை அல்லது நாளை மறுநாள்
உன் நினைவுகளை
நான் மீட்டெடுக்க
முயலும்போது
மீண்டும் சோர்வடைவேன்

அப்போது
மறக்காமல் க்ளுக்கான்-டி
கொண்டு வந்துவிடு
இயலவில்லை என்றால்
சக்கரை கம்மியா
லிப்டன் டீ-யாவது தந்துவிடு
===========

ஏய்...யாருப்பா அது என் கவுஜையெல்லாம்(போய்) சீரியஸா படிச்சது....?

மெகாசீரியல் கொடுமைகள்

2010-09-27T10:58:00.000-07:00

சமூகம் எத்தனை வேகமாக முன்னேறினாலும் அதை இழுத்துப்பிடித்து நிற்பாட்டுவதற்கு பல காரணிகள் இருக்கிறது. அதில் ஒன்று இந்த மெகாசீரியல் அதாவது கலைஞர் டிவி பாஷையில் சொன்னால் நெடுந்தொடர். ஒரு காலத்தில் விசு, அவருக்குப்பின்னர் வி.சேகர் போன்ற இயக்குனர்கள் தியேட்டரில் காட்டிக்கொண்டிருந்ததை இப்போது வீட்டிற்குள் கொண்டுவந்துவிட்டார்கள்.

என்னைக்கேட்டால் மூளையை மழுங்கடிக்கும் இந்த மெகாசீரியல்கள் பெண்களுக்காகவே தயாரிக்கப்படுகிறது. காரணம் பெண்களுக்கே உள்ள இளகிய மனம் மற்றும் அடுத்தவீட்டில் என்ன நடக்கிறது என்ற தெரிந்து கொள்ளும் ஆர்வம்(curiosity). இது குயில் மயில் கூட்டில் முட்டையிடுவது மாதிரியான ஒரு பிறவிகுணம்(instinct). இதற்காக என்னை ஆணாதிக்கவாதி என்றாலும் பரவாயில்லை. ஆனால் உண்மை இதுதான். நான் எல்லாரையும் சொல்லவில்லை. மெகாசீரியல்களை வெறுக்கும் பெண்களும் இருக்கிறார்கள்.

சில வருடங்களுக்கு முன்பு அதாவது இந்த தனியார் டிவி சானல்கள் வருவதற்கு முன்பு சாயங்காலம் குடியிருப்பு பகுதிகளுக்குச்சென்றால் அக்கம் பக்கத்துவீட்டுப்பெண்கள் வீட்டுவாசலில் அமர்ந்து ஒன்றுசேர்ந்து கதைபேசுவதை பார்க்கமுடியும். இன்னிக்கு என்ன கறி, குழம்பு என ஆரம்பித்து பத்துகிலோ மீட்டர் அந்தப்பக்கம் உள்ள ஒரு பொண்ணுக்கு டைவர்ஸ் ஆன கதை போன்ற நாட்டுக்கு மிகமுக்கியமான பல கருத்துக்கள் அங்கு விவாதிக்கப்படும்.
இதைத்ததான் இந்த சின்னத்திரை இயக்குனர்கள் மெகாசீரியலில் சரியாக பயன்படுத்திருக்கிறார்கள். வெளில இருந்து ஏன் பேசுறீங்க வீட்டுக்குள்ள வாங்க என்று மெகாசீரியலை ஆரம்பித்தார்கள்.

90 களில் தூர்தர்ஷனில் மந்திரா பேடி நடித்த ஷாந்தி, ஜூனுன்,
வக்த் கி ரஃப்தார் போன்ற இந்தி சீரியல்களில் தொடங்கிய தொற்று வியாதி மெல்ல மெல்ல தமிழிலிலும் மொழிமாற்றி வெளியிட்டுக்கொண்டிருந்தார்கள். தமிழ் அகராதியிலேயே இல்லாத வாக்கிய அமைப்புகளை வைத்து தமிழில் மொழிமாற்றம் செய்து தமிழை சிதைத்த ஜூனுன் தமிழ் என்பது மிகபிரபலம்.

எந்த மெகாசீரியலாவது அறிவியல் சம்பந்தப்பட்ட, ஆக்கப்பூர்வமான விசயங்களை கொண்டு தயாரிக்கப்படுகிறதா? சோத்துல விஷத்தை வைக்கிறேன்டி, ஒம்புருஷனை உங்கிட்டேருந்து பிரிக்கிறேன்டி, வீட்டைப்பிரிக்கிறேன்டி, சொத்தைப்பிரிக்கிறேன்டினு மேக்கப்போட்டுட்டு கொடுரமான டயலாக்குகளை பேசும் பெண்களை பார்க்கும்போது அதை தன்வீட்டில் நடப்பதாகவே கற்பனை செய்து உச் கொட்டுகிறார்கள். பலபெண்கள் தனக்கும் இதுபோன்ற நடக்குமோ என கற்பனை செய்துகொண்டு மனரீதியாகவும் பாதிக்கப்படுகிறார்கள்.

பல வீடுகளில் சன்டிவியில் ஏழு மணிவரை நிழ்ச்சிகள் பாப்பவர்கள் சரியாக ஏழரை வரை சன்டிவி பக்கம் போவதில்லை காரணம் ஏழு முதல் ஏழரை வரை செய்திகள். அதை எவன் பார்ப்பான்? செய்திகளைப் பார்த்தால் உலகஞானம் வந்துடுமே அது ரொம்ப தப்பாச்சே. ஒரு தொடர் ஒடிக்கொண்டிருக்கும்போதே அதில் விளம்பரம் வரும்போது மற்ற சானலில் வரும் தொடரையும் பார்க்கிறார்கள். இந்தசானலில் புருசனாக வந்தவன் மற்ற சானலில் சகோதரனாக வருகிறான். இந்த சானலில் செத்துப்போனவன் அந்த சானலில் கல்யாணம் செய்கிறான்...கொஞ்சநேரம் பார்த்தால் மண்டை காய்ந்துவிடும். முக்கியமான காட்சியில் தொடரும் போட்டுவிட்டால் அந்த சானல் உரிமையாளர் பலமாக டேமேஜ் பண்ணப்படுவார்.

கஸ்தூரி என்ற ஒரு மெகாசீரியல் கோபுரங்கள் சாய்வதில்லை படத்தின் கதையை எடுத்து இரண்டு மூன்றுவருடங்களுக்கு மேலாக ஓட்டுகிறார்கள். நான் துபாய் வருவதற்கு முன்பே ஆரம்பித்தது என நினைக்கிறேன். போனவருசம் சென்றபோது பார்த்த ஒரு எபிசோடும் இந்தவருசம் போனபோது போன பார்த்த ஒரு எபிசோடும் ஏதோ நேத்து பார்த்த எபிசோட்டின் தொடர்ச்சியாகவே தெரிகிறது. திரைக்கதையில் அப்படி ஒரு வேகம்(?!!).

நீயுமா மெகாசீரியல் பார்க்க ஆரம்பிசுட்டியான்னு என்னை கேட்டா...
வேற வழி? இருக்கறது ஒரு ரிமோட் தானே அதுவும் 10 மணிவரை எங்க இருக்குன்னு கண்டுபிடிக்கறதுக்கு சி.பி.சி.ஐ.டி.யைத்தான் கூட்டுட்டு வரனும். ஆனா சேனல் மட்டும் சரியா சீரியல் உள்ள சேனலா மாறிட்டு இருக்கும். அந்த ரகசியம் மட்டும் எப்படின்னே தெரில...

நம்ம பணத்துல நமக்கே வாங்கிகொடுத்து அதை இலவசம்னு சொல்லி மக்களின் மூளையை மழுங்கடிக்கும் அரசியல்வாதிகள் ஒரு பக்கம் என்றால் இந்த மெகாசீரியல்கள் மற்றொரு பக்கம். நாட்டின் மிகவலிமையான சக்தியான பெண்கள் அரசியல்வாதிகள் நம்மை ஏமாற்றுகிறார்கள் என அறியாமல் மெகாசீரியல்களில் மூழ்கி கிடக்கிறார்கள். இந்த நிலை கண்டிப்பாக மாறவேண்டும்.

மெகா சீரியல்கள் பலபேருக்கு சோறுபோடுகிறதே?
மெகாசீரியல்கள் ஒன்றும் விவசாய தொழில் அல்ல. விளைநிலங்களை அழித்தால் விவசாயம் குறையும் உணவு உற்பத்தி குறையும் பட்டினி அதிகரிக்கும் என்று சொல்வதற்கு.

மெகா சீரியல்களை ஒழித்தால் நாடு முன்னேறிடுமா ?

மெகாசீரியல் வரும் நேரத்தில் குறைந்த பட்சம் ஒரு குடும்பமாவது சானல்களில் வரும் ஆக்கப்பூர்வமான நிகழ்ச்சியையோ, நாட்டுநடப்புகளையோ
(ஜெயா செய்திகள், கலைஞர் செய்திகள் இதில் வராது) பார்த்தால் அதுவே பெரிய வெற்றிதான்.

காமன்வெல்த் - களவாணி கல்மாடி

2010-09-25T08:12:00.000-07:00

இந்தியாவின் மானம் கப்பல் ஏறிய காலம் மாறிப்போய், இப்போது ஃபேஸ்புக், ட்விட்டர் வழியாக ஏறிக்கொண்டிருக்கிறது. இணையத்தில் நுழைந்தாலே இதைப்பற்றிய சர்ச்சைகள். காரணம், காமன்வெல்த் விளையாட்டு நடத்துவதில் கல்மாடி& கோ நடத்த்திய களவாணித்தனம்.

நடக்குமா நடக்காதா என்றிருந்த சர்ச்சை போட்டி ஒருவழியாக முடிவுக்கு வந்தபோது விளையாட்டு அரங்கத்தின் மேற்கூரை இடிந்து விழுந்து இந்தியாவின் கோமணத்தையும் உருவிக்கொண்டு உலகநாடுகளின் முன் அம்மணமாக விட்டுவிட்டது. பிரிட்டன், ஆஸ்த்திரேலியா வீரர்கள் உயிருக்குப்பயந்து போட்டியிலிருந்து விலகியிருப்பது மற்றொரு வெட்கக்கேடு.

100 கோடி மக்கள் தொகையை கொண்டு ஒரு மிகப்பெரிய ஜனநாயக நாட்டில் ஒரு விளையாட்டுப்போட்டியை எந்தவித சர்ச்சையும் இன்றி நடத்திமுடிக்க அரசாங்கத்தால் முடியவில்லை என்பது ஆச்சர்யமாக இருக்கிறது. இதைவிட அதிகமக்கள் தொகையை கொண்ட சீனாவில் ஒலிம்பிக் போட்டியை வெற்றிகரமாக நடத்தி முடித்தார்கள். அங்கு இல்லாத பிரச்சனை இங்கு மட்டும் ஏன் நடக்கிறது.?

பொதுவாக நமது நாட்டில் அடிக்கடி நடக்கும் ஒருவிசயம், ஏதேனும் ஒரு பிரச்சனை பெருசா நடந்தாத்தான் அடுத்ததடவை அதுநடக்காமல் இருக்க ஏதாச்சும் திட்டம் கொண்டுவருவார்கள். 1960களில் உணவுதட்டுப்பாடு ஏற்பட்டபோது திரு.சுப்பிரமணியம் அவர்கள் கொண்டுவந்த பசுமை புரட்சி மூலம் உணவு பற்றாக்குறையை பெருமளவில் குறைத்தது. தேர்தல் ஆணையத்திற்கு ஏற்பட்ட நெருக்கடியின்போது டி.என்.சேஷன் தேர்தல் ஆணையத்தின் அதிகாரத்தை பயனப்டுத்தி அதிரடி நடவடிககை எடுத்ததும் இந்தியாவில்தான் நடந்தது.

போக்ரான் அணுஆயுத சோதனை செய்தபோது உலகநாடுகள் இந்தியாவின் மீது பொருளாதார தடைவிதித்து தொழில்நுட்ப உதவி அளிக்க தடைசெய்தபோது அய்யா அப்துல் கலாம் தலைமையில் முழுக்க முழுக்க இந்தியாவின் தொழில்நுட்பத்தில் முதல் க்ரையோஜெனிக் என்ஜீனை உற்பத்தி செய்தது இந்தியா.

தேசிய வங்கி கணிணிமயமாக்கல், பெண்களுக்கான இடஒதுக்கீடு இப்படி உள்நாட்டு பிரச்சனைகள் மற்றும் உலகநாடுகள் முன் இந்தியாவிற்கு ஏற்படவிருந்த பலபிரச்சனைகளில் சரியான சமயத்தில் எடுத்த அதிரடி நடவடிக்கைகள் மூலம் தவிர்க்கப்பட்டது.

அதுபோன்ற ஒரு மற்றொரு பிரச்சனையே இந்த காமன்வெல்த் போட்டியில் நடந்திருக்கும் ஊழலும். தற்போது பிரதமரின் தனிப்பட்ட கவனத்தில் இந்த பிரச்சனை எடுத்துக்கொள்ளப்பட்டுள்ளது. இனியாவது ஏந்த தடங்கலும் இன்றி போட்டி நடக்கும் என்று எதிர்பார்ப்போம். கல்மாடி மற்றும் ஐந்து ஆறுபேர் சேர்ந்து உலக நாடுகளின் முன் 100 கோடி மக்களுக்கு ஏற்படுத்தும் அவமானத்தை ஒருபோதும் மன்னிக்க முடியாது. கல்மாடி & கம்பெனி-யின் மேல் சரியான நடவடிக்கைகள் எடுக்கப்படும் என நம்புவோம்.

இப்படித்தான் 50 வருசமா நம்பவச்சுட்டு இருக்கானுங்க...

இன்னுமா இந்த நாடு எங்களை நம்புது.... - மன்மோகன்

சென்ற வார சினிமா

2010-09-23T05:38:00.000-07:00

சென்றவாரம் பார்த்த சினிமாக்களின் தொகுப்பு.

நான் மகான் அல்ல,

உப்புசப்பில்லாத கதை. ஆனால் படத்தை கொடுத்திருக்கும் விதத்தில் ஜெயித்திருக்கிறார் இயக்குனர் சசீந்திரன். கல்லுரிமாணவர்கள் இப்படியும் இருக்கிறார்களா என்ன என்று சில பதிவுகளில் கேட்டிருக்கிறார்கள். சட்டக்கல்லூரியில் நடந்ததை பார்த்தபிறகுமா இப்படி ஒருகேள்வி. வன்முறையை கொஞ்சம் குறைத்திருக்கலாம். சுறா, குருவிக்கு ஒரு நல்ல மாறுதல் மற்றும் ஆறுதல் நா.ம.அ

1. பாலேறி மாணிக்யம் - ஒரு பாதி கொலபாதகதிண்டே கதா - மலையாளம்

ஒரு நாவலை தழுவி இயக்குனர் ரன்ஜீத் இயக்கிய ஒரு அற்புதமான படம். தான் பிறந்த அன்று ஊரில் நடந்த இரு துர்மரணங்களின் காரணத்தை அறிய பல வருடங்கள் கழித்து வருகிறான் நாயகன். எதிர்பார்க்க இயலாத பல திருப்பங்களுடன் கொலைகளுக்கான காரணம், கொலையாளிகள் யார் என்பதை கண்டுபிடிக்கிறார்ன. எதிர்பார்க்காத ஒரு அழகான முடிவுடன் படம் முடிகிறது. சமகால நிகழ்வுகளுடன் ப்ளாஷ் பேக் பின்னப்பட்டு சில சம்பவங்களை ஒரே காட்சியில் சொல்லியிருக்கும் திரைக்கதை புதிய அனுபவம். தவறவிடாதீர்கள்.

2. கேரளா கஃபே - மலையாளம்

இதுவும் ஒரு புதிய அனுபவம். பத்து இயக்குனர்கள் பத்து தனித்தனியான கதைகளை ஒரு புள்ளியில் நிறுத்துவதாக எடுத்திருக்கிறார்கள். இந்த முயற்சிக்காகவே பாராட்டலாம். சில கதைகள் மனதில் ஒட்டவில்லையென்றாலும், அன்வரின் ப்ரிட்ஜ்(Bridge) மற்றும் லால் ஜோஸ்- இயக்கி மம்முட்டி,ஸ்ரீனிவாசன் நடித்த புறம் காழ்ச்சகள் மனதை ஏதோ செய்கிறது. சிலகாட்சிகளே வந்தாலும் மும்முட்டியின் ஆளுமை மனதைவிட்டு அகல மறுக்கிறது. நம்மூர் ஸ்டார்களிடம் இதை எதிர்பார்ப்பது எவ்வளவு
அபத்தமானது. படத்தை தவறவிடாதீர்கள்

சட்டம்பி நாடு - மலையாளம் (2010)

மும்முட்டியின் ஒரு ஹீரோயிசம் நிரம்பிய மசாலா. மம்முட்டி போன்ற நடிகர்கள் இதுபோன்ற படங்களில் நடிக்க ஆரம்பித்தது மலையாள சினிமாக்களின் ஒரு தாறுமாறான புதிய பரிமாணத்தை காண்பிக்கிறது.
ஒரே கடல் போன்ற உணர்ச்சிகரமான படங்களில் பார்க்கும் மம்முட்டியை இதுபோன்ற மசால படங்களில் பார்க்கும்போது பரிதாபமாக இருக்கிறது. அதுவும் ரொமான்ஸ் செய்யும் காட்சிகள் சகிக்கலை. படத்தில் கன்னடயாளம் பேசும் ஒரு கன்னடனாக நடித்திருக்கிறார். அது அதைவிட கொடுமை. ராஜமாணிக்கம் கொடுத்த வெற்றியைப்பார்த்து அதைப்போல் முயற்சித்திருக்கிறார்கள்.
கொடுமை...எஸ்கேப்...

தபங்க் (Dabangg-2010) இந்தி

இதைப்பத்தி தேவையான அளவு அலசிட்டதனால அடுத்த படங்களைப்பாரக்கலாம்.

பத்மாஷ் கம்பெனி -(Badmash Company-2010) இந்தி

ஒரு கலக்கல் டைம்பாஸ் படம். லாஜீக் பார்க்காம படத்தை ஓடவிட்டா ஆரம்பம் கடைசி வரை விறுவிறுப்புக்கு குறைவில்லாம்ல் செல்கிறது. அதிபுத்திசாலி தனது புத்திசாலிதனத்தை தவறான வழியில் பயன்படுத்தி பணம் சம்பாதிக்க கடைசில் எல்லாம் இழந்து புத்திசாலித்தனத்தை சரியான வழியில் பயன்படுத்தி பெரிய ஆளாகிறான்.

இந்தியாவில் துறைமுகம் வழியாக இறக்குமதி செய்யும் பொருட்களுக்கான சுங்கவரியை ஏமாற்றுவது சாதாரணமாக நடக்கும் விசயம். படத்தில் சுங்கவரி செல்லுத்தாமல் ஏமாற்றி இறக்குமதி செய்வதை காண்பித்திருப்பது கொஞ்சம் மிகைப்படுத்தல்தான். சுங்கவரி ஏமாற்றும் கதைகள் நிறைய இருக்கிறது. அதற்கு தனிபதிவே போடலாம். கேள்வி கேட்காமல் படத்தைப்பார்த்தால் ஒரு அல்டிமேட் டைம்பாஸ் மூவி.

ஆன்ட்டி கிறிஸ்ட் (AntiChrist )- ஆங்கிலம்- ஜாக்கியின் பரிந்துரையில் பார்த்தது. கானிபல் ஹாலோகாஸ்ட், ஹாஸ்டல், போன்ற படங்கள்தான் இதுவரைக்கும் பார்த்ததிலேயே கொடூரமான படங்கள்ன்னு ஆன்ட்டி கிறிஸ்ட் பார்ககறவரைக்கும் நினைச்சிட்டிருந்தேன். படத்தைப்பார்த்தால் நீஙகளும் ஒரு சைக்கோவா மாறினாலும் மாறலாம். உவ்வே....தப்பிதவறியும் யாரும் பார்த்திடாதீங்க சாமியோவ்...

ப்ரே (PREY) ஆங்கிலம் - 2007

ஏதேச்சையாக கண்ணில் பட்ட டிவிடி இது. போஸ்டர் பயமுறுத்தியால் வாங்கினேன். ஆப்பிரிக்க காட்டிற்கு வரும் ஒரு இன்ஜீனியரின் மனைவி மற்றும் இரண்டு குழந்தைகள் காட்டைசுற்றிப்பார்க்க செல்லும்போது காட்டு சிங்கங்களிடம் தனியாக மாட்டிக்கொள்ள, எப்படி தப்பித்தார்கள் என கடைசி வரை மயிர்கூச்செரியும் விதத்தில் காட்டியிருக்கிறார்கள். சிங்கங்களை வைத்து சில காட்சிகளை எப்படி படமெடுத்திருப்பார்கள் என இன்னும் வியப்பாக இருக்கிறது. நம்மூர் ராமநாராயணன் படங்களைப்போல சிங்கத்தை க்ளோசப்-ல் பல காட்ஷாட்ஸ் வைத்து சிங்கத்தின் குரலை மட்டும் ஹைடெசிபலில் பின்னணில் அலறவிட்டு குழந்தைகளை பயமுறுத்தும் படம் அல்ல இது. உண்மையில் பயமுறுத்தியிருக்கிறார்கள்.

வர்ட்டா....

ஹைக்கூ...

2010-09-18T11:28:00.000-07:00

நிலவு

அன்பே எங்கிருக்கிறாய்
பகலில் குழந்தை
நிலாவை
காட்டச்சொல்கிறது

மின்னஞ்சல்

எழுத்துப்பிழை
கடிதத்தில்
தெரிந்த அன்பை
ஏரியல் ஃபான்டில்
தேடுகிறார்கள்.

பொம்மை

கண்களில் உயிர்
குழந்தையுடன்
இருக்கும்போது

பல்செட்

மாங்காய் கடித்தும்
கூசாத பற்கள்

தாடி

விஞ்ஞானிக்கும் தாடி
தேவதாஸ்க்கும் தாடி
அளவில் மட்டும்
வித்தியாசம்

தபங்க் - (Dabangg) - இந்தி (2010) விமர்சனம்

2010-09-17T03:49:00.000-07:00

பொதுவா சல்மான்கான் படம்னாலே நமக்கு அலர்ஜி. அவரை மாதிரி சிக்ஸ் பேக் பாடி இல்லாத வயிற்றெரிச்சல்னு நினைக்கவேண்டாம் நமக்குத்தான் பேமிலி பேக் இருக்கே. அவரோட கேனத்தனமான ஆக்டிங் சுத்தமா பிடிக்காது. இந்தப்படம் த்ரி இடியட்ஸ்-ன் வசூலை முறியடித்தது, அதிரடி வெற்றி, ஆப்பக்கடை சட்டின்னு FM லேருந்து, படத்தை பார்த்த சிலபேர் கூவுனதைப்பார்த்து சரி ரிஸ்க் எடுக்கலாம்னு (திருட்டு) டிவிடியை வாங்குனேன்.

தபங்க்: போலிஸ் கதாநாயகன், ரொமான்ஸ், குடும்ப பிரச்சனை,
வில்லன்-நாயகன் மோதல், வில்லன் மரணம், சுபம். இந்த கதையைக்கொண்டு 10393 தடவையாக உருவாக்கப்பட்ட ஒரு கரம் மசாலா.

கதை: முதல் தந்தைக்கு பிறந்த சல்மான், தந்தை இறந்ததால் அம்மாவை(டிம்பிள் கபாடியா) ரெண்டாவது திருமணம் செய்யும் தந்தைக்கு(முகேஷ் கண்ணா) பிறக்கும் அர்பாஸ்கான். ரெண்டாவது தந்தையும், அர்பாஸ்கானும் சல்மானைகானை சிறுவயது முதலே வேலைக்காரன் போல நடத்தியதால் பெரியவனாகி அவர்களை பழிவாங்கவேண்டும் என்ற வைராக்கியதுடன் வளர்ந்து போலீஸ் ஆபிசரகிறார்.

வங்கியிலிருந்து பணத்தை கொள்ளையடித்த கூட்டத்தை தனியாளாக சாகசங்கள் செய்து அடித்து புரட்டி அந்தபணத்தை கைப்பற்றி வங்கியிடம் ஒப்படைக்காமல் தன்னுடைய வீட்டு லாக்கரில் வைக்கும் அளவுக்கு கடமைதவறாத போலிஸ் ஆபிசர் சல்மான். அதாவது அவர் போலிஸ் இல்லை பொறுக்கி. இப்படி செய்வதால் வில்லனுக்கு சிம்ம சொப்பனமாக மாறுகிறார் சல்மான்.

சல்மானின் பணத்தை தன் திருணத்துக்காக கொள்ளையடிக்கும் தம்பி அர்பாஸ்கானின் திருமணத்தை நிறுத்துகிறார் சல்மான். இப்படி பல விசயங்களில் சிறுவயதில் செய்த வைராக்கியத்தில் தம்பியிடம் வஞ்சகம் தீர்க்கிறார் சல்மான். அண்ணன், தம்பியின் பகையை தனக்கு சாதகமாக்கி தம்பியுடன் சேர்ந்து சல்மானை தீர்த்துகட்ட நினைக்கும் வில்லனை சல்மான் எப்படி தீர்த்துக்கட்டினார் என்பதை மசாலா ரசிகர்கள் தவறவிடாதீர்கள்.

சல்மான்கான்: வழக்கமான லுசுத்தனமான சேட்டைகளுடன், நம்முர் தளபதிகளுக்கு இணையாக ஆக்ஷன் அதகளம் பண்ணியிருக்கிறார்.
க்ளைமாக்ஸ் வரைக்கும் சட்டைய கழட்டலையேன்னு நிம்மதியா இருந்தேன், க்ளைமாக்ஸ் சண்டைல வேதாளம் முருங்க மரம் ஏறிடுச்சு.

நாயகி சோனாக்ஷி சின்கா. படத்தில் புதுசாக இருக்கும் ஒரு விசயம் இவர்தான். நடிகர் சத்ருகன் சின்கா வின் புத்திரி. அழகு ஆனால் நடிக்க மட்டும் கொஞ்சம் கஷ்டப்படுகிறார்.

வில்லனைப்பிடிக்க கிளம்பும்போது வில்லன் தன்பரிவாரங்களோடு ரெக்கார்ட் டான்ஸ் பாத்துட்டு இருக்கறது, வில்லனிடம் அடிப்பட்டு விழுந்து கிடக்கும் சல்மானிடம் இவந்தான்டா நம் அம்மாவை கொன்னதுன்னு சொன்னதும் எந்திருச்சு வில்லனை போட்டு புரட்டி எடுக்கறது போன்ற இதுவரைக்கும் பார்த்திராத பல புதுமையான காட்சிகளை வைத்திருக்கிறார்கள்.

இப்படி உளுத்துப்போன பல காட்சிகளைக் கொண்டஒரு ஆக்ஷன் மசாலா. ப்ரீயா இருந்தா மட்டும் (ரெண்டு வாட்டி யோசிச்சுட்டு) பாருங்க சாமியோவ்...

தபங்க்= பலம் (கைப்புள்ள வடிவேலு).

நொறுக்ஸ் 13/09/2010

2010-09-13T04:02:00.000-07:00

கடந்த வாரங்களில் சினிமாதுறையிலிருந்து மட்டும் மூன்றுபேர் இறந்திருக்கிறார்கள். நடிகர் முரளி, மலையாள பட கலைஞர் வேணு நாகவள்ளி, மற்றும் பின்னணி பாடகி ஸ்வர்ணலதா. ஒரு பதிவர் சினிமாதுறையினரின் இறப்புக்கு மட்டும் ஊடகங்கள் அதிகம் முக்கியத்துவம் கொடுப்பதாக வருத்தப்பட்டிருந்தார். சாவு செய்தி கண்டிப்பாக அறிவிக்கப்படவேண்டிய விசயம். பொதுமக்களுக்கு பரிச்சயமானவர்களின் மரணத்திற்கு முக்கியத்துவம் கொடுப்பதில் என்ன தவறு இருக்கிறது. எனக்குபயமெல்லாம் உச்சத்தில் இருக்கும் நடிகர்களும், அரசியல்வாதிகளுக்கும் மரணம் வராமல் இருக்கவேண்டும் என்பதுதான்.அவர்கள் சாவுக்கு பஸ்ஸை கொளுத்துவதில் என்ன லாஜீக் இருக்குன்னு இதுவரைக்கும் புரியல.

=========

சோனி கம்பெனியின் 3டி டிவி விளம்பர ஹோர்டிங் துபாயில் பல இடங்களில் பாரக்க முடிகிறது. சிறுவயதில் பார்த்த 3D படமான மைடியர் குட்டிச்சாத்தான் ஞாபகம் வருகிறது. கண்ணாடியை அணிந்துக்கொண்டு படத்தைப்பார்த்த அந்த அனுபவமே தனி. எனது அண்ணன் ஒரு கண்ணாடியை எப்படியோ ஆட்டைப்போட்டு கொண்டுவந்துவிட்டான். அதைவைத்து அவன் பண்ணிய அலப்பறை பெரியகதை. இப்போது வீட்டிற்கே 3D-ஐ கொண்டுவந்துவிட்டார்கள். 3D டிவியில் குஷ்வுவையும், நமீதாவையும் ஜட்ஜாகப்போட்டு மானாட மயிலாட நிகழ்ச்சியைப்பார்த்தா எப்படி இருக்கும் நினைச்சுப்பார்த்தாலே பகீர்னு இருக்குது.

=========

2014-ல் முகேஷ் அம்பானி உலகின் நம்பர்-1 பணக்காரராக இருப்பார் என போப்ஸ் பத்திரிக்கை கணித்துள்ளது. 1985 ம் ஆண்டு திருபாய் அம்பானி
ஐ.டி.பி.ஐ., வங்கியில் லோன் கேட்டதற்கு மறுத்துவிட்டார்கள். 20 வருடம் கழித்து 2005-ம் ஆண்டு அதே வங்கியை விலைக்கு வாங்க முகேஷ் அம்பானி முடிவெடுத்து ஏனோ கைவிட்டார். என்ன அசூர வளர்ச்சி.

நானும் ஒரு ரெண்டு வருசம் முன்னாடி எங்கூர்ல ஒரு பேங்கல போய் லோன் கேட்க அவனுங்க இழுத்தடிச்சானுஙக...கடுப்பாகி லோன் வாங்கவே இல்லை. அப்போ நானும் நினைச்சுகிட்டேன் இருபது வருசம் கழிச்சு வர்றன்டா....................வந்து திரும்பவும் லோனுக்கு அப்ளை பண்ணுவேன்.... நம்மால அதானே முடியும்.

=========

மதுரையில் புதிய விமானநிலையம் திறந்துள்ளார்கள். மூன்று மாதத்தில் சர்வதேச விமானசேவை ஆரம்பிக்கப்போகிறதாம். 300க்கும் மேறபட்ட விமான சேவைகளை எந்தவித முன்னறிவிப்பும் இன்றி ரத்து செய்திருக்கிறது ஏர் இந்தியா. ஏற்கனவே டிக்கெட் முன்பதிவு செய்தவர்களுக்கு கூட அறிவிக்கப்படவில்லை. இந்த லட்சணத்துல புதுசா ஒண்ணை தொறந்து வச்சு பொங்கல் வைக்கப்போறானுங்களான்னு தெரியல. ஒருவேளை அஞ்சாநெஞ்சன் போய்ட்டு வர்றதுக்கு

பாவம் ரொம்ப கஷ்டப்படுறாரு திறந்துட்டானுங்களோ...என்ன எழவோ நல்லாருங்கடே...

=========

ஊருல ப்ரண்டுக்கு போன் பண்ணிருந்தேன்...அவனுடன் பேசியது...

மக்கா என்னடே எப்படி இருக்க?

நான் நல்லாருக்கம்டே. எப்பண்டே ஊருக்கு வாற? வரும்போது ஜேவிசி ஹேண்டிகேம் ஒண்ணு வாங்கிட்டு வா மக்கா?

கணடிப்பா... உனக்கு இல்லாததாடே ...பணத்தை அங்கேயே என் அக்கவுண்டல போட்ருதியா?

என்னது பணமா??? என்ன மக்கா எனக்கு இதுகூட பண்ணமாட்டியா???

ஹலோ...ஹலோ....ஹலோ...பீய்...பீய்...பீய்...
(இப்படித்தாங்க பேசிட்டிருக்கும்போத லைன் அடிக்கடி கட்டாயிடுது...
ச்சே என்ன நெட்வோர்க் இது)

=========

தூங்கிட்டு இருக்கறவனை எழுப்பி என்னடா தூங்குறியான்னு கேடகறவங்க

ஆபிஸ்ல நேரத்துல போன் பண்ணி என்னடா பிசியாருக்கியான்னு கேட்கறவங்க

டேமேஜ்ர்கிட்ட பாட்டு வாங்கும்போது... போன்பண்ணி நான் யாருன்னு கண்டுபிடி பார்ப்போம்னு சொல்றவங்க...

இவங்களுக்கு நரகத்துல என்ன தண்டனை இருக்கும் தெரிஞ்சவங்க சொல்லுங்கப்பா....கபீம் கும்பாவை விட பயங்கரமான தண்டனையா இருக்கனும்னு வேண்டிக்கிறேன்.

=========

கமல் ஒரு சகாப்தம்.

2010-09-10T14:54:00.000-07:00

கமல் ஆங்கிலப்படங்களை காப்பி அடித்துதான் தன் படங்களை எடுக்கிறார் என்று நண்பர்
"தேளு" ராஜேஷ் ஒரு லிஸ்டே கொடுத்திருந்தார். சாரு, கமலைப்பற்றி எழுதிய நிகழ மறுத்த அற்புதம் தான் தேளு எழுதிய பதிவின் சாராம்சம், கமலும் இதைத்தானே செய்தார். தேளு தன் பதிவில் சாருவின் பெயரை போட்டதுபோல் கமல் தன்படங்களில் செய்வதில்லை, அதாவது காப்பி அடிப்பதில் தப்பில்லை, அதில் தன்பெயரை தன் படைப்பாக போடுகிறார் என்பதே தேளுவின் வாதம்.

பரிட்சை எழுதும்போது பக்கத்து சீட்டு பையனைப்பார்த்து முழுவதும் எழுதிட்டு, அவன் எழுதுவதை அப்படியே காப்பி அடிச்சா ஈஅடிச்சான் காப்பியாயிடும்னு இடைல மானே, தேனே சேர்த்து எழுதி கொடுப்பதை நம்மில் பலபேர் செய்திருப்போம். பக்கத்துசீட்டுப்பையனைப் பார்த்து காப்பி அடிச்சி எழுதிருந்தாலும், நம்ம ஆன்சர் ஷீட்ல பக்கத்துசீட்டு பையனோட பெயரை எழுதி நன்றின்னு போட்டுக் கொடுப்பதில்லை. சில இடங்களில் இது தேவையற்ற ஒன்றாகிறது. உழைப்பு என்ற ஒன்றுக்கு அங்கீகாரம் வேண்டுமெனில் அங்கு தன்பெயர் அவசியமாகிறது.

நாயகன் GODFATHER- படத்தின் உல்டா என கமலே ஒத்துக்கொண்டார், சரி. தேவர் மகனும் GODFATHER ன் படத்தின் உல்டா தேளு சொல்வதற்கு காரணம் தேவர்மகன் படத்தில் வரும் காக்கா ராதாகிருஷ்ணன் என்னும் பாத்திரமாம். இதுபோன்ற பாத்திரம் மகாபாரதத்தில் கூட வருகிறது. நல்லவேளை மகாபாரதம் கூட godfather-ஐ சுட்டு எழுதப்பட்டதுன்னு சொல்லாம வுட்டாரு. ஒரே மாதிரியான பாத்திரங்கள் வேறு படங்களில் இருக்ககூடாதா? சினிமாவில் இப்படி ஒரு விதிஇருந்தால் சந்திரலேகா, பதேர் பாஞ்சாலியோடு இந்திய சினிமா உலகமே முடிந்துபோயிருக்கும்.

சினிமாவில் யார்தான் காப்பி அடிக்கவில்லை 70,80 களில் சிவாஜி, எம்.ஜி.ஆர். ரஜினி(கமல் உள்பட) இந்தியில் திலீப்குமார், ராஜேஷ் கண்ணா, தர்மேந்திரா, அமிதாப் இவர்கள் என்னசெய்தார்கள்? அங்கு வெற்றியாகும் படங்களை இங்கும், இங்கு வெற்றியாகும் படங்களை அங்கும் என மாறி மாறி ஒரே கதைகள் நையப்புடைக்கப்பட்டன.

ஆங்கிலப்படங்களுடன் தமிழ்படங்களை ஒப்பிடுவதை எப்போதுதான் நிறுத்துவார்கள் என தெரியவில்லை. எந்திரன் படம் ஆங்கிலப்படத்துக்கு இணையானது என்கிறார்கள் சிலர்.
டெர்மினேட்டர், ப்ரீடேட்டர், MIB போன்ற படங்களில் பயன்படுத்தாத டெக்னாலஜியை ஒன்றும் எந்திரனில் பயன்படுத்திருக்க போவதில்லை என எல்லாருக்கும் தெரியும், ஆனால் அது தமிழ் சினிமாவுக்கு ஏன் இந்திய சினிமா வரலாற்றிலேயே புதிய விசயம். அதை பாராட்டுவதை விட்டுவிட்டு அதை ஆங்கிலப்படங்களுடன் ஒப்பிட்டு பார்ப்பது அதில் உழைத்தவர்களின் ஒட்டுமொத்த உழைப்பையும் கேவலப்படுத்துவதற்கு சமம்.

மீரா நாயர், ஷபனா அஸ்மி, தீபா மேத்தா படங்களை பட்டியலிடும் நண்பர் கார்த்திகேயனுக்கு பழைய பெங்காலி படங்களையும், பொஜ்பூரி மற்றும் மராத்தியப்படங்களையும் பார்க்க பரிந்துரைக்கிறேன். தீபா மேத்தாவின் வாட்டர்(WATER) படத்தின் கரு "தோஸ் டேஸ்(Those Days)" என்ற வங்காள மொழி நாவலிலிருந்து வாங்கப்பட்டதல்ல உருவப்பட்டது . அப்பறம் ஆர்.எஸ்.எஸ்,VHP ஆதரவுப்படங்களை கமல் தருகிறார் என்பதெல்லாம் சம்பந்தமில்லாமல் விசயத்தை திசைதிருப்புகிறது. டைட்டில் கார்டில் கமலின் பெயர் போடும்போதே அதில் பூணுல் நெளிகிறது என்று சொல்லாதுதான் குறை.

ஒரு நல்ல சினிமா ரசிகன் தான் பார்த்த நல்லப்படங்களை தன் நண்பர்களுக்கு பரிந்துரைக்கலாம். நல்ல வாசகன் தான் படித்த நல்ல புத்தகங்களை பரிந்துரைக்கலாம். ஆனால் ஒரு நல்ல படைப்பாளி ஒரு சிறந்த சினிமா கலைஞன் தன்னை பாதித்த ஒரு ஆங்கில சினிமாவை ரசிகர்களும் பார்க்க பரிந்துரைப்பதைவிட தன்னை பாதித்த ஒரு நல்ல சினிமா தன் ரசிகர்களுக்கும் கிடைக்கவேண்டும் என நினைத்து அதை கொடுக்க முயற்சிப்பதில் ஏதும் தவறு இருப்பதாக தெரியவில்லை.

எங்கயாவது சுட்டு நல்லப்படங்களை கொடுங்கடான்னு மற்ற இயக்குனர்களையும் சொன்னா அதையும் பண்ணாம அரைச்சமாவையே அரைக்கிறார்கள். பணக்கார நாயகியை காதலிக்கும் ஏழை நாயகன், அப்பனை கொன்றவனை பழிவாங்குவதில் தொடர்ந்து ஒன்றுவிட்ட பெரியப்பாவை கொன்றவர்களை பழிவாங்கும் நாயகன் என ஒரு குண்டுச்சட்டியில் மட்டுமே சுற்றிக்கொண்டிருந்த சினிமா மற்றொரு தளத்திற்கு கொண்டு செல்ல முயல்வதில் கமலுக்கு பெரும் பங்கு உண்டு. கமலும் காசை வாங்கிட்டு டாடா சுமோவில் ஏய் ஓய் என்று வந்திறங்கும் ஆயிரம் பேரை ஒரேஅடியில் அடிச்சுப்போட்டு போகத்தெரியாதா என்ன?

நம்ம ஊரில் மின்சார வசதியே இல்லாத ஊர்கள் இருக்கிறது. டிவிடி என்றாலே என்னவென்று தெரியாத குப்பனுக்கும் சுப்பனுக்கும் உலகப்படங்கள் மிகவும் அப்பாற்பட்டவை. அவர்களுக்கு கமல் போன்றவர்கள் கொடுக்கும் படங்களே உலகப்படங்கள். கொடுத்த காசுக்கு மேலயே கூவும் தளபதிகளுக்கு மத்தியில் நல்ல சினிமாவை தன் ரசிகர்களுக்கு கொடுக்கவேண்டும் என்ற நினைப்பு சினிமாவுக்காக தன்னை அற்பணித்தவர்களால் மட்டுமே முடியும். அதை சுட்டு எடுத்தால் என்ன சுடாமல் எடுத்தால் என்ன? ருசியாக இருந்தால் மட்டும் போதும். அந்தவகையில் கமல் ஒரு சகாப்தம்தான்.

கவித...கவித...

2010-09-05T07:37:00.000-07:00

பகல் வெளிச்சத்திலும்
உன் முகம் சரியாக தெரியாது
என்றறிந்தும்
நிலவின் வெளிச்சத்தில்
உன்னை தேடுகின்றேன்

மின்சார விளக்கை சுற்றும்
விட்டில் பூச்சிப்போல
உன் நினைவுகளை சுற்றியே
நான் சுழற்கின்றேன்

உதிரும் இலைகளாக
உன் நினைவுகளும் உதிர்கிறது
இலையுதிர்காலம் மரத்திற்கு
மட்டுமல்ல என் மனதிற்கும்தான்

குழாயில் தண்ணி
வரவில்லை என்று தெரிந்தும்
மொட்டை மாடியில் நீ
துணி காயப்போடும்
தருணங்களை
எதிர்பார்க்கிறேன்

இனிமேலும் காத்திருக்க
முடியாது ஓடிவிடலாம்
என்று சொல்கிறாயே

என் செல்லமே
ஒடி ரோட்டை கடக்கலாம்
வாழ்க்கையை அல்ல...

ஏதாச்சும் புரிஞ்சுதா...? புரியலைன்னா இது கவிதையேதான்...